వారెవ్వా.. ప్రయాణికులకు ఇది కదా కావాల్సింది.. ఈ రైలులో వేడి నీటితో స్నానం.. నో ఎక్స్‌ట్రా ఛార్జీలు..

రోజుకు లక్షలాది మంది ప్రయాణించే భారతీయ రైల్వే, ప్రయాణికుల సౌకర్యాన్ని దృష్టిలో ఉంచుకుని తమ సేవలను నిరంతరం మెరుగుపరుస్తోంది. ముఖ్యంగా చలికాలంలో ప్రయాణికులు ఇబ్బందులు పడకుండా తగిన చర్యలు తీసుకుంటోంది. ఈ క్రమంలో దూర ప్రయాణాలకు వెళ్లే వారికి భారతీయ రైల్వే ఒక గొప్ప శుభవార్త చెప్పింది. దేశంలోనే అత్యంత ఆధునికమైన వందే భారత్ ఎక్స్‌ప్రెస్ యొక్క స్లీపర్ వెర్షన్‌లో త్వరలో ప్రయాణికులకు స్నానం చేయడానికి వేడి నీటి సదుపాయం అందుబాటులోకి రానుంది.

ఈ అధునాతన సౌకర్యం వందే భారత్ ఎక్స్‌ప్రెస్ యొక్క స్లీపర్ వెర్షన్‌లో ప్రవేశపెట్టబడుతుంది. ఇప్పటికే వేగం మరియు అత్యాధునిక ఫీచర్లకు ప్రసిద్ధి చెందిన వందే భారత్ రైళ్లు, ఈ కొత్త సదుపాయంతో మరింత ఆకర్షణీయంగా మారనున్నాయి. వందే భారత్ ఎక్స్‌ప్రెస్ యొక్క స్లీపర్ వెర్షన్‌‌లో ఈ ప్రత్యేక ఫీచర్ ప్రవేశపెట్టబడుతుంది. ఇప్పటికే వేగం, అత్యాధునిక ఫీచర్లకు ప్రసిద్ధి చెందిన వందే భారత్ రైళ్లు, ఈ కొత్త సదుపాయంతో మరింత ఆకర్షణీయంగా మారనున్నాయి. ఢిల్లీ నుండి కాశ్మీర్ లేదా దక్షిణ గమ్యస్థానాలు వంటి రాత్రిపూట ప్రయాణం అవసరమయ్యే సుదీర్ఘ మార్గాల్లో నడిచే వందే భారత్ స్లీపర్ రైళ్లలో ఈ హాట్ షవర్ సౌకర్యం ప్రయాణికులకు ఎంతగానో ఉపయోగపడుతుంది.

ఫస్ట్ ఏసీలో ఉచితం!

ఈ సదుపాయం కోసం ప్రయాణీకులు ఎంత చెల్లించాలి అనే సందేహం అక్కర్లేదు. ఫస్ట్ ఏసీ ప్రయాణీకులకు ఈ వేడి నీటి స్నానపు సౌకర్యం పూర్తిగా ఉచితం. ఈ సేవ ఫస్ట్ ఏసీ ఛార్జీలోనే చేర్చుతారు. కాబట్టి అదనపు ఛార్జీ చెల్లించాల్సిన అవసరం లేదు. ఇతర కోచ్‌లు ఈ సేవలు అందుబాటులో ఉండవు. వందే భారత్ స్లీపర్ రైలుతో పాటు రాజధాని, దురంతో, ఇతర సూపర్‌ఫాస్ట్ రైళ్ల వంటి కొన్ని ఎంపిక చేసిన ప్రీమియం రైళ్లలోని ఫస్ట్ ఏసీ కోచ్‌లలో కూడా ఇప్పటికే వేడి నీటి స్నానపు సదుపాయం అందుబాటులో ఉంది. భారతీయ రైల్వేలు ప్రయాణికులకు రైలు పట్టాలపై కూడా హోటల్ స్థాయి లగ్జరీ అనుభూతిని అందించాలని లక్ష్యంగా పెట్టుకున్నాయి.

ప్రస్తుతం ఆటోమేటిక్ డోర్లు, అధునాతన భద్రతా వ్యవస్థలు, ఇతర ప్రీమియం సేవలను అందిస్తున్న వందే భారత్ రైళ్లు, ఈ కొత్త ఫీచర్‌తో ప్రయాణికులకు సౌకర్యవంతమైన ప్రయాణంతో పాటు హోటల్ లాంటి సౌకర్యాలను కూడా అందిస్తున్నాయని రైల్వే అధికారులు తెలిపారు.