Upcoming Cars: జూన్‌లో మార్కెట్లోకి రానున్న కొత్త కార్లు.. డిజైన్, ఫీచర్లు ఎలా ఉన్నాయంటే?
ఈ కార్లు జూన్‌లో విడుదలయ్యే అవకాశం ఉంది. వాటిలో కొన్ని కార్లు సరికొత్త ఫీచర్లతో రానున్నాయి. ఈ జాబితాలో కియా ఈవీ6, వోక్స్‌వ్యాగన్ వర్టస్, హ్యుందాయ్ వెన్యూ ఫేస్‌లిఫ్ట్, మహీంద్రా స్కార్పియో ఎన్, సిట్రోయెన్ సీ3 ఉన్నాయి.
Updated on: Jun 02, 2022 | 6:45 AM
Upcoming Cars: దేశంలో, ప్రపంచంలోని ప్రసిద్ధ కార్ల తయారీదారులు భారతదేశంలో ఒకటి కంటే ఎక్కువ కార్లను అందిస్తూనే ఉన్నారు. కొత్త కారును కొనుగోలు చేయాలనుకుంటున్నట్లయితే, త్వరలో మార్కెట్లోకి రానున్న కొన్ని బెస్ట్ కార్ల గురించి ఇప్పుడు తెలుసుకుందాం. అవును, ఈ కార్లు జూన్‌లో విడుదలయ్యే అవకాశం ఉంది. వీటిలో కొన్ని సరికొత్త ఫీచర్లతో విడుదల కానున్నాయి. ఈ జాబితాలో కియా EV6, వోక్స్‌వ్యాగన్ వర్టస్, హ్యుందాయ్ వెన్యూ ఫేస్‌లిఫ్ట్, మహీంద్రా స్కార్పియో ఎన్, సిట్రోయెన్ సీ3 ఉన్నాయి. ఈ ఐదు కార్ల ఫీచర్లు, స్పెసిఫికేషన్లు, ధర ఎలా ఉన్నాయో తెలుసుకుందాం..
Kia EV6..
భారతదేశంలో Kia EV6 ప్రత్యేకమైన GT లైన్ ట్రిమ్‌లలో అందుబాటులో ఉంటుంది. మల్టీ-ఛార్జింగ్ సిస్టమ్ వంటి సాంకేతికతతో వస్తుంది. ఇది 400V, 800V ఛార్జర్‌లతో పనిచేసే ఛార్జింగ్ సిస్టమ్‌తో పని చేస్తుంది. 350KWh ఛార్జర్‌ని ఉపయోగించి కేవలం 18 నిమిషాల వ్యవధిలో కారును 10 నుంచి 80 శాతం వరకు ఛార్జ్ చేయగల ఫాస్ట్ ఛార్జింగ్ టెక్నాలజీ వంటి కీలక ఫీచర్లు కూడా ఇందులో ఉన్నాయి. కారులోని ఇతర ఫీచర్లు 2-వే ఛార్జింగ్ టెక్నాలజీని కలిగి ఉంది. కారు డ్యుయల్ మోటార్ ఆల్ వీల్ డ్రైవ్ (AWD) సిస్టమ్‌ను కూడా అందిస్తుంది.
వోక్స్‌వ్యాగన్ వర్టస్..
వోక్స్‌వ్యాగన్ వర్టస్ మిడ్-సైజ్ సెడాన్‌గా జూన్ 9న మార్కెట్లోకి విడుదల కానుంది. పూణే సమీపంలోని VW చకన్ ప్లాంట్‌లో ఈ కారును తయారు చేస్తున్నారు. వెర్టస్ రెండు ఇంజన్ ఆప్షన్‌లతో అందుబాటులో ఉంటుంది. ఇంజన్ గురించి మాట్లాడితే, ఇది 113 BHP పవర్, 175 Nm టార్క్ ఉత్పత్తి చేసే 1.0-లీటర్ టర్బో పెట్రోల్ ఇంజన్ ద్వారా శక్తిని పొందుతుంది. 1.5-లీటర్ TSI ఇంజన్ 148 BHP, 250 Nm శక్తిని అందించింది. ట్రాన్స్‌మిషన్ ఎంపికలలో 6-స్పీడ్ మాన్యువల్, 6-స్పీడ్ ఆటోమేటిక్, 7-స్పీడ్ DSG ట్రాన్స్‌మిషన్ ఉన్నాయి.
హ్యుందాయ్ వెన్యూ ఫేస్‌లిఫ్ట్..
