Retirement Plans: పదవీ విరమణ తర్వాత టెన్షన్ ఫ్రీ జీవనం.. ఆ పథకాల్లో పెట్టుబడితో సాధ్యం
భారతదేశంలో జనాభాకు అనుగుణంగా ఉద్యోగుల సంఖ్య కూడా ఎక్కువగా ఉంటుంది. అలాగే దేశంలో చాలా మంది వ్యవసాయంపై ఆధారపడి జీవిస్తారు. అయితే దీపం ఉండగానే ఇల్లు చక్కబెట్టుకోవాలనే చందాన సంపాదన ఉన్నప్పుడే పదవీ విరమణ జీవితం గురించి ఆలోచించాలని నిపుణులు చెబుతున్నారు. ఈ నేపథ్యంలో పదవీ విరమణ పెట్టుబడులు గురించి కీలక విషయాలు తెలుసుకుందాం.
Updated on: Jun 22, 2025 | 3:18 PM
పదవీ విరమణ తర్వాత సురక్షితమైన జీవనానికి పెన్షన్ ఫండ్లలో పెట్టుబడి పెట్టడం ఒక తెలివైన మార్గమని నిపుణులు చెబుతున్నారు. పెరుగుతున్న ఖర్చులతో పాటు ఆరోగ్య సంరక్షణ ఖర్చుల కోసం పెన్షన్, మీ కుటుంబం నుండి వచ్చే మద్దతుపై మాత్రమే ఆధారపడటం మంచిది కాదు. కాబట్టి మంచి పెన్షన్ ప్లాన్ తీసుకుంటే మీరు ఆర్థికంగా స్వతంత్రంగా ఉండటానికి, మీరు పని చేయనప్పుడు మీ రోజువారీ ఖర్చులను నిర్వహించడానికి సహాయపడుతుంది. మీరు మార్కెట్ రిస్క్లకు సిద్ధంగా లేకుంటే ఎన్పీఎస్ డెట్ ఫండ్లు, ప్రభుత్వ మద్దతుగల పదవీ విరమణ ప్రయోజన పథకాల వంటి సురక్షితమైన పెట్టుబడి ఎంపికలను ఎంచుకోవడం ముఖ్యం.
ప్రభుత్వ మద్దతు ఉన్న పెన్షన్ పథకాలు
నేషనల్ పెన్షన్ సిస్టమ్ (ఎన్పీఎస్), అటల్ పెన్షన్ యోజన (ఏపీవై) వంటి సురక్షితమైన, విశ్వసనీయ ఎంపికలతో పెట్టుబడి పెట్టాలని నిపుణులు సూచిస్తున్నారు. ఎందుకంటే ఇవి ప్రభుత్వం ద్వారా నియంత్రణలో ఉంటాయి. అలాగే సాపేక్షంగా తక్కువ-రిస్క్ రాబడిని అందిస్తాయి. ఎన్పీఎస్ ముఖ్యంగా సెక్షన్ 80సీ, 80 సీసీడీ కింద పన్ను ప్రయోజనాలను పొందుతూ తక్కువ-రిస్క్ మ్యూచువల్ ఫండ్లలో పెట్టుబడి పెట్టడానికి సౌలభ్యాన్ని అందిస్తుంది. ఎన్పీఎస్ కింద మీరు పదవీ విరమణ తర్వాత కార్పస్ ఫండ్లో 60 శాతం ఏకమొత్తంగా ఉపసంహరించుకోవచ్చు. మిగిలిన 40%ని యాన్యుటీ లేదా పెన్షన్ కోసం ఉపయోగించవచ్చు.
రుణ ఆధారిత పెన్షన్ నిధులు
అనేక మ్యూచువల్ ఫండ్ సంస్థలు రుణ ఆధారిత పెన్షన్ పథకాలను అందిస్తున్నాయి. ఇక్కడ పెట్టుబడిలో ఎక్కువ భాగం ప్రభుత్వ సెక్యూరిటీలు, బాండ్లు, ఇతర స్థిర-ఆదాయ సాధనాల్లోకి వెళుతుంది. ఈక్విటీ ఫండ్లతో పోలిస్తే ఇవి తక్కువ అస్థిరతను కలిగి ఉంటాయి. అలాగే రిస్క్-విముఖత కలిగిన పెట్టుబడిదారులకు అనువుగా ఉంటాయి.
పెట్టుబడి ప్రణాళికలు
తక్కువ-రిస్క్ ఫండ్లలో కూడా సమయం, స్థిరత్వం చాలా ముఖ్యమని నిపుణులు చెబుతున్నారు. మీరు ఎంత త్వరగా పెట్టుబడి ప్రారంభిస్తే కాలక్రమేణా మీకు అంత ఎక్కువ సొమ్ము మీకు వస్తుంది. పెన్షన్ పథకాలలో క్రమబద్ధమైన పెట్టుబడి ప్రణాళికలను (ఎస్ఐపీలు) ఏర్పాటు చేయడం వల్ల క్రమశిక్షణ కలిగిన పెట్టుబడిని నిర్ధారిస్తుంది. పన్ను ప్రయోజనాలతో దీర్ఘకాలిక సంపద సేకరణకు సహాయపడే పబ్లిక్ ప్రావిడెంట్ ఫండ్ (పీపీఎఫ్) వంటి ప్రభుత్వ మద్దతుగల దీర్ఘకాలిక పెట్టుబడి పథకాల్లో కూడా మీరు పెట్టుబడి పెట్టవచ్చు.
పెన్షన్ ఉత్పత్తులు
ఒకే మూలంపై ఆధారపడటాన్ని తగ్గించడానికి మీ పెన్షన్ పెట్టుబడులను ఎన్పీఎస్, పీపీఎఫ్ (పబ్లిక్ ప్రావిడెంట్ ఫండ్), తక్కువ-రిస్క్ పెన్షన్ ఫండ్ల వంటి వివిధ తక్కువ-రిస్క్ సాధనాలలో కేటాయించాలి. వైవిధ్యీకరణ ప్రమాదాన్ని తగ్గిస్తుంది. అలాగే అధిక రాబడిని కూడా అందిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
