Electric Car: ఖరీదైన ఎలక్ట్రిక్‌ కారు కొనుగోలు చేసిన బిగ్ బాస్ బ్యూటీ.. ధర తెలిస్తే షాకవుతారు..!

Electric Car: బుల్లితెర ప్రేక్షకులకు సుపరిచితురాలైన నటి, బిగ్ బాస్ బ్యూటీ ఓ ఖరీదైన కారును కొనుగోలు చేసింది. ఇప్పుడు ఈ కారుకు సంబంధించిన ఫోటోలు సోషల్‌ మీడియాలో తెగ వైరల్‌ అవుతున్నాయి. దీని ధర గురించి తెలిస్తే మీరే షాకవుతారు. మరీ అది ఏ కారు.. ఎంత రేంజ్‌ కలిగి ఉందో తెలుసుకందాం..

Bigg Boss Fame

Subhash Goud |
Updated on: May 10, 2026 | 9:38 PM

Electric Car: కన్నడ బుల్లితెర ప్రేక్షకులకు సుపరిచితురాలైన నటి, బిగ్ బాస్ కన్నడ ఫేమ్ మోక్షితా పై ప్రస్తుతం సంతోషంలో మునిగి తేలుతున్నారు. తన కెరీర్‌లో వరుస విజయాలతో దూసుకుపోతున్న ఈ నటి, తాజాగా ఒక ఖరీదైన ఎలక్ట్రిక్ కారును కొనుగోలు చేసి తన కలని నెరవేర్చుకున్నారు. మోక్షితా పై ప్రముఖ వాహన సంస్థ మహీంద్రాకు చెందిన Mahindra XUV400 EV ఎలక్ట్రిక్ కారును సొంతం చేసుకున్నారు. ఆమె తన కుటుంబంతో కలిసి షోరూమ్‌కు వెళ్లి, పూజ చేసి కొత్త వాహనాన్ని అందుకుంది. అభిమానులు ఆ నటికి శుభాకాంక్షలు తెలియజేస్తున్నారు.

దీని ధర విషయానికొస్తే.. ఈ కారు మార్కెట్ ధర సుమారు రూ. 17 లక్షల నుండి 20 లక్షల వరకు ఉంటుందని సమాచారం. ఆమె ఆకర్షణీయమైన ‘రెడ్’ కలర్ కారును ఎంచుకున్నారు. దీనికి సంబంధించిన ఫోటోలు, వీడియోలను సోషల్ మీడియాలో షేర్ చేయగా, అవి కాస్త వైరల్ అయ్యాయి.

ఇవి కూడా చదవండి

ఇది కూడా చదవండి: PM Modi: బంగారం, పెట్రోల్‌, డీజిల్‌ వాడకంపై ప్రధాని మోదీ సంచలన వ్యాఖ్యలు

కెరీర్ విశేషాలు:

మోక్షితా ప్రస్తుతం జీ కన్నడలో ప్రసారమవుతున్న ‘జగద్ధాత్రి’ సీరియల్‌లో ప్రధాన పాత్ర పోషిస్తున్నారు. గతంలో బిగ్ బాస్ కన్నడ రియాలిటీ షో ద్వారా ఆమె విపరీతమైన ప్రజాదరణ పొందారు. తన కష్టార్జితంతో ఈ లగ్జరీ కారును కొనుగోలు చేసిన మోక్షితాకు అభిమానులు, తోటి నటీనటులు సోషల్ మీడియా వేదికగా అభినందనలు తెలుపుతున్నారు. పర్యావరణ హితమైన ఎలక్ట్రిక్ వాహనాన్ని ఎంచుకోవడం పట్ల నెటిజన్లు ఆమెను ప్రశంసిస్తున్నారు.

‘పారు’ సీరియల్ ద్వారా ఇంటింటా సుపరిచితురాలైన మోక్షితకు ‘బిగ్ బాస్ కన్నడ సీజన్ 11’తో పెద్ద బ్రేక్ లభించింది. ఆమె సూటిగా మాట్లాడే తీరు, నటన శైలి ప్రజలకు బాగా నచ్చాయి. బిగ్ బాస్ హౌస్ నుండి బయటకు వచ్చిన తర్వాత, ఆమెకు అవకాశాలు, ప్రజాదరణ రెట్టింపు అయ్యాయి.

ఇది మహీంద్రా వారి ఫ్లాగ్‌షిప్ ఎలక్ట్రిక్ SUV, ఇది ఒకే ఛార్జ్‌పై 456 కిలోమీటర్ల రేంజ్‌ను కలిగి ఉంది. ఇది కేవలం 8.3 సెకన్లలో 0 నుండి 100 kmph వేగాన్ని అందుకోగలదు. ఇది కేవలం ఆటోమేటిక్ ట్రాన్స్‌మిషన్‌తో మాత్రమే లభిస్తుంది.