LIC Nominee: ఎల్ఐసీ పాలసీలో నామినీ పేరు మార్చాలనుకుంటున్నారా..? ఇలా చేయండి
లైఫ్ ఇన్సూరెన్స్ కార్పొరేషన్ ఆఫ్ ఇండియా దేశవ్యాప్తంగా కోట్లాది మంది పాలసీదారులను కలిగి ఉంది. పాలసీదారుడు మరణిస్తే నామినీకి బీమా డెత్ క్లెయిమ్ ప్రయోజనం లభిస్తుంది.
Updated on: Feb 04, 2023 | 8:44 PM
లైఫ్ ఇన్సూరెన్స్ కార్పొరేషన్ ఆఫ్ ఇండియా దేశవ్యాప్తంగా కోట్లాది మంది పాలసీదారులను కలిగి ఉంది. పాలసీదారుడు మరణిస్తే నామినీకి బీమా డెత్ క్లెయిమ్ ప్రయోజనం లభిస్తుంది. ఒక వ్యక్తి ఎల్ఐసి పాలసీని కొనుగోలు చేసినప్పుడు నామినీ పేరును నమోదు చేయడం అవసరం. కానీ చాలా సార్లు నామినీ పేరు నమోదు చేసుకున్న తర్వాత ఆ నామినీ పేరును మార్చాల్సిన అవసరం ఉంటుంది. మీరు నామినీని నమోదు చేసిన తర్వాత అతని పేరును మార్చవచ్చు. మీరు మీ అవసరాన్ని బట్టి ఎన్ని సార్లు అయినా మార్చుకోవచ్చు. దీనికి ఎలాంటి పరిమితిని నిర్ణయించలేదు.
నామినీని ఎందుకు మార్చాలి?
తరచుగా చాలా మంది ఎల్ఐసీ పాలసీలకు నామినీ పేరును మారుస్తుంటారు. కొన్ని సమయాల్లో నామినీ పేరు మార్చాల్సిన పరిస్థితి ఏర్పడుతుంటుంది. అయితే నామినీ పేరును ఎలా మార్చాలో తెలుసుకుందాం.
నామినీని మార్చే ప్రక్రియ ఏమిటి?
బీమా పాలసీ తీసుకున్న తర్వాత, మెచ్యూరిటీ వరకు మీకు కావలసినప్పుడు నామినీని మార్చుకోవచ్చు. దీని కోసం మీరు ఇప్పటికే ఉన్న నామినీకి తెలియజేయాల్సిన అవసరం లేదు. దీని కోసం మీరు ఎల్ఐసీ అధికారిక వెబ్సైట్లోకి వెళ్లి అక్కడ నుండి నామినేషన్ మార్పు ఫారమ్ను డౌన్లోడ్ చేసుకోవాలి. దీని తర్వాత నామినీని చేయాల్సిన వ్యక్తికి సంబంధించిన సమాచారం, సంబంధానికి సంబంధించిన రుజువు ఇవ్వండి. ఇది కాకుండా మీరు ఎల్ఐసీ శాఖను సందర్శించడం ద్వారా నామినీ పేరును కూడా మార్చవచ్చు.
- పేరు మార్పు కోసం ఈ పత్రాలు అవసరం
- పాలసీ బాండ్
- పాలసీదారు, నామినీ మధ్య రిలేషన్ షిప్ సర్టిఫికేట్
- ఆధార్ కార్డు
- పాన్ కార్డ్
మరిన్ని బిజినెస్ న్యూస్ కోసం ఇక్కడ క్లిక్ చేయండి
