Indian Railways: రైలు లీటర్ డీజిల్‌కు ఎంత మైలేజీ ఇస్తుందో తెలుసా?
భారతీయ రైల్వేలు ప్రపంచంలో నాల్గవ అతిపెద్ద రైల్వే వ్యవస్థ. భారతీయ రైల్వేలో ప్రతిరోజూ 2.5 కోట్ల మందికి పైగా ప్రయాణిస్తున్నారని నివేదికల ద్వారా సమాచారం. గత కొన్నేళ్లుగా భారతీయ రైల్వేలో అనేక మార్పులు వచ్చాయి. రైళ్ల వేగం పెరిగింది. స్టేషన్ల పరిస్థితి మెరుగుపడింది. సేవలు మరింత మెరుగుపడ్డాయి. భారతదేశంలో రోజుకు దాదాపు 23 వేల రైళ్లు నడుస్తున్నట్లు తెలుస్తోంది. ఇందులో దాదాపు పదమూడున్నర వేల రైళ్లు ప్యాసింజర్ రైళ్లు ఉన్నాయట..
Updated on: Jul 22, 2024 | 4:52 PM
భారతీయ రైల్వేలు ప్రపంచంలో నాల్గవ అతిపెద్ద రైల్వే వ్యవస్థ. భారతీయ రైల్వేలో ప్రతిరోజూ 2.5 కోట్ల మందికి పైగా ప్రయాణిస్తున్నారని నివేదికల ద్వారా సమాచారం. గత కొన్నేళ్లుగా భారతీయ రైల్వేలో అనేక మార్పులు వచ్చాయి. రైళ్ల వేగం పెరిగింది. స్టేషన్ల పరిస్థితి మెరుగుపడింది. సేవలు మరింత మెరుగుపడ్డాయి. భారతదేశంలో రోజుకు దాదాపు 23 వేల రైళ్లు నడుస్తున్నట్లు తెలుస్తోంది. ఇందులో దాదాపు పదమూడున్నర వేల రైళ్లు ప్యాసింజర్ రైళ్లు ఉన్నాయట. ఇది సుమారు ఏడున్నర వేల స్టేషన్లను కవర్ చేస్తుంది. 2021 సంవత్సరంలో భారత రైల్వే మంత్రి అశ్విని వైష్ణవ్ ఇచ్చిన సమాచారం ప్రకారం, ఇప్పటికీ 37% రైళ్లు డీజిల్‌తో నడుస్తున్నాయి. మిగిలిన 63% రైలు విద్యుత్‌తో నడుస్తుంది. కానీ ప్రస్తుతానికి విద్యుత్‌తో నడిచే రైళ్ల సంఖ్య కూడా పెరిగాయి.
ఇది కూడా చదవండి: Indian Railways: రైలు మిస్ అయితే అదే టికెట్‌పై వేరే ట్రైన్‌ ఎక్కవచ్చా..? నిబంధనలు ఏంటి?
సాధారణంగా డిజీల్‌తో నడిచే కార్లు, ఇతర వాహనాలు ఎంత మైలేజీ ఇస్తాయన్న విషయాన్ని అంచనా వేస్తుంటాము. అదే రైలు అయితే ఎంత మైలేజీ ఎంత ఇస్తుంది అనే అనుమానం రావచ్చు. అందుకే ప్రతి రైలుకు భిన్నమైన సగటు మైలేజీ ఉంటుంది. రైలు వేగం, రైలు ఇంజన్, దానిపై వెళుతున్న సరుకుల బరువును బట్టి దీని సగటు నిర్ణయిస్తారు. మనం సాధారణ 12 కోచ్ ప్యాసింజర్ రైలు గురించి మాట్లాడినట్లయితే, అది 1 లీటర్ డీజిల్‌లో 7-8 కిలోమీటర్లు ప్రయాణిస్తుంది. దీని ప్రకారం, వేర్వేరు రైళ్లు వేర్వేరు మైలేజీలను కలిగి ఉంటాయి. రైలు రకం, కోచ్‌ల సంఖ్య వంటి అంశాల ఆధారంగా భారతీయ రైల్వే వ్యవస్థలోని రైళ్ల మైలేజీ మారుతూ ఉంటుంది. ఈ వేరియబుల్స్‌ను అర్థం చేసుకోవడం రైళ్ల ఇంధన సామర్థ్యం, మొత్తం కార్యకలాపాలపై వాటి ప్రభావం ఉంటుందని గుర్తించుకోవాలి.
