PM Kisan: పీఎం కిసాన్ పథకం 18వ విడత ఎప్పుడు వస్తుందో తెలుసా? దరఖాస్తు చేయడం ఎలా?
దేశ రైతుల కోసం ప్రధాని మోడీ ప్రధానమంత్రి కిసాన్ సమ్మాన్ నిధి యోజన పథకాన్ని అమలు చేస్తున్న విషయం తెలిసిందే. అయితే ఇటీవలి 17వ విడత విడుదలైన తర్వాత, ఇప్పుడు లబ్దిదారులు 18వ విడత డబ్బుల కోసం ఎదురు చూస్తున్నారు. పీఎం కిసాన్ పథకం 18వ విడత నవంబర్ 2024లో విడుదలయ్యే అవకాశం ఉందని వివిధ మీడియా నివేదికలు పేర్కొంటున్నాయి...
దేశ రైతుల కోసం ప్రధాని మోడీ ప్రధానమంత్రి కిసాన్ సమ్మాన్ నిధి యోజన పథకాన్ని అమలు చేస్తున్న విషయం తెలిసిందే. అయితే ఇటీవలి 17వ విడత విడుదలైన తర్వాత, ఇప్పుడు లబ్దిదారులు 18వ విడత డబ్బుల కోసం ఎదురు చూస్తున్నారు. పీఎం కిసాన్ పథకం 18వ విడత నవంబర్ 2024లో విడుదలయ్యే అవకాశం ఉందని వివిధ మీడియా నివేదికలు పేర్కొంటున్నాయి. ప్రధానమంత్రి కిసాన్ యోజన 17వ విడత రూ. 21,000 కోట్ల విలువైన ఈ ఏడాది జూన్‌లో 9.26 కోట్ల మంది రైతులకు జూన్ 18, 2024న విడుదల చేశారు. దీనికి ముందు 16వ విడత విడుదల చేశారు. ఈ ఏడాది ఫిబ్రవరిలో ప్రధాని మోదీ ఈ నిధులను విడుదల చేశారు.
ఇది కూడా చదవండి: Mukesh Ambani: ఐదేళ్ల నుంచి జీతం తీసుకోకుండానే పని చేస్తున్న అంబానీ.. మరి ఖర్చులు ఎలా?
PM-KISAN పథకంలో భాగంగా అర్హులైన లబ్ధిదారులు ప్రతి నాలుగు నెలలకు రూ. 2,000 పొందుతారు. ఇది సంవత్సరానికి రూ. 6,000. ముఖ్యంగా ఆర్థిక సహాయం ప్రతి సంవత్సరం మూడు వాయిదాలలో అందించబడుతుంది. ఏప్రిల్-జూలై, ఆగస్టు-నవంబర్, డిసెంబర్-మార్చి నేరుగా లబ్ధిదారుల బ్యాంక్ ఖాతాలకు బదిలీ చేయబడుతుంది.
ప్రధానమంత్రి కిసాన్ యోజనను 2019 మధ్యంతర బడ్జెట్‌లో అప్పటి ఆర్థిక మంత్రి పీయూష్ గోయల్ ప్రకటించారు. ఆ తర్వాత ప్రధాని నరేంద్ర మోదీ ప్రారంభించారు. ఆసక్తికరంగా, పీఎం కిసాన్ యోజన ప్రపంచంలోనే అతిపెద్ద డైరెక్ట్ బెనిఫిట్ ట్రాన్స్‌ఫర్ పథకంగా మారింది.
ఇది కూడా చదవండి: BSNL 5G Phone: బీఎస్‌ఎన్‌ఎల్‌ నుంచి 5G స్మార్ట్‌ఫోన్‌.. 200MP కెమెరా!
ఈ పీఎం కిసాన్ యోజన వాయిదాలను పొందాలనుకునే వారు తమ e-KYCని పూర్తి చేయాలి. ఎందుకంటే ఇది అధికారిక వెబ్‌సైట్‌లో తప్పనిసరి చేయబడింది, PMKISAN నమోదిత రైతులకు eKYC తప్పనిసరి. OTP-ఆధారిత eKYC PMKISAN పోర్టల్‌లో అందుబాటులో ఉంది లేదా బయోమెట్రిక్ ఆధారిత eKYC కోసం సమీప మీ సేవ కేంద్రాలు, ఆన్‌లైన్‌ కేంద్రాలను సంప్రదించవచ్చు.
ప్రధాన మంత్రి కిసాన్ యోజన: లబ్ధిదారుల స్థితిని ఎలా తనిఖీ చేయాలి?
- ముందుగా అధికారిక వెబ్‌సైట్ – pmkisan.gov.in కు లాగిన్ అవ్వండి
- కొత్త పేజీలో, పేజీకి కుడి వైపున ఉన్న ‘మీ స్థితిని తెలుసుకోండి’ అనే ట్యాబ్‌పై క్లిక్ చేయండి
- ఈ పేజీలో ముందుగా మీ రిజిస్ట్రేషన్ నంబర్‌ను నమోదు చేసి, క్యాప్చా కోడ్‌ను పూరించండి. ‘డేటా పొందండి’ ఎంపికను ఎంచుకోండి.
- చివరగా, మీ లబ్ధిదారుడి స్థితి స్క్రీన్‌పై కనిపిస్తుంది.
PM కిసాన్ యోజన: ఎలా దరఖాస్తు చేయాలి?
- ముందుగా అధికారిక వెబ్‌సైట్‌కి లాగిన్ చేసి pmkisan.gov.inలో ‘ఫార్మర్ కార్నర్’పై క్లిక్ చేయండి.
- కొత్త పేజీలో, ‘కొత్త రైతు నమోదు’పై క్లిక్ చేసి, ఆధార్ నంబర్‌ను నమోదు చేసి, క్యాప్చా నింపండి.
- దీని తర్వాత, మీరు అవసరమైన సమాచారాన్ని నమోదు చేసి యస్‌పై క్లిక్ చేయండి.
- ఇక్కడ, మీరు పీఎం కిసాన్ దరఖాస్తు ఫారమ్ 2024ని పూర్తి చేసి, సమాచారాన్ని సేవ్ చేయండి. దాని ప్రింటవుట్‌ను కూడా తీసుకోండి.
మరిన్ని బిజినెస్ వార్తల కోసం ఇక్కడ క్లిక్ చేయండి
