Special Trains: ప్రయాణికులకు గుడ్న్యూస్.. ఆ రూట్లో 20 ప్రత్యేక రైళ్లు.. పూర్తి వివరాలు ఇవే
అయ్యప్ప భక్తులకు దక్షిణ మధ్య రైల్వే మరో శుభవార్త చెప్పింది. ఏపీలోని విశాఖ పట్నం నుంచి కేరళలోని కొల్లంకు మరిన్ని ప్రత్యేక రైళ్లను నడపనున్నట్టు పేర్కొంది. ప్రయాణికుల రద్దీ దృష్ట్యా విశాఖపట్నం- కొల్లాం మధ్య 20 ప్రత్యేక రైళ్లను నడపనున్నట్టు వెల్లడించింది. ఈ మేరకు ప్రకటన జారీ చేసింది. కాబట్టి ఈ రైళ్లు ఏయే తేదీల్లో అందుబాటులో ఉన్నాయో ఇక్కడ తెలుసుకోండి.
Updated on: Nov 17, 2025 | 7:54 PM
ఏపీ నుంచి శబరిమల అయ్యప్ప దర్శనానికి వెళ్లే భక్తులకు దక్షిణ మధ్య రైల్వే మరో శుభవార్త చెప్పింది. పీలోని విశాఖ పట్నం నుంచి కేరళలోని కొల్లంకు మరిన్ని ప్రత్యేక రైళ్లను నడపనున్నట్టు పేర్కొంది. ప్రయాణికుల రద్దీ దృష్ట్యా విశాఖపట్నం- కొల్లాం మధ్య 20 ప్రత్యేక రైళ్లను నడపనున్నట్టు వెల్లడించింది. ఈ 20 ప్రత్యేక రైళ్లు రెండు వైపుల నుంచి ప్రయాణికులకు అందుబాలో ఉండనున్నాయి. ఇందులో విశాఖ నుంచి కొల్లాంకు 10 ప్రత్యేక రైళ్లు నడపనుండగా, కొల్లాం నుంచి విశాఖకు మరో 10 రైళ్లను నడపనున్నారు.
ఈ సేవలు ఈ నెల 18 నుంచి జనవరి 20 వరకూ అందుబాటులో ఉండనున్నాయని రైల్వేశాఖ పేర్కొంది. విశాఖ నుంచి కొల్లంకు వెళ్లే 08539 నెంబర్ గల రైళు ప్రతీ మంగళవారం విశాఖలో ప్రయాణికులకు అందుబాటులో ఉండనుంది. అలాగే ప్రతి బుధవారం కొల్లం నుంచి విశాఖకు ఓ ప్రత్యేక రైలు చొప్పున 10 రైళ్లు ప్రయాణికులకు అందుబాటులో ఉంటాయి.
ఈ ప్రత్యేక రైళ్లు రాజమండ్రి, విజయవాడ, నెల్లూరు, రేణిగుంట కాట్పడి, జోలార్ పెట్టాయ్, పాలక్కాడ్, అలువా, ఎర్నాకుళం, కొట్టాయం, తిరువళ్ల, చెంగన్నూర్, కాయంకుళం మీదుగా నడుస్తాయి. అలాగే ఈ ప్రత్యేక రైళ్లలో సెకండ్ ఏసీ, ధర్డ్ ఏసీ, స్లీపర్ క్లాస్ కోచ్లు అందుబాటులో ఉన్నాయి. ఈ రైళ్లకు ముందస్తు రిజర్వేషన్ సదుపాయం కూడా ఉందని.. ఈ అవకాశాన్ని ప్రయాణికులు సద్వినియోగం చేసుకోవాలని అధికారులు పేర్కొన్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి.