ఉదాహరణకు 12 కోచ్‌లతో కూడిన ప్యాసింజర్ రైలు ఒక కిలోమీటరు ప్రయాణించడానికి కేవలం 6 లీటర్ల ఇంధనం మాత్రమే అవసరం. అదేవిధంగా 24 కోచ్‌లతో కూడిన సూపర్‌ఫాస్ట్ రైలు కూడా ఒక కిలోమీటరు మైలేజీకి 6 లీటర్ల ఇంధనం వినియోగిస్తుంది. 12 కోచ్‌ల ఎక్స్‌ప్రెస్ రైలు దాని ప్రయాణం కోసం కిలోమీటరుకు 4.5 లీటర్ల ఇంధనం మాత్రమే అవసరం. అందుబాటులో ఉన్న డేటా ప్రకారం.. భారతీయ రైల్వేలో ప్రస్తుతం ఏ రైలు లీటరు డీజిల్‌కు ఎక్కువ మైలేజీ పొందలేదు.
ఇది కూడా చదవండి: Budget 2024: ఈ బడ్జెట్‌లో మోడీ సర్కార్ వీటిపై భారీ ప్రకటన చేయనుందా?
ప్యాసింజర్ రైలు- ఎక్స్‌ప్రెస్ రైలు మైలేజీకి మధ్య వ్యత్యాసం ఏమిటంటే, ప్యాసింజర్ రైలు అన్ని స్టేషన్‌లలో ఆగుతూ నడుస్తుంది. దీనివల్ల రైలులోని బ్రేకులు, యాక్సిలరేటర్లను ఎక్కువగా ఉపయోగించాల్సి వస్తుంది.అటువంటి పరిస్థితిలో ఎక్స్‌ప్రెస్ రైలుతో పోలిస్తే ప్యాసింజర్ రైలు మైలేజీ తగ్గుతుంది.ఎక్స్‌ప్రెస్ రైళ్ల స్టాప్‌లు చాలా తక్కువగా ఉంటాయి. రైలులోని కోచ్‌లు లేదా కంపార్ట్‌మెంట్ల సంఖ్య దాని మైలేజీని గణనీయంగా ప్రభావితం చేస్తుంది. తక్కువ కంపార్ట్‌మెంట్‌లతో కూడిన రైళ్లు ఇంజిన్‌పై తక్కువ లోడ్‌ను కలిగి ఉంటాయిజ. ఫలితంగా ఇంధన వినియోగం తగ్గుతుంది.
ఇది కూడా చదవండి: Pressure Cooker: వంట చేసేటప్పుడు కుక్కర్‌ విజిల్‌ నుంచి నీరు లీక్‌ అవుతుందా? ఇలా చేయండి
అంతేకాకుండా, రైలు రకం దాని ఇంధన సామర్థ్యాన్ని కూడా ప్రభావితం చేస్తుంది. ప్యాసింజర్ రైళ్లు, ఉదాహరణకు, ఎక్స్‌ప్రెస్ లేదా సూపర్‌ఫాస్ట్ రైళ్ల కంటే వేగంగా ఇంధనాన్ని కాల్చేస్తాయి. ప్యాసింజర్ రైళ్లు వాటి మార్గాల్లో తక్కువ వ్యవధిలో తరచుగా స్టాప్‌లు చేయడం వల్ల ఈ వ్యత్యాసం ఏర్పడుతుంది. తరచుగా స్టాప్‌ల ఆవశ్యకత వలన లోకోమోటివ్ అధిక వేగాన్ని పొందే సామర్థ్యాన్ని పరిమితం చేస్తుంది, ఇది యాక్సిలరేటర్ మరియు బ్రేక్‌ల వినియోగాన్ని పెంచుతుంది. పర్యవసానంగా, ఇంధన వినియోగం పెరుగుతుంది మరియు మైలేజీ తగ్గుతుంది. దీనికి విరుద్ధంగా, ఎక్స్‌ప్రెస్ రైళ్లు, తక్కువ స్టాప్‌లతో, ఎక్కువ మైలేజీని అందిస్తాయి, ఎందుకంటే అవి ఎక్కువ కాలం పాటు స్థిరమైన వేగాన్ని కలిగి ఉంటాయి. ఈ రైళ్లకు సంబంధించిన మైలేజీ సమాచారం వివిధ వెబ్‌సైట్ల ద్వారా సేకరించడం జరిగింది.
ఇది కూడా చదవండి:Indian Driving License: భారతీయ డ్రైవింగ్‌ లైసెన్స్‌ ఏయే దేశాల్లో అనుమతి ఉంటుందో తెలుసా?
మరిన్ని బిజినెస్ వార్తల కోసం ఇక్కడ క్లిక్ చేయండి
