Tata: అదృష్టం అంటే ఇదే.. ఈ ఒక్క పనితో కోటీశ్వరులయ్యారు.. కేవలం రూ.1 లక్ష పెడితే రూ. 1.09 కోట్లు..!

Tata Large Cap Fund Magic: మ్యూచువల్ ఫండ్స్‌లో పెట్టుబడి పెట్టేటప్పుడు ఉండాల్సిన ప్రధాన లక్షణం ‘ఓపిక’. క్రమశిక్షణతో కూడిన దీర్ఘకాలిక పెట్టుబడి ఎంతటి సంపదను సృష్టిస్తుందో టాటా లార్జ్ క్యాప్ ఫండ్ (Tata Large Cap Fund) నిరూపించింది. గత 28 ఏళ్లుగా ఈ ఫండ్ తన ఇన్వెస్టర్లకు కళ్లు చెదిరే లాభాలను అందిస్తూ కోటీశ్వరులను చేసింది.

రూ. 1 లక్షకు రూ. 1.09 కోట్లు:

టాటా అసెట్ మేనేజ్‌మెంట్ కంపెనీ (Tata AMC) కి చెందిన ఈ లార్జ్ క్యాప్ ఫండ్‌ను మే 7, 1998న ప్రారంభించారు. ఈ స్కీమ్ ప్రారంభమైనప్పుడు ఎవరైనా ఒక ఇన్వెస్టర్ రూ. 1 లక్షను ఒకేసారి పెట్టుబడిగా పెట్టి ఉంటే, నేడు దాని విలువ అక్షరాలా రూ. 1.09 కోట్లు. అంటే గత 28 ఏళ్లలో ఈ ఫండ్ వార్షికంగా 18.25% (CAGR) రాబడిని అందించింది.

నెలకు రూ. 10 వేల సిప్ (SIP)తో రూ. 5.27 కోట్లు:

అలాగే కేవలం లంప్‌సమ్ మాత్రమే కాదు, సిస్టమాటిక్ ఇన్వెస్ట్‌మెంట్ ప్లాన్ (SIP) ద్వారా పెట్టుబడి పెట్టిన వారికి కూడా ఈ ఫండ్ అద్భుతమైన ఫలితాలను ఇచ్చింది. ఈ ఫండ్ ప్రారంభమైనప్పటి నుండి నెలకు రూ. 10,000 చొప్పున ఎవరైనా సిప్ చేస్తూ వచ్చి ఉంటే ఇప్పుడు ఆ మొత్తం విలువ రూ. 5.27 కోట్లుగా ఉండేది. గత 10 ఏళ్ల క్రితం నెలకు రూ. 10 వేల సిప్ ప్రారంభించిన వారికి 12.11% వార్షిక రాబడితో ఇప్పుడు సుమారు రూ. 22.37 లక్షలు అందేవి. గత 7 ఏళ్ల క్రితం పెట్టుబడి మొదలుపెట్టిన వారికి 12.75% రాబడితో రూ. 13.12 లక్షలు సమకూరేవి.

ఇవి కూడా చదవండి

బంగారం కొనుగోళ్లపై ప్రభుత్వం పూర్తి నిషేధం విధిస్తుందా?నియమాలేంటి

ఖరీదైన ఎలక్ట్రిక్‌ కారు కొనుగోలు చేసిన బిగ్ బాస్ బ్యూటీ..

తులం బంగారంతో నగలు చేయిస్తే ఎంత తరుగు పోతుంది? ఛార్జీల సీక్రెట్

వాషింగ్ మెషీన్ గంటకు ఎన్ని యూనిట్ల కరెంటు వాడుతుందో తెలుసా?

రేటింగ్స్, గత కాలపు రాబడులు:

ఈ ఫండ్ పనితీరును పరిశీలించిన వాల్యూ రీసెర్చ్ దీనికి 4-స్టార్ రేటింగ్ ఇవ్వగా, మార్నింగ్ స్టార్ సంస్థ 3-స్టార్ రేటింగ్ ఇచ్చింది. లంప్ సమ్ పెట్టుబడి విధానానికి వస్తే టాటా లార్జ్ క్యాప్ ఫండ్‌ లాంచ్ అయినప్పుడు పదేళ్ల క్రితం ఇందులో రూ. 1 లక్ష పెట్టుబడి ఇప్పుడు రూ. 3.17 లక్షలు (12.24% CAGR). అలాగే ఏడేళ్ల కిందట రూ.1 లక్ష ఇప్పుడు రూ. 2.34 లక్షలు (12.7% CAGR), అలాగే ఐదేళ్ల కిందట రూ. 1 లక్ష పెడితే ఇప్పుడు రూ. 1.78 లక్షలు అయింది.

ఇది కూడా చదవండి: LPG Cylinder: గ్యాస్ సిలిండర్ వాడే వారికి భారీ షాక్.. వీళ్లకు సబ్సిడీ కట్‌.. 7 రోజుల డెడ్‌లైన్‌..!

మార్కెట్లో టాప్ లార్జ్ క్యాప్ ఫండ్స్:

– టాటా లార్జ్ క్యాప్ ఫండ్ మాదిరిగానే గత 10 ఏళ్లలో మరికొన్ని ఫండ్స్ కూడా మెరుగైన ఫలితాలను ఇచ్చాయి:

– నిప్పాన్ ఇండియా లార్జ్ క్యాప్ ఫండ్: 15.13% వార్షిక రాబడి.

– ఐసీఐసీఐ ప్రూడెన్షియల్ లార్జ్ క్యాప్ ఫండ్: 14.47% వార్షిక రాబడి.

– పీజీఐఎం ఇండియా లార్జ్ క్యాప్ ఫండ్: 10.56% వార్షిక రాబడి.

గమనిక: మ్యూచువల్ ఫండ్ పెట్టుబడులు మార్కెట్ రిస్క్‌లకు లోబడి ఉంటాయి. పెట్టుబడి పెట్టే ముందు నిపుణుల సలహా తీసుకోవడం శ్రేయస్కరం.

ఇది కూడా చదవండి: Pension: నెలకు కేవలం రూ.210 డిపాజిట్‌ చేస్తే చాలు.. ప్రతినెల రూ.5000 పెన్షన్‌.. ప్రభుత్వ నుంచి అద్భుతమైన పథకం!

ఇది కూడా చదవండి: India Gold Ban: బంగారం కొనుగోళ్లపై ప్రభుత్వం పూర్తి నిషేధం విధిస్తుందా? అసలు నియమాలు ఏమిటి?

మరిన్ని బిజినెస్ వార్తల కోసం ఇక్కడ క్లిక్ చేయండి