ICICI Midcap 150 Index: ఐసీఐసీఐ మిడ్‌క్యాప్ 150 ఇండెక్స్ ఫండ్‌.. వంద రూపాయల పెట్టుబడితో ప్రారంభించవచ్చు

ICICI Midcap 150 Index: ఐసీఐసీఐ(ICICI) ప్రుడెన్షియల్ మ్యూచువల్ ఫండ్ మిడ్‌క్యాప్ 150 ఇండెక్స్ ఫండ్‌ను ప్రారంభించింది. ఈ కొత్త ఫండ్ ఆఫర్ డిసెంబర్ 17న ముగుస్తుంది. మీరు ఈ ఫండ్‌లో రూ.100 నుండి పెట్టుబడి పెట్టవచ్చు.

10 ఏళ్లలో మెరుగైన రాబడి

నిఫ్టీ మిడ్‌క్యాప్ ఇండెక్స్ గత 10 సంవత్సరాలలో నిఫ్టీ 50 TRI (టోటల్ రిటర్న్ ఇండెక్స్), నిఫ్టీ స్మాల్‌క్యాప్ 250 TRI కంటే ఎక్కువ రాబడిని ఇచ్చింది. ఈ విషయమై కంపెనీ ప్రొడక్ట్ హెడ్ చింతన్ హరియా మాట్లాడుతూ ఐసీఐసీఐ ప్రుడెన్షియల్ మిడ్‌క్యాప్ 150 ఇండెక్స్ ఫండ్ ఇన్వెస్టర్లకు మిడ్ క్యాప్ సెగ్మెంట్‌లో పెట్టుబడులు పెట్టేందుకు అవకాశం కల్పిస్తుందన్నారు. ఈ పథకం బాగా విభిన్నమైన నిఫ్టీ మిడ్‌క్యాప్ ఇండెక్స్‌లో పెట్టుబడి పెడుతుంది. ఈ ఫండ్‌లో పెట్టుబడి పెట్టడం ద్వారా, పెట్టుబడిదారుడు భవిష్యత్తులో లార్జ్ క్యాప్‌లుగా మారగల మిడ్‌క్యాప్‌లలో పెట్టుబడి పెట్టవచ్చు.

టాప్ 10 రంగాలు కవర్..

ఆర్థిక సేవలు, వినియోగ వస్తువులు, ఆటోమొబైల్, కెమికల్, ఫార్మా, ఆయిల్ అండ్ గ్యాస్‌తో పాటు పవర్ మొదలైనవి దీని టాప్ 10 రంగాలు. కోటక్ మహీంద్రా మ్యూచువల్ ఫండ్ భారతదేశపు మొట్టమొదటి నిఫ్టీ ఆల్ఫా 50 ఎక్స్ఛేంజ్ ట్రేడెడ్ ఫండ్ (ఇటిఎఫ్) ను ప్రారంభించింది. దీనికి కోటక్ నిఫ్టీ ఆల్ఫా 50 ఇటిఎఫ్ అని పేరు పెట్టారు.

నిఫ్టీ ఆల్ఫా 50 ఇండెక్స్‌ను ట్రాక్ చేస్తుంది

ఇది నిఫ్టీ ఆల్ఫా 50 ఇండెక్స్‌ను ట్రాక్ చేసే ఓపెన్ ఎండెడ్ స్కీమ్. దీని ద్వారా, పెట్టుబడిదారులు బాగా వైవిధ్యమైన పోర్ట్‌ఫోలియోతో స్టాక్‌లలో పెట్టుబడి పెట్టవచ్చు. ఇది అధిక రాబడిని ఇస్తుంది. ఈ కొత్త ఫండ్ ఆఫర్ డిసెంబర్ 15 వరకు అందుబాటులో ఉంటుంది. ఫండ్ హౌస్ ప్రకారం, నేషనల్ స్టాక్ ఎక్స్ఛేంజ్ (NSE)లో జాబితా చేసిన అధిక రాబడితో 50 స్టాక్‌లలో ఫండ్ పెట్టుబడి పెడుతుంది. ఈ షేర్లు టాప్ 300 కంపెనీల నుంచి ఎంపిక చేస్తారు.

ఇది గత 6 నెలల కంపెనీల టర్నోవర్‌పై ఆధారపడి ఉంటుంది. మార్కెట్ కరెక్షన్ దశలో ఉన్న తరుణంలో నిఫ్టీ ఆల్ఫా 50 ఈటీఎఫ్‌ని విడుదల చేయాలనే నిర్ణయం తీసుకున్నట్లు కోటక్ మహీంద్రా అసెట్ మేనేజ్‌మెంట్ ఎండీ నీలేష్ షా తెలిపారు. దీనిలో వాల్యుయేషన్ చౌకగా ఉంటుంది. ఈటీఎఫ్‌లోని డైవర్సిఫైడ్ షేర్లు కోటక్ వ్యూహం ఆధారంగా నిర్ణయిస్తారు. ఇది దీర్ఘకాలంలో ఇన్వెస్టర్లకు మేలు చేస్తుంది. ఇది నిష్క్రియాత్మక ఫండ్, కాబట్టి పెట్టుబడిదారులు పెట్టుబడి పెట్టే ముందు దానిని అర్థం చేసుకోవడం ముఖ్యం.

ఇవి కూడా చదవండి: Omicron Confusion: ప్రపంచ నిపుణులను తికమక పెడుతున్న ఒమిక్రాన్.. ఈ వేరియంట్ ప్రభావంపై విభిన్నఅంచనాలు.. మూడో వేవ్ తప్పదా?

Omicron Outbreak: వణికిస్తున్న ఒమిక్రాన్ విస్తరణ.. దేశవ్యాప్తంగా పలు రాష్ట్రాల్లో ఉనికి.. హాట్‌స్పాట్‌గా ఆ సిటీ!

Personal Loan: ఇన్‌కం ప్రూఫ్ లేకుండా పర్సనల్ లోన్ వస్తుందా? దీనికోసం ఏ పధ్ధతి అనుసరించాలి? తెలుసుకోండి!