LIC Saral Pension Yojana: ఎల్‌ఐసీ నుంచి అద్భుతమైన పథకం.. ఈ స్కీమ్‌లో రూ.12,000 పెన్షన్
LIC Saral Pension Yojana: అనేక రకాల పాలసీలు లైఫ్ ఇన్సూరెన్స్‌ ఆఫ్‌ కార్పొరేషన్‌ ద్వారా అమలు చేయబడుతున్నాయి. మీరు కూడా జీవితకాలం సంపాదించడానికి ప్లాన్ కో..
LIC Saral Pension Yojana: అనేక రకాల పాలసీలు లైఫ్ ఇన్సూరెన్స్‌ ఆఫ్‌ కార్పొరేషన్‌ ద్వారా అమలు చేయబడుతున్నాయి. మీరు కూడా జీవితకాలం సంపాదించడానికి ప్లాన్ కోసం చూస్తున్నట్లయితే ఎల్‌ఐసీలో అద్భుతమైన స్కీమ్‌ అందుబాటులో ఉంది. ఈ స్కీమ్‌లో చేరితే ప్రతి నెల పెన్షన్ రూపంలో డబ్బును పొందవచ్చు. ఈ పాలసీ పేరు సరళ్ పెన్షన్ యోజన. దీనిలో మీరు 40 సంవత్సరాల వయస్సు నుండి కూడా పెన్షన్ పొందవచ్చు.
ప్రీమియం ఒక్కసారి మాత్రమే చెల్లించాలి:
ఇది ఒక రకమైన సింగిల్ ప్రీమియం పెన్షన్ ప్లాన్. దీనిలో మీరు ఒక్కసారి మాత్రమే ప్రీమియం చెల్లిస్తే మీరు జీవితాంతం పెన్షన్ పొందవచ్చు. పాలసీదారు మరణించిన తర్వాత నామినీకి సింగిల్ ప్రీమియం మొత్తాన్ని చెల్లిస్తారు. సరళ్ పెన్షన్ యోజన అనేది తక్షణ యాన్యుటీ ప్లాన్. అంటే మీరు పాలసీ తీసుకున్న వెంటనే పెన్షన్ పొందడం ప్రారంభం అవుతుంది. ఈ పాలసీ తీసుకున్న తర్వాత పింఛను ప్రారంభమైతే, జీవితాంతం ఒకే పెన్షన్ లభిస్తుంది.
ఏ పథకాన్ని ఎంచుకోవాలి..?
ఇందులో పాలసీ ఎవరి పేరు మీదైనా ఉంటుంది. జీవితంచి ఉన్నంత వరకు పెన్షన్ వస్తూనే ఉంటుంది. అతని మరణం తర్వాత బేస్ ప్రీమియం మొత్తం అతని నామినీకి తిరిగి ఇవ్వబడుతుంది. ఇందులో భార్యాభర్తలిద్దరికీ కవరేజీ ఉంటుంది. ప్రాథమిక పింఛనుదారులు జీవించి ఉన్నంత కాలం వారికి పింఛను అందుతూనే ఉంటుంది. అతని మరణానంతరం, అతని జీవిత భాగస్వామి జీవితాంతం పెన్షన్ పొందడం కొనసాగుతుంది.
ప్లాన్ ప్రత్యేకత ఏమిటి?
ఈ పథకం ప్రయోజనం కోసం కనీస వయోపరిమితి 40 సంవత్సరాలు. గరిష్టంగా 80 సంవత్సరాలు. ఇది మొత్తం జీవిత పాలసీ. అందుకే జీవితాంతం పెన్షన్ అందుబాటులో ఉంటుంది. సరళ పెన్షన్ పాలసీని ప్రారంభించిన తేదీ నుండి ఆరు నెలల తర్వాత ఎప్పుడైనా సరెండర్ చేయవచ్చు. ప్రతినెల పెన్షన్ పొందవచ్చు. ఇది కాకుండా త్రైమాసికం, అర్ధ సంవత్సరం, వార్షిక ప్రాతిపదికన కూడా తీసుకోవచ్చు.
మీకు ప్రతి నెల డబ్బు కావాలంటే మీరు కనీసం 1000 రూపాయల పెన్షన్ నుంచి ప్రారంభం అవుతుంది. అదే సమయంలో గరిష్ట పరిమితి లేదు. మీరు మీ డిపాజిట్ మొత్తాన్ని మధ్యలో తిరిగి పొందాలనుకుంటే అటువంటి పరిస్థితిలో 5 శాతం తగ్గింపుతో డిపాజిట్ చేసిన మొత్తాన్ని తిరిగి పొందుతారు.
సరళ్ పెన్షన్ యోజనలో పెన్షన్ పొందాలంటే నాలుగు ఆప్షన్స్‌ ఉన్నాయి. నెలవారీ, త్రైమాసికం, ఆర్థ సంవత్సరం, వార్షిక పెన్షన్ రూపంలో పొందవచ్చు. నెలవారీ పెన్షన్ రూ.1000, త్రైమాసిక పెన్షన్ కనిష్టంగా రూ.3,000, అర్ద సంవత్సరం పెన్షన్ కనిష్టంగా రూ.6000, వార్షిక పెన్షన్ రూ.12,000 పొందే వెసులుబాటు ఉంది. పూర్తి వివరాలు తెలుసుకోవాలంటే ఎల్‌ఐసీ కార్యాలయాన్ని సంప్రదిస్తే సరిపోతుంది. లేదా మీ దగ్గరలో ఉండే ఏజెంట్‌ను కూడా సంప్రదించవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..
