Ultraviolette F77 Bike: నెలకు రూ.8700 కడితే ఆ స్టైలిష్ ఈవీ బైక్ మీ సొంతం.. ఈఎంఐ లెక్క ఏంటంటే?
ఇటీవల కాలంలో యువత ఎక్కువగా బైక్స్పై రయ్రయ్మంటూ దూసుకెళ్తూ రైడింగ్ అనుభూతిని పొందుతున్నారు. యువత ఆకాంక్షలకు అనుగుణంగా కొన్ని స్పోర్ట్స్ బైక్స్ నయా ఫీచర్లతో అందుబాటులో ఉన్నాయి. అయితే అల్ట్రావైలేట్ ఎఫ్-77 ఈవీ బైక్ యువతను అమితంగా ఆకర్షిస్తుంది. అతి తక్కువ డౌన్ పేమెంట్తో ఈ సూపర్ ఈవీ బైక్ మీ సొంతం చేసుకునే ప్లాన్ గురించి తెలుసుకుందాం.
Updated on: Dec 16, 2024 | 9:00 AM
స్పోర్ట్స్ బైక్స్ లవర్స్ను కూల్ లుక్తో అల్ట్రావైలెట్ ఎఫ్-77 ఎలక్ట్రిక్ బైక్ ఆకర్షిస్తుంది. ఈ బైక్ 10.3 కేడబ్ల్యూహెచ్ పవర్ ఫుల్ బ్యాటరీ ప్యాక్తో వస్తున్న మార్కెట్లోని అత్యంత శక్తివంతమైన ఎలక్ట్రిక్ బైక్గా రికార్డును సృష్టించింది. అలాగే ఈ ఈవీ బైక్ ఒక్కసారి ఛార్జ్ చేస్తే 323 కిమీల రేంజ్ను అందిస్తుంది. ఈ ఎలక్ట్రిక్ బైక్ అమ్మకాలను పెంచడానికి కంపెనీ ఈ బైక్పై చాలా చౌకైన ఫైనాన్స్ ప్లాన్ను కూడా ప్రవేశపెట్టింది. అల్ట్రావైలెట్ ఎఫ్-77 30 కేడబ్ల్యూకు సంబంధించిన పర్మినెంట్ మాగ్నెట్ ఏసీ మోటారుతో వస్తుంది. అందువల్ల ఈ బైక్ 100 ఎన్ఎం టార్క్ను ఉత్పత్తి చేస్తుంది. ఈ ఎలక్ట్రిక్ బైక్ బ్యాటరీపై కంపెనీ 8 సంవత్సరాలు లేదా 8 లక్షల కిలోమీటర్ల వారంటీని ఇస్తోంది. ఈ ఎలక్ట్రిక్ బైక్ ఒక్కసారి ఛార్జ్ చేస్తే 330 కిమీల రేంజ్ను అందిస్తుంది.
అల్ట్రావైలెట్ ఎఫ్-77 బైక్ గరిష్ట వేగం గంటకు 155 కి.మీగా కంపెనీ ప్రతినిధులు చెబుతున్నారు. ఈ బైక్ కేవలం 7.7 సెకన్లలో 100 కిమీ వేగాన్ని అందుకుంటుందని వివరిస్తున్నారు. అల్ట్రావైలెట్ ఎఫ్-77 కూల్ ఎలక్ట్రిక్ బైక్లో ఎల్ఈడీ లైటింగ్ సిస్టమ్ ప్రత్యేక ఆకర్షణగా నిలుస్తుంది. బ్లూటూత్, వైఫై కనెక్టివిటీ, డిజిటల్ ఇన్స్ట్రుమెంట్ కన్సోల్, రీజెనరేటివ్ బ్రేకింగ్, యూఎస్బీ ఛార్జింగ్ పోర్ట్, డిజిటల్ క్లాక్, స్విచ్ చేసేలా ఏబీఎస్, ఇంటర్నెట్ కనెక్టివిటీ, ట్రాక్షన్ కంట్రోల్, మల్టీ- ఫంక్షన్ 5 ఇంచెస్ టీఎఫ్టీ డిస్ప్లే, పార్క్ అసిస్ట్, థొరెటల్ కంట్రోల్, ఫైండ్ మై వెహికల్, జీపీఎస్, డిజిటల్ స్పీడోమీటర్, ట్రిప్ మీటర్, ఓడోమీటర్, మొబైల్ అప్లికేషన్, కాల్, ఎస్ఎంఎస్ అలెర్ట్స్ వంటి అధునాతన ఫీచర్లనీ ఈ బైక్లో ఉన్నాయి.
అల్ట్రావైలెట్ ఎఫ్-77 ఎలక్ట్రిక్ బైక్ ముందు వైపున 41 ఎంఎం ప్రీలోడ్ అడ్జస్టబుల్ అప్సైడ్ డౌన్ టెలిస్కోపిక్ ఫోర్క్ సస్పెన్షన్తో వస్తుంది. అలాగే బ్యాక్ సైడ్ ప్రీలోడ్-అడ్జస్టబుల్ మోనో షాక్ సస్పెన్షన్ ఆకట్టుకుంటుంది. ముఖ్యంగా ఈ బైక్ బ్రేకింగ్ సిస్టమ్ కోసం డ్యూయల్-ఛానల్ ఏబీఎస్తో వస్తుంది. అల్ట్రావైలెట్ ఎఫ్-77 ఎలక్ట్రిక్ బైక్ షోరూమ్ ధర రూ.2.99 లక్షల నుంచి రూ.3.99 లక్షల వరకు ఉంది. అదే ఫైనాన్స్ ప్లాన్ ద్వారా మీరు ఈ ఎలక్ట్రిక్ బైక్ను కేవలం రూ. 32,000 డౌన్ పేమెంట్తో కొనుగోలు చేయవచ్చు. అనంతరం 6 శాతం వడ్డీ రేటుతో 3 సంవత్సరాల ఈఎంఐ ప్లాన్ ద్వారా రూ. 2,85,186 రుణాన్ని పొందవచ్చు. ఈ రుణానికి సంబంధించి మీరు ప్రతి నెలా రూ. 8,676 ఈఎంఐ వాయిదా చెల్లించాల్సి ఉంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
