LIC Dhan Varsha Plan: ఎల్ఐసీ నుంచి అద్భుతమైన పాలసీ.. ఈ స్కీమ్‌లో ఇన్వెస్ట్‌ చేస్తే పది రెట్లు రెట్టింపు బెనిఫిట్
భారతదేశంలో అతిపెద్ద బీమా ప్రొవైడర్ లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ)లో రకరకాల పాలసీలు అందుబాటులో ఉన్నాయి. హెల్త్‌ ఇన్సూరెన్స్‌లే కాకుండా వివిధ..
భారతదేశంలో అతిపెద్ద బీమా ప్రొవైడర్ లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ)లో రకరకాల పాలసీలు అందుబాటులో ఉన్నాయి. హెల్త్‌ ఇన్సూరెన్స్‌లే కాకుండా వివిధ ఇన్వెస్ట్‌మెంట్‌ స్కీమ్‌లు కూడా ఉన్నాయి. తక్కువ పెట్టుబడితో ఎక్కువ లాభం వచ్చే పథకాలు ఎల్ఐసీ ఎన్నో అందిస్తోంది. ఈ నేపథ్‌యంలో ఎల్ఐసీ ఇటీవలే ఓ సరికొత్త బీమా పథకాన్ని ప్రవేశపెట్టింది. ఈ పాలసీ పేరు ఎల్ఐసీ ధన్ వర్ష ప్లాన్. ఈ బీమా పాలసీ ప్రత్యేకమైనది. ఎందుకంటే ఇది చెల్లించిన ప్రీమియంల మొత్తం కంటే 10 రెట్లు ఎక్కువ రాబడిని అందించే స్కీమ్. ఈ పాలసీ కోసం పెట్టుబడిదారు నుండి ఒకే ప్రీమియం డిపాజిట్ అవసరం. ఈ పరిస్థితిలో పదేపదే ప్రీమియం డిపాజిట్లు చేయడంలో ఇబ్బంది తొలగిపోతుంది. అలాగే సమ్ అష్యూర్డ్ 10 రెట్లు వరకు ఉంటుంది.
ధన్ వర్ష ప్లాన్ అంటే ఏమిటి?
ఎల్ఐసీ నుండి ధన్ వర్ష ప్లాన్ అనేది పొదుపును ప్రోత్సహించే ఏకైక ప్రీమియంతో వ్యక్తిగత బీమా ప్లాన్. ఈ ఎల్ఐసీ పాలసీ ఆఫ్‌లైన్‌లో మాత్రమే అందుబాటులో ఉంటుంది. మెచ్యూరిటీకి ముందే పాలసీదారు మరణిస్తే అతని కుటుంబం మరణ ప్రయోజనం పొందుతుంది. ఈ డెత్ బెనిఫిట్ హామీ మొత్తం రెండు రెట్లు సమానం.
ధన్ వర్ష ప్లాన్‌లో 2 ఆప్షన్స్‌:
మొదటి ఆప్షన్: ధన్ వర్ష ప్లాన్ మొదటి ఆప్షన్ పెట్టుబడి ప్రీమియం కంటే 1.25 రెట్లు వరకు రాబడిని అందిస్తుంది. ఒక్క ప్రీమియం చెల్లిస్తే రూ.10 లక్షలు అందుకోవచ్చు. అలాగే పెట్టుబడిదారు కుటుంబానికి రూ.12.5 లక్షల బోనస్ లభిస్తుంది. మెచ్యూరిటీకి ముందే వారు మరణించిన సందర్భంలో ఈ మొత్తం లభిస్తుంది.
రెండవ ఆప్షన్: మరోవైపు ధన్ రేఖ ప్లాన్ రెండవ ఆప్షన్ కింద ఇన్వెస్టర్లు 10 రెట్ల వరకు రిస్క్ కవర్‌ను పొందుతారు. ఒక వ్యక్తి పాలసీని కొనుగోలు చేసిన తర్వాత మరణిస్తే 10 రెట్లు పరిహారం పొందుతాడు. 10 లక్షల రూపాయలు పెట్టుబడి పెట్టే వ్యక్తులు 1 కోటి రూపాయల గ్యారెంటీ బోనస్‌ను పొందుతారు. మీ అవసరాలు ప్రమాదం ఆధారంగా మీరు ఏదైనా ఆప్షన్ ఎంచుకోవచ్చు.
ధన్ వర్ష ప్లాన్‌లో మరిన్ని వివరాలు
- ఈ బీమాను ఆఫ్‌లైన్‌లో మాత్రమే కొనుగోలు చేయవచ్చు.
- మీరు దీన్ని 10 లేదా 15 సంవత్సరాలకు కొనుగోలు చేయవచ్చు.
- మీరు 15 సంవత్సరాల వ్యవధిని ఎంచుకుంటే బీమా కవరేజీని కొనుగోలు చేయడానికి కనీస వయస్సు 3 సంవత్సరాలు. అదే సమయంలో 10 సంవత్సరాల బీమాకు కనీసం 8 సంవత్సరాల వయస్సు అవసరం.
- బీమాను కొనుగోలు చేయడానికి మొదటి ఎంపిక గరిష్ట వయస్సు 60 సంవత్సరాలు, అయితే 10 రెట్లు రిస్క్ ఉన్న పాలసీకి గరిష్ట వయస్సు 40 సంవత్సరాలు.
- 10 రెట్లు రాబడితో 15 సంవత్సరాల కవరేజీని 35 సంవత్సరాల వయస్సులో మాత్రమే కొనుగోలు చేయవచ్చు.
- ఈ పాలసీ కింద రుణం పొందవచ్చు.
- అదనంగా నామినీ డబ్బును వాయిదాలలో స్వీకరించడానికి ఎంచుకోవచ్చు.
ఈ పాలసీ తీసుకునేందుకు కనీస వయసు 18 ఏళ్లు. కనీసం రూ.1,25,000కి పాలసీ తీసుకోవాల్సి ఉంటుంది. గరిష్ట పరిమితి అంటూ ఏమీ లేదు. ఇది సింగిల్ ప్రీమియం పాలసీ. ఒకేసారి డబ్బులు కట్టాల్సి ఉంటుంది. ఈ పాలసీపై లోన్ కూడా తీసుకోవచ్చు. పదేళ్ల పాలసీకి అయితే ఆప్షన్ 1 కింద 70 శాతం, ఆప్షన్ 2 కింద 60 శాతం లోన్ తీసుకోవచ్చు. అలాగే 15 ఏళ్ల పాలసీకి అయితే ఆప్షన్ 1 కింద 60 శాతం, ఆప్షన్ 2 కింద 50 శాతం వరకు రుణం పొందవచ్చు.
ఉదాహరణకు 30 ఏళ్ల వయస్సు ఉన్న వ్యక్తి 15 ఏళ్ల టర్మ్‌తో ఆప్షన్ 1 ఎంచుకొని ఈ పాలసీని తీసుకున్నట్లయితే సింగిల్ ప్రీమియం జీఎస్‌టీతో కలిపి రూ.9,26,654 చెల్లించాల్సి ఉంటుంది. అయితే బేసిక్ సమ్ అష్యూర్డ్ రూ.10,00,000. సమ్ అష్యూర్డ్ ఆన్ డెత్ రూ.11,08,438 లభిస్తుంది. బెనిఫిట్స్ విషయంలో మెచ్యూరిటీ సమయంలో రూ.21,25,000 బెనిఫిట్ లభిస్తుంది. గ్యారెంటీడ్ అడిషన్స్‌తో డెత్ బెనిఫిట్ రూ.22 లక్షల వరకు లభిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