హ్యుందాయ్ వెన్యూ ఫేస్‌లిఫ్ట్ SUV జూన్ 16న భారతదేశంలో లాంచ్ కానున్నట్లు తెలుస్తుంది. ఈ SUV లాంచ్ ప్రమోషన్ కారణంగా అనధికారికంగా బుకింగ్ కోసం అందుబాటులో కూడా ఉంది. ఇక ధర గురించి మాట్లాడితే, రూ. 10 లక్షల బడ్జెట్‌లో ప్రారంభం కాగలదని భావిస్తున్నారు. ఫీచర్ల గురించి మాట్లాడితే, ఈ SUVకి మెరుగైన ఫ్రంట్ గ్రిల్ డిజైన్ అందించారు. ఇది ప్రపంచవ్యాప్తంగా కొత్త తరం హ్యుందాయ్ మోడళ్లలో కనిపించే డిజైన్‌ను పోలి ఉంటుంది. SUV కొత్త LED టైల్‌లైట్లు, బంపర్‌లను కూడా పొందుతుంది. ఇది కొత్త డిజైన్ అల్లాయ్ వీల్స్‌ను కూడా కలిగి ఉంది. ఇది ఇన్ఫోటైన్‌మెంట్ సిస్టమ్ కోసం కొత్త ఫీచర్లతో పాటు తాజా అప్హోల్స్టరీ డిజైన్, డ్యాష్‌బోర్డ్ మార్పులను కలిగి ఉండే కొత్త ఇంటీరియర్స్‌తో వస్తుందని భావిస్తున్నారు.
మహీంద్రా స్కార్పియో ఎన్..
భారతదేశంలో అత్యంత ఇష్టపడే SUV స్కార్పియో.. మహీంద్రా స్కార్పియో ఎన్ మోడల్ చకాన్ ఆధారంగా కంపెనీ ప్లాన్‌లో తయారు చేస్తుంది. మహీంద్రా త్వరలో స్కార్పియో ఎన్ భారీగా ఉత్పత్తి చేసేందుకు ప్రయత్నాలు ప్రారంభించనుంది. పవర్‌ట్రెయిన్ గురించి కంపెనీ అధికారికంగా ఎలాంటి సమాచారం ఇవ్వలేదు. ఇది పెట్రోల్, డీజిల్ రెండింటితో నడిచే ఇంజన్లను పొందుతుందని భావిస్తున్నారు. స్కార్పియో ఎన్ 4×4 వెర్షన్ ఉంటుందని మహీంద్రా ధృవీకరించింది. రెండు పవర్‌ట్రెయిన్‌లకు 4×4 ట్రాన్స్‌మిషన్ అందుబాటులో ఉంటుందని అంచనా వేస్తున్నారు. మహీంద్రా ఖరీదైన వేరియంట్‌ల కోసం అదే ఇంజిన్‌ను మరింత శక్తివంతమైన వెర్షన్‌ను అందిస్తుంది. మహీంద్రా స్కార్పియో ఎన్ మహీంద్రా థార్ వంటి ఇంజన్ ఎంపికగా లేదా మహీంద్రా XUV700 లా ఉంటుందని తెలుస్తోంది. మహీంద్రా స్కార్పియో ఎన్‌కి కంపెనీ 2.2 లీటర్ డీజిల్ ఇంజన్, 2 లీటర్ పెట్రోల్ ఇంజన్లను ఆప్షన్‌గా తీసుకురావచ్చని భావిస్తున్నారు.
సిట్రోయెన్ సీ3..
ఫ్రెంచ్ కార్‌మేకర్ సిట్రోయెన్ సబ్‌కాంపాక్ట్ SUVని సెప్టెంబరు 2021లో సిట్రోయెన్ C3గా భారతదేశంలో విడుదల చేయబోతున్నట్లు ప్రకటించింది. ఇది త్వరలో మార్కెట్లోకి రావచ్చు. డిజైన్ పరంగా, సిట్రోయెన్ C3 ఒక బోనెట్, పెద్ద షట్కోణ గ్రిల్, కోణీయ DRLలతో కూడిన స్ప్లిట్-టైప్ హెడ్‌లైట్లు, బంపర్-మౌంటెడ్ ఫాగ్ ల్యాంప్స్, సిల్వర్ స్కిడ్ ప్లేట్‌ను పొందుతుంది. బ్లాక్-అవుట్ బి-పిల్లర్లు, ఇండికేటర్-మౌంటెడ్ ORVMలు, బ్లాక్ రూఫ్ రెయిల్‌లు, మల్టీ-స్పోక్ అల్లాయ్ వీల్స్ కారు వైపున ఇవ్వనున్నట్లు తెలుస్తుంది. ఇంజన్ గురించి మాట్లాడితే, Citroen C3కి 1.2-లీటర్ పెట్రోల్ ఇంజన్ ఇవ్వవచ్చు. ఇది టర్బోచార్జర్‌తో రానుంది. ట్రాన్స్‌మిషన్ గురించి మాట్లాడితే, ఈ SUVలో మాన్యువల్, AMT గేర్‌బాక్స్ ఇవ్వవచ్చు.
