Mutual Funds: 7 రకాల మ్యూచువల్‌ ఫండ్స్‌.. దేనిలో పెట్టుబడి పెట్టాలి?

Mutual Funds: మ్యూచువల్ ఫండ్స్ అనేది సాధారణ పెట్టుబడిదారులకు సులభమైన, అనుకూలమైన పెట్టుబడి వేదిక. పెట్టుబడిలో ఎక్కువ రిస్క్ ఉండదు. మ్యూచువల్ ఫండ్స్ వివిధ మార్కెట్లలో వేర్వేరు పెట్టుబడిదారుల నుండి డబ్బును పెట్టుబడి పెడతాయి. భారతదేశంలో ఇప్పుడు 45 కంటే ఎక్కువ మ్యూచువల్ ఫండ్ కంపెనీలు ఉన్నాయి. వాటి ద్వారా నిర్వహించబడే మ్యూచువల్ ఫండ్ పథకాల సంఖ్య 2,500 కంటే ఎక్కువ. ఈ ఫండ్లలో మీరు దేనిలో పెట్టుబడి పెట్టాలి? ఇది తెలుసుకునే ముందు, మ్యూచువల్ ఫండ్స్‌లో ఎన్ని రకాల ఫండ్‌లు ఉన్నాయి? వాటి రిస్క్, రాబడి సామర్థ్యాన్ని తెలుసుకునే ప్రయత్నం చేద్దాం.

భారతదేశంలో ఏడు రకాల మ్యూచువల్ ఫండ్లు:

1. లార్జ్ క్యాప్ ఫండ్స్

2. మిడ్-క్యాప్ ఫండ్స్

3. స్మాల్ క్యాప్ ఫండ్స్

4. ఫ్లెక్సీ-క్యాప్, మల్టీ-క్యాప్ ఫండ్లు

5. కన్జర్వేటివ్ హైబ్రిడ్ ఫండ్స్

6. అగ్రెసివ్ హైబ్రిడ్ ఫండ్స్

7. డెట్ ఫండ్స్

లార్జ్ క్యాప్, మిడ్ క్యాప్, స్మాల్ క్యాప్ అంటే ఏమిటి?

క్యాప్ అంటే మూలధనం. స్టాక్ మార్కెట్లో అత్యధిక విలువ కలిగిన షేర్లు కలిగిన కంపెనీలను లార్జ్ క్యాప్ అంటారు. మొత్తం షేర్ క్యాపిటల్ రూ. 20,000 కోట్ల కంటే ఎక్కువగా ఉంటే, అటువంటి షేర్లను లార్జ్ క్యాప్ షేర్లుగా పరిగణిస్తారు. అటువంటి షేర్లలో పెట్టుబడి పెట్టే మ్యూచువల్ ఫండ్లను లార్జ్ క్యాప్ ఫండ్స్ అంటారు. 5,000 కోట్ల కంటే తక్కువ మార్కెట్ క్యాపిటలైజేషన్ ఉన్న కంపెనీని స్మాల్ క్యాప్ కంపెనీగా పరిగణిస్తారు. మిడ్ క్యాప్ కంపెనీలు లార్జ్ క్యాప్, స్మాల్ క్యాప్ మధ్య ఉంటాయి. ఇక్కడ లార్జ్-క్యాప్ స్టాక్స్‌లో పెట్టుబడి పెట్టడం వల్ల పెద్దగా రిస్క్ ఉండదు. మిడ్-క్యాప్ కంపెనీలను భవిష్యత్ స్టార్‌లుగా పరిగణిస్తారు. కొంచెం ఎక్కువ రిస్క్ ఉంటుంది. అవి ఎక్కువ రాబడిని ఇవ్వగలవు. అయితే స్మాల్-క్యాప్ స్టాక్‌లు చాలా రిస్క్ కలిగి ఉంటాయి. కానీ అత్యధిక రాబడిని ఇవ్వగలవు. మీరు దీర్ఘకాలికంగా పెట్టుబడి పెట్టాలనుకుంటే మీరు స్మాల్-క్యాప్ లేదా మిడ్-క్యాప్ ఫండ్లలో పెట్టుబడి పెట్టవచ్చు.

ఫ్లెక్సీ-క్యాప్, మల్టీ-క్యాప్ ఫండ్లను నిర్వాహకులు వారి అభీష్టానుసారం నిర్వహిస్తారు. ఈ ఫండ్లు మార్కెట్ ట్రెండ్ ప్రకారం స్టాక్‌లను ఎంచుకుంటాయి. మీకు ఫండ్ మేనేజర్లపై నమ్మకం ఉంటే, ఫ్లెక్సీ-క్యాప్ లేదా మల్టీ-క్యాప్ ఫండ్లలో పెట్టుబడి పెట్టడం వల్ల అధిక రాబడి లభించే అవకాశం ఉంటుంది. డెట్ ఫండ్స్ ప్రభుత్వ బాండ్లు, కార్పొరేట్ బాండ్లు మొదలైన స్థిర ఆదాయ సెక్యూరిటీలలో పెట్టుబడి పెడతాయి. మీరు స్థిర డిపాజిట్ల కంటే కొంచెం ఎక్కువ రాబడిని ఆశించవచ్చు. హైబ్రిడ్ ఫండ్లు ఈక్విటీ, డెట్ రెండింటిలోనూ పెట్టుబడి పెడతాయి. డెట్ ఫండ్స్‌ కంటే కొంచెం ఎక్కువ రాబడిని ఇస్తాయి.

దేనిలో పెట్టుబడి పెట్టాలి?

మీరు స్వల్పకాలిక పెట్టుబడి పెడితే హైబ్రిడ్ ఫండ్స్ లేదా డెట్ ఫండ్స్ ఎంచుకోవచ్చు. దీర్ఘకాలిక పెట్టుబడికి మిడ్ క్యాప్, స్మాల్ క్యాప్ అనుకూలంగా ఉంటాయి. రిస్క్ ఎదుర్కోవడం కష్టంగా అనిపిస్తే, మీరు ఫ్లెక్సీ క్యాప్ లేదా మల్టీ క్యాప్ ఫండ్స్ ఎంచుకోవచ్చు.

(గమనిక: పైన అందించిన సమాచారం కేవలం సమాచారం మాత్రమే. ఎందులోనైన పెట్టుబడి పెట్టే ముందు సంబంధిత నిపుణుల సలహాలు తీసుకోవడం మంచిది.)

మరిన్ని బిజినెస్ వార్తల కోసం ఇక్కడ క్లిక్ చేయండి