Loan With Low Interest: ఆ లోన్ కావాలంటే నో సిబిల్‌ స్కోర్.. నో ఇన్‌కమ్‌ ప్రూఫ్‌.. కానీ అది తప్పనిసరి..!
తక్కువ క్రెడిట్ స్కోర్ ఉన్న వ్యక్తులకు రుణాలను అందించినా అధిక వడ్డీ రేట్లను విధిస్తున్నాయి. అయితే ఆదాయ ధ్రువీకరణ లేకుండా బ్యాంకు నుంచి రుణం పొందడం అంటే చాలా కష్టమైన పనిగా ఉంది. అయితే ఇలాంటి సమయంలో గోల్డ్ లోన్లు ఎలాంటి కఠినమైన క్రెడిట్ స్కోర్ లేదా ఆదాయ అవసరాలు లేకుండా ప్రత్యామ్నాయాన్ని అందిస్తాయి.
Srinu | Edited By: Ram Naramaneni
Updated on: Nov 05, 2023 | 9:55 PM
నేటి ప్రపంచంలో పెరిగిన ఖర్చులు అవసరాల నేపథ్యంలో రుణాలు తీసుకోవడం అనేది పరిపాటిగా మారింది. అయితే ఆ రుణం మంజూరు చేసే సమయంలో రుణదాతలు కచ్చితంగా మంచి క్రెడిట్ స్కోర్, ఆదాయ రుజువును పరిగణలోకి తీసుకుంటున్నారు. ఒకవేళ తక్కువ క్రెడిట్ స్కోర్ ఉన్న వ్యక్తులకు రుణాలను అందించినా అధిక వడ్డీ రేట్లను విధిస్తున్నాయి. అయితే ఆదాయ ధ్రువీకరణ లేకుండా బ్యాంకు నుంచి రుణం పొందడం అంటే చాలా కష్టమైన పనిగా ఉంది. అయితే ఇలాంటి సమయంలో గోల్డ్ లోన్లు ఎలాంటి కఠినమైన క్రెడిట్ స్కోర్ లేదా ఆదాయ అవసరాలు లేకుండా ప్రత్యామ్నాయాన్ని అందిస్తాయి. తక్షణ లేదా వ్యక్తిగత రుణాలతో పోలిస్తే సాధారణంగా తక్కువ వడ్డీ రేట్లు ఉంటాయి. కాబట్టి గోల్డ్ లోన్ల గురించి మరిన్ని వివరాలను తెలుసుకుందాం.
గోల్డ్ లోన్లు ఆర్థిక అవసరాలకు అనుకూలమైన పరిష్కారాన్ని అందిస్తాయి, సాధారణంగా గోల్డ్ లోన్లు కేవలం ఒకరోజులోనే పొందవచ్చు. బ్యాంకులు, ఎన్‌బీఎఫ్‌సీలు రూ. 1.5 కోట్ల వరకు బంగారు రుణాలను అందిస్తాయి. అలాగే నిధుల వినియోగంలో సౌలభ్యాన్ని అందిస్తాయి. ఈ రుణాన్ని పొందేందుకు మీరు మీ బంగారు ఆభరణాలను తాకట్టు పెట్టాలి. అలాగే బ్యాంకు వాటిని సురక్షితంగా నిల్వ చేస్తుంది. మీ సౌలభ్యం మేరకు రుణాన్ని తిరిగి చెల్లించడం ద్వారా మీరు తాకట్టు పెట్టిన బంగారాన్ని తిరిగి పొందవచ్చు.
గోల్డ్ లోన్ అనేది సిబిల్‌ స్కోర్ లేదా ఆదాయ రుజువు అవసరం లేని సురక్షితమైన రుణ ఎంపిక. మీ విలువైన బంగారు ఆభరణాలను బ్యాంకులో తాకట్టు పెట్టడం వల్ల రుణదాతకు సంబంధించిన నష్టాన్ని తగ్గిస్తుంది. తక్కువ క్రెడిట్ తనిఖీలు లేదా ఆదాయ ధ్రువీకరణ అవసరాన్ని తొలగిస్తుంది. గోల్డ్ లోన్లు సాధారణంగా 3 నెలల నుంచి 4 సంవత్సరాల వరకు అందుబాటులో ఉంటాయి. ప్రామాణిక ప్రాసెసింగ్ రుసుము సుమారు 0.5 శాతంతో పాటు మొత్తం లోన్ మొత్తంపై జీఎస్టీను విధిస్తారు.
వ్యక్తిగత రుణాలతో పోలిస్తే బంగారు రుణాలు సాధారణంగా తక్కువ వడ్డీ రేట్లను అందిస్తాయి. తరచుగా 8 శాతం వార్షిక రేటుతో ప్రారంభమవుతాయి. కోటక్ మహీంద్రా బ్యాంక్ 8 శాతం నుంచి 24 శాతం వరకు వడ్డీ రేట్ల వద్ద బంగారు రుణాలను అందిస్తుంది. ఎస్‌బీఐ గోల్డ్ లోన్ వడ్డీ రేటు 8.70 నుంచి 9.80 శాతం పరిధిలోకి వస్తుంది. పంజాబ్ నేషనల్ బ్యాంక్ గోల్డ్ లోన్‌పై 8.65 నుంచి 9.25 శాతం వార్షిక వడ్డీ రేటుతో బంగారు రుణాలను అందిస్తుంది. హెచ్‌డీఎఫ్‌సీ గోల్డ్ లోన్ 11 నుంచి 16 శాతం వడ్డీ రేటును కలిగి ఉంటుంది.
మరిన్ని బిజినెస్ వార్తల కోసం క్లిక్ చేయండి..
