Tax Rules Change: పన్ను చెల్లింపుదారుల కోసం 6 నెలల్లో మారిన 5 పన్ను నియమాలు!
Tax Rules Change: బడ్జెట్లో పన్నుకు సంబంధించి ప్రభుత్వం ఎలాంటి మార్పులు చేస్తుందో పన్ను చెల్లింపుదారులు ఎదురు చూస్తున్నారు. అయితే దానికంటే ముందు గత బడ్జెట్ నుండి గత 6 నెలల్లో ఆదాయపు పన్నుకు సంబంధించి ప్రభుత్వం చేసిన 5 ప్రధాన మార్పులు ఏమిటో తెలుసుకోవడం..
Updated on: Jan 25, 2025 | 5:02 PM
బడ్జెట్ 2025 రాబోతోంది. ఫిబ్రవరి 1న కేంద్ర ఆర్థిక శాఖ మంత్రి నిర్మలాసీతారామన్ బడ్జెట్ను ప్రవేశపెట్టనున్నారు. దీని కోసం ప్రభుత్వం బడ్జెట్లో కొన్ని ప్రత్యేక ప్రకటనలు చేయగలదని పన్ను చెల్లింపుదారులు మరోసారి ఆశిస్తున్నారు. జూలై 2024లో సమర్పించిన చివరి బడ్జెట్లో, సవరించిన పన్ను స్లాబ్లు, పెరిగిన స్టాండర్డ్ డిడక్షన్లతో కూడిన కొత్త పన్ను విధానంలో కొన్ని మార్పులు చేసింది. ఈసారి ఆదాయపు పన్ను శ్లాబ్లు, మూలధన లాభాల పన్ను, జీతం పొందే వ్యక్తుల ప్రయోజనాలలో సాధ్యమయ్యే మార్పులపై ఆశలు ఉన్నాయి.
బడ్జెట్లో పన్నుకు సంబంధించి ప్రభుత్వం ఎలాంటి మార్పులు చేస్తుందో పన్ను చెల్లింపుదారులు ఎదురు చూస్తున్నారు. అయితే దానికంటే ముందు గత బడ్జెట్ నుండి గత 6 నెలల్లో ఆదాయపు పన్నుకు సంబంధించి ప్రభుత్వం చేసిన 5 ప్రధాన మార్పులు ఏమిటో తెలుసుకోవడం
1. కొత్త పన్ను స్లాబ్
పన్ను చెల్లింపుదారులు మరింత ఉపశమనం పొందేందుకు ప్రభుత్వం కొత్త పన్ను స్లాబ్ను ప్రవేశపెట్టింది.
- రూ. 0-3 లక్షలు: 0% పన్ను
- రూ. 3-6 లక్షలు: 5%
- రూ. 6-9 లక్షలు: 10%
- రూ. 9-12 లక్షలు: 15%
- రూ. 12-15 లక్షలు: 20%
- రూ. 15 లక్షలు, అంతకంటే ఎక్కువ: 30%
ఈ కొత్త స్లాబ్లు మధ్య-ఆదాయ పన్ను చెల్లింపుదారులకు రూ. 17,500 వరకు ఆదా చేయడంలో సహాయపడతాయి. ఈ కొత్త స్లాబ్ ఏప్రిల్ 1 నుంచి వర్తిస్తుంది.
2. ప్రామాణిక తగ్గింపులో పెరుగుదల
స్టాండర్డ్ డిడక్షన్ పరిమితిని రూ.50,000 నుంచి రూ.75,000కి పెంచిన ప్రభుత్వం.. ఫ్యామిలీ పెన్షనర్ల పరిమితిని కూడా రూ.15,000 నుంచి రూ.25,000కి పెంచింది.
3. NPSకి సహకారంపై అదనపు మినహాయింపు
నేషనల్ పెన్షన్ సిస్టమ్ (NPS)కి యజమాని సహకారంపై మినహాయింపు పరిమితిని 10% నుండి 14%కి పెంచారు. ఈ మార్పు ఉద్యోగులు తమ రిటైర్మెంట్ ఫండ్లో మరింత పొదుపు చేసుకునేలా ప్రోత్సహిస్తుంది.
4. మూలధన లాభాల పన్నులో మార్పులు
స్వల్పకాలిక మూలధన లాభం (ఎస్టీసీజీ)పై పన్ను రేటు 15% నుంచి 20%కి పెరిగింది.
దీర్ఘకాలిక మూలధన లాభం (ఎల్టిసిజి)పై పన్ను రేటు 10% నుండి 12.5%కి పెరిగింది.
ఈక్విటీ పెట్టుబడులపై ఎల్టీసీజీ మినహాయింపు పరిమితిని రూ.1 లక్ష నుంచి రూ.1.25 లక్షలకు పెంచారు.
5. లగ్జరీ వస్తువులపై TCS
రూ.10 లక్షల కంటే ఎక్కువ విలువైన లగ్జరీ వస్తువులపై మూలం వద్ద పన్ను వసూలు (TCS) అమలు చేసింది. ఈ నియమం జనవరి 1, 2025 నుండి అమలులోకి వచ్చింది.
మరిన్ని బిజినెస్ వార్తల కోసం ఇక్కడ క్లిక్ చేయండి
