Best Investments: ఆడపిల్లల బంగారు భవిష్యత్‌కు ఆ పథకాలే ముఖ్యం… నమ్మలేని వడ్డీ రేట్లు మీ సొంతం
పెరుగుతున్న ఖర్చుల నేపథ్యంలో ఆడబిడ్డకు ఉజ్వల భవిష్యత్తును అందించాలని ఆలోచించాలని అందరూ అనుకుంటారు. వారికి బంగారు భవిష్యత్‌ అందించేందుకు కచ్చితం పొందుపు చేయాలి. ఈ నేపథ్యంలో ప్రత్యేకంగా ఆడపిల్లల కోసం భారత ప్రభుత్వం సుకన్య సమృద్ధి యోజన పథకం అందుబాటులోకి తీసుకువచ్చింది. మ్యూచువల్ ఫండ్, బంగారం లేదా రియల్ ఎస్టేట్ వంటి కొన్ని కీలకమైన పెట్టుబడి ఎంపికలు కూడా ఉన్నాయని మార్కెట్ నిపుణులు పేర్కొంటున్నారు.
Srinu | Edited By: Ram Naramaneni
Updated on: Nov 26, 2023 | 9:23 PM
భారతదేశంలో ప్రజలకు పొదుపుపై మక్కువ పెంచడానికి వివిధ పెట్టుబడి పథకాలు అందుబాటులో ఉన్నాయి. నేటి పొదుపే రేపటి భవిష్యత్‌ ములుపు అని అందరికీ తెలిసిన విషయమే. ముఖ్యంగా పెరుగుతున్న ఖర్చుల నేపథ్యంలో ఆడబిడ్డకు ఉజ్వల భవిష్యత్తును అందించాలని ఆలోచించాలని అందరూ అనుకుంటారు. వారికి బంగారు భవిష్యత్‌ అందించేందుకు కచ్చితం పొదుపు చేయాలి. ఈ నేపథ్యంలో ప్రత్యేకంగా ఆడపిల్లల కోసం భారత ప్రభుత్వం సుకన్య సమృద్ధి యోజన పథకం అందుబాటులోకి తీసుకువచ్చింది. మ్యూచువల్ ఫండ్, బంగారం లేదా రియల్ ఎస్టేట్ వంటి కొన్ని కీలకమైన పెట్టుబడి ఎంపికలు కూడా ఉన్నాయని మార్కెట్ నిపుణులు పేర్కొంటున్నారు. వీటిల్లో పెట్టుబడి దీర్ఘకాలిక వృద్ధి సామర్థ్యం, పన్ను ప్రయోజనాలను అందిస్తున్నాయి. కాబట్టి ఆ పెట్టుబడి పథకాల గురించి ఓ సారి తెలుసుకుందాం.
సుకన్య సమృద్ధి యోజన
ఈ కేంద్ర పొదుపు పథకం ప్రత్యేకంగా ఆడపిల్లల కోసం రూపొందించారు. ఈ పథకంలో అధిక వడ్డీ రేట్లతో పాటు పన్ను ప్రయోజనాలను అందిస్తుంది. ఇది ఆదర్శవంతమైన దీర్ఘకాలిక పెట్టుబడి ఎంపిక.
ఫిక్స్డ్‌ డిపాజిట్లు
ఎఫ్‌డీల్లో పెట్టుబడి పెట్టడం అనేది సురక్షితమైన ఎంపిక. ఇది హామీతో కూడిన రాబడిని అందిస్తుంది. అయితే ఇతర ఎంపికలతో పోలిస్తే ఎఫ్‌డీల్లో వడ్డీ రేట్లు చాలా తక్కువగా ఉంటాయి.
నేషనల్ సేవింగ్స్ సర్టిఫికేట్
కేంద్ర ప్రభుత్వం రూపొందించిన నేషనల్ సేవింగ్స్ సర్టిఫికేట్ స్థిర వడ్డీ రేట్లు, పన్ను ప్రయోజనాలను అందిస్తుంది. ఆడపిల్లల భవిష్యత్తు అవసరాల కోసం కార్పస్‌ను నిర్మించాలనుకునే తల్లిదండ్రులకు ఈ పథకం మంచి ఎంపిక.
పోస్టాఫీసు డిపాజిట్
మీరు పోస్ట్ ఆఫీస్ డిపాజిట్ వంటి పోస్ట్ ఆఫీస్ స్కీమ్‌లలో కూడా పెట్టుబడి పెట్టవచ్చు. ఎందుకంటే ఇది తల్లిదండ్రులు తమ కుమార్తె ఖాతాలో రెగ్యులర్ డిపాజిట్లను చేయడానికి అనుమతిస్తుంది. ఈ పథకం స్థిర వడ్డీ రేట్లు, పన్ను ప్రయోజనాలను అందిస్తుంది.
పబ్లిక్ ప్రావిడెంట్ ఫండ్
మీరు పీపీఎఫ్‌ల్లో కూడా పెట్టుబడి పెట్టవచ్చు. ఇది పన్ను ప్రయోజనాలు, హామీ రాబడిని అందించే మరొక అద్భుతమైన దీర్ఘకాలిక పెట్టుబడి ఎంపిక. విద్య, వివాహం లేదా వ్యవస్థాపక వెంచర్లు వంటి తమ కుమార్తె భవిష్యత్తు అవసరాల కోసం గణనీయమైన కార్పస్‌ను నిర్మించాలనుకునే తల్లిదండ్రులకు ఇది మంచి పథకం.
మ్యూచువల్ ఫండ్స్
మీరు మ్యూచువల్ ఫండ్‌లో కూడా పెట్టుబడి పెట్టవచ్చు. ఇది స్టాక్‌లు, బాండ్లకు సంబంధించిన విభిన్న పోర్ట్‌ఫోలియోలో పెట్టుబడి పెట్టడానికి గొప్ప మార్గం. సాంప్రదాయ పొదుపు పథకాల కంటే ఈ పథకం అధిక రాబడిని అందిస్తుంది. మీరు సిస్టమాటిక్ ఇన్వెస్ట్‌మెంట్ ప్లాన్ (ఎస్‌ఐపీ) ద్వారా మ్యూచువల్ ఫండ్స్‌లో ఇన్వెస్ట్ చేస్తే అది మార్కెట్ హెచ్చుతగ్గులను సగటున తగ్గించడంలో, నష్టాన్ని తగ్గించడంలో మీకు సహాయపడుతుంది.
బంగారంలో పెట్టుబడి
మీరు బంగారంలో పెట్టుబడి పెట్టవచ్చు. ఎందుకంటే ఇది భారతదేశంలోని బాలికలకు సాంప్రదాయ పెట్టుబడి ఎంపికగా ఉంది. ఈ పెట్టుబడి సురక్షితమైన ఆస్తిగా పరిగణిస్తారు.
రియల్ ఎస్టేట్
మీరు ఆడపిల్లల భవిష్యత్‌ కోసం రియల్ ఎస్టేట్‌లో కూడా పెట్టుబడి పెట్టవచ్చు, ఎందుకంటే ఇది మంచి దీర్ఘకాలిక పెట్టుబడి ఎంపిక. అయితే పెట్టుబడి పెట్టే ముందు పరిశోధన చేయడం చాలా ముఖ్యం.
మరిన్ని బిజినెస్ వార్తల కోసం ఇక్కడ క్లిక్ చేయండి..
