Home Loan: సొంతింటి కల సాకారం.. ఆ బ్యాంకుల్లో హోమ్‌లోన్స్‌పై అతి తక్కువ వడ్డీ
భారతదేశంలోని ప్రజలకు సొంత ఇల్లు అనేది ఓ తీరని కోరికగా ఉంటుంది. సొంతింటి కలను నెరవేర్చుకునేందుకు ప్రతి ఒక్కరూ తమ పొదుపును ఉపయోగించడంతో పాటు హోమ్ లోన్ తీసుకుని నెలనెలా ఈఎంఐ రూపంలో చెల్లిస్తూ ఉంటారు. అయితే చాలా బ్యాంకులు ఈఎంఐలపై అదిరే ఆఫర్లను ప్రకటిస్తూ ఉంటాయి. ఈ నేపథ్యంలో ఏయే బ్యాంకుల్లో తక్కువ వడ్డీతో సొంతింటి కలను నెరవేర్చుకోవచ్చో? ఓసారి చూద్దాం.
Srinu |
Updated on: Dec 01, 2024 | 7:45 PM
నిధుల కొరత కారణంగా చాలా మంది వ్యక్తులు సొంతింటిని కొనుగోలు చేసుకోవాలనే లక్ష్యానికి దూరంగా ఉంటాయి. చాలా బ్యాంకులు గృహ రుణంపై తక్కువ వడ్డీతో లోన్లను అందిస్తూ ఉంటాయి. ముఖ్యంగా ఉద్యోగులకు గృహ రుణం చెల్లింపు అనేది అనువుగా ఉండడంతో గృహ రుణాలను తీసుకుంటూ ఉంటారు. అయితే గృహ రుణంపై వడ్డీ తక్కువగా ఉన్న కొన్ని బ్యాంకులు ప్రాసెసింగ్ ఫీజుతో బాదేస్తూ ఉంటాయి. కాబట్టి నవంబర్-డిసెంబర్ 2024కి సంబంధించి పోటీ వడ్డీ రేట్లతో ప్రముఖ బ్యాంకులు గృహ రుణాలను అందిస్తున్నాయి. ఈ నేపథ్యంలో ఏయే బ్యాంకుల్లో ఎంత వడ్డీతో రుణాలను పొందవచ్చో? ఓసారి తెలుసుకుందాం.
గృహ రుణాలపై వడ్డీ రేట్లు ఇలా
- యూనియన్ బ్యాంక్ ఆఫ్ ఇండియాలో గృహ రుణాలకు వడ్డీ రేటు 8.35 శాతంగా ఉంది. అలాగే ప్రాసెసింగ్ ఫీజు 0.50 శాతంగా ఉంది.
- బ్యాంక్ ఆఫ్ ఇండియా నుంచి గృహ రుణానికి ప్రాసెసింగ్ రుసుము లేదు. ఈ బ్యాంకు 8.35 శతం వడ్డీ రేటుతో గృహ రుణాలను అందిస్తుంది.
- బ్యాంక్ ఆఫ్ మహారాష్ట్ర ఎలాంటి ప్రాసెసింగ్ ఫీజు లేకుండా గృహ రుణాన్ని అందిస్తుంది. 8.35 శాతం వడ్డీ రేటుతో రుణాన్ని అందిస్తుంది.
- బ్యాంక్ ఆఫ్ బరోడా 8.40 శాతం నుండి వడ్డీ రేటుతో గృహ రుణాలను అందిస్తుంది. అయితే ఈ బ్యాంకులో ప్రాసెసింగ్ రుసుము నుంచి మినహాయింపు ఉంటుంది.
- పంజాబ్ నేషనల్ బ్యాంక్ తన గృహ రుణాల ప్రాసెసింగ్ ఫీజును కూడా మాఫీ చేస్తుంది. ఈ బ్యాంకు 8.40 శాతం వడ్డీ రేటుతో గృహ రుణాన్ని అందిస్తుంది.
ఆ ఖర్చులపై జాగ్రత్తలు మస్ట్
బ్యాంకు నుంచి గృహ రుణం తీసుకునే సమయంలో కేవలం వడ్డీ రేటు మాత్రమే చూస్తే నష్టపోవాల్సి ఉంటుంది. వడ్డీ రేటుతో పాటు అదనపు ఖర్చులను అర్థం చేసుకోవడం కూడా కీలకం. ప్రాసెసింగ్ ఫీజులు, ప్రీపేమెంట్ ఛార్జీలు, స్థిరమైన లేదా ఫ్లోటింగ్ వడ్డీ రేట్ల ప్రభావం కారణంగా మీ మొత్తం ఈఎంఐ మొత్తం ప్రభావితమవుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
