PM Kisan Yojana: పీఎం కిసాన్‌ జాబితాలో మీ పేరు లేకుంటే ఏం చేయాలి..?

PM Kisan Yojana: కేంద్ర ప్రభుత్వం ప్రజల కోసం ఎన్నో పథకాలను ప్రవేశపెడుతోంది. ముఖ్యంగా రైతులకు మేలు కలిగే స్కీమ్‌లను అందుబాటులోకి తీసుకువచ్చింది. రైతులు ఆర్థికంగా సాయం..

PM Kisan Yojana

Subhash Goud |

Updated on: Jul 28, 2022 | 11:46 AM

PM Kisan Yojana: కేంద్ర ప్రభుత్వం ప్రజల కోసం ఎన్నో పథకాలను ప్రవేశపెడుతోంది. ముఖ్యంగా రైతులకు మేలు కలిగే స్కీమ్‌లను అందుబాటులోకి తీసుకువచ్చింది. రైతులు ఆర్థికంగా సాయం అందుకోవచ్చు. ఇక మోడీ సర్కార్‌ రైతులకు ప్రవేశపెట్టిన పథకాలలో ప్రధాన మంత్రి కిసాన్‌ సమ్మాన్‌ నిధి ఒకటి. అర్హులైన రైతులకు జూలై 31న రాబోయే 12వ విడతలో రూ.2000 సాయం అందుకోవచ్చని భావిస్తున్నారు. పీఎం కిసాన్‌ లబ్దిదారుల జాబితాలో అర్హులైన ఎవరైనా పేరు లేకుండా ఈ ప్రయోజనాన్ని కోల్పోతారు. ఇలాంటి పరిస్థితుల్లో కొన్ని మార్గాల ద్వారా పరిహారం పొందవచ్చు.

జాబితాలో పేరు లేకుండా ఏం చేయాలి..?

మీరు పీఎం కిసాన్‌ పథకానికి అర్హులై ఉండి జాబితాలో పేరు లేకుండా టెన్షన్‌ పడొద్దు. మీ పేరును కొత్తగా రిజిస్ట్రేషన్‌ చేసుకోవడం ద్వారా ఈ ప్రయోజనం పొందవచ్చు. ఇందు కోసం కేంద్రం కొత్తగా రిజిస్ట్రేషన్‌ చేసుకునేందుకు అవకాశం కల్పిస్తోంది. ఇందు కోసం రైతులు వెబ్‌సైట్‌లో రిజిస్ట్రేషన్‌ చేసుకోవచ్చు. మీరు రిజిస్ట్రేషన్‌ కోసం అన్ని పత్రాలను సమర్పించాల్సి ఉంటుంది. ఆధార్‌, బ్యాంకు అకౌంట్‌, పట్టాపాస్‌ బుక్‌ వివరాలు నమోదు చేసుకుని ఈ ప్రయోజనం పొందవచ్చు. లేకుంటే ప్రభుత్వ హెల్ప్‌లైన్‌ నంబర్‌ 155261కు డయల్‌ చేయడం ద్వారా కూడా మళ్లీ మీ పేరును నమోదు చేసుకోవచ్చు. ప్రత్యామ్నాయంగా మీ పేరును నమోదు చేసుకోవడానికి అవసరమైన అధికారులను ఇతర హెల్ఫ్లైన్‌ నంబర్‌ 011-24300606లో కూడా సంప్రదించవచ్చు. ఫోన్‌ నంబర్లు పని చేయకపోతే లబ్దిదారుల జాబితాలో పేర్లు లేని రైతు కుటుంబాన్ని తమ జిల్లాలోని జిల్లా స్థాయి ఫిర్యాదుల పరిష్కార మానిటరింగ్‌ కమిటీని సంప్రదించి సమస్యను పరిష్కరించుకోవచ్చు. మీ పేరును రిజిస్ట్రేషన్‌ చేసుకున్న తర్వాత జాబితాలో లబ్దిదారుని స్థితిని తనిఖీ చేసుకోవచ్చు.

ఇవి కూడా చదవండి