Auto News: చిన్నదే కానీ గట్టిది.. మారుతి వాగన్ఆర్ రికార్డ్‌ను బద్దలు కొట్టింది!
Auto News థర్డ్ జనరేషన్ మోడళ్లలోనూ కంపెనీ శక్తివంతమైన ఇంజన్ ఎంపికలను అందించింది. ప్రస్తుతం, హ్యుందాయ్ గ్రాండ్ i10 నియోస్ 1.2-లీటర్ కప్పా పెట్రోల్ మాన్యువల్, 1.2-లీటర్ కప్పా పెట్రోల్ AMT, 1.2-లీటర్ బై-ఫ్యూయల్ కప్పా పెట్రోల్ CNG పవర్‌ట్రెయిన్ ఎంపికలతో వస్తుంది..
Updated on: Apr 29, 2025 | 12:35 PM
25 సంవత్సరాలుగా మారుతి వ్యాగన్ఆర్ ఆధిపత్యాన్ని ఎవరూ సవాలు చేయలేకపోయారు. కానీ ఇప్పుడు రూ. 6 లక్షల లోపు ధర గల హ్యాచ్‌బ్యాక్ కారు దాని రికార్డును బద్దలు కొట్టింది. ఈ కారు హ్యుందాయ్ i10. ఇది భారతదేశంలో 18 సంవత్సరాలుగా మార్కెట్లో ఉంది. ఇది మారుతి వ్యాగన్ఆర్‌ను అధిగమించింది.
ఈ హ్యుందాయ్ కారు 2007లో భారత మార్కెట్లో తొలిసారిగా లాంచ్ అయ్యింది. డ్యూయల్ ఎయిర్‌బ్యాగ్‌లను ప్రామాణిక ఫీచర్‌గా అందించిన మొదటి కార్లలో ఇది ఒకటి. దీనితో పాటు, ABS, కీలెస్ డోర్ లాక్ వంటి ప్రత్యేక లక్షణాలను భారతదేశానికి తీసుకువచ్చారు. ఇప్పుడు అది మారుతి వ్యాగన్ఆర్ అమ్మకాల రికార్డును బద్దలు కొట్టింది.
18 ఏళ్లలో నమోదైన రికార్డు
మారుతి వ్యాగన్ఆర్ 25 ఏళ్ల ప్రయాణంలో దాదాపు 34 లక్షల వాహనాలు అమ్ముడయ్యాయి, హ్యుందాయ్ ఐ10 కేవలం 18 ఏళ్లలో 33 లక్షల యూనిట్లు అమ్ముడుపోయి రికార్డు సృష్టించింది. దీని థర్డ్ జనరేషన్ మోడళ్లు ఇప్పటికే మార్కెట్లోకి వచ్చాయి. ఈ మోడళ్లు హ్యుందాయ్ ఐ10, గ్రాండ్ ఐ10, గ్రాండ్ ఐ10 నియోస్.
భారతదేశంలో దాదాపు 20 లక్షల యూనిట్ల హ్యుందాయ్ ఐ10 అమ్మకాలు జరిగాయి. కంపెనీ భారతదేశంలో 13 లక్షల యూనిట్లను తయారు చేసి 140 దేశాలకు ఎగుమతి చేసింది. భారతదేశం నుండి హ్యుందాయ్ ఈ కారును దక్షిణాఫ్రికా, మెక్సికో, చిలీ, పెరూ వంటి మార్కెట్లలో విక్రయించింది.
ఈ కారు శక్తివంతమైనది
హ్యుందాయ్ ఐ10 థర్డ్ జనరేషన్ మోడళ్లలోనూ కంపెనీ శక్తివంతమైన ఇంజన్ ఎంపికలను అందించింది. ప్రస్తుతం, హ్యుందాయ్ గ్రాండ్ i10 నియోస్ 1.2-లీటర్ కప్పా పెట్రోల్ మాన్యువల్, 1.2-లీటర్ కప్పా పెట్రోల్ AMT, 1.2-లీటర్ బై-ఫ్యూయల్ కప్పా పెట్రోల్ CNG పవర్‌ట్రెయిన్ ఎంపికలతో వస్తుంది. భారతదేశంలో ప్రతి సంవత్సరం దాదాపు లక్ష యూనిట్ల హ్యుందాయ్ ఐ10 అమ్ముడవుతున్నాయి.
హ్యుందాయ్ ఐ10 నియోస్ ప్రారంభ ధర రూ.5.98 లక్షల నుండి రూ. 9.70 లక్షల వరకు ఉంటుంది. ఈ సిరీస్‌లో తాజా ఎంట్రీ, హ్యుందాయ్ గ్రాండ్ i10 నియోస్, 2019లో భారత మార్కెట్లో ప్రారంభించారు. దీని గరిష్ట అమ్మకాలు గుజరాత్, మహారాష్ట్ర, హర్యానాలలో ఉన్నాయి. అదే సమయంలో ఈ కారు కొనుగోలుదారులలో 83 శాతం మంది వివాహితులు, 45 శాతం మంది మొదటిసారి కొనుగోలుదారులు.
మారుతి వాగన్ఆర్ కూడా వెనుకబడిపోయింది:
హ్యుందాయ్ ఐ10, మారుతి వ్యాగన్ఆర్ రికార్డును బద్దలు కొట్టింది. ఈ కారు భారతదేశంలో డిసెంబర్ 1999లో ప్రారంభమైంది. ఇప్పటివరకు దీని 33.7 లక్షల యూనిట్లు అమ్ముడయ్యాయి. 2024-25 ఆర్థిక సంవత్సరంలో మారుతి వ్యాగన్ఆర్ కూడా 1.98 లక్షల యూనిట్లను విక్రయించింది. ఇది భారతదేశంలోని మధ్యతరగతి ప్రజలకు ఇష్టమైన కారు. 4 నుండి 5 మంది ఉన్న కుటుంబానికి ఇది సరైన కారు. ఈ కారు బాక్సీ డిజైన్ కారణంగా ఇది మంచి హెడ్‌రూమ్‌ను అందిస్తుంది. ఇది పొట్టి, పొడుగ్గా, అన్ని ఎత్తుల వారికీ ఇష్టం. అదే సమయంలో దాని క్యాబిన్ స్థలం కూడా కుటుంబానికి చాలా మంచిది.
ఇది కూడా చదవండి: Best Scheme: ప్రతి నెలా రూ.12,500 పెట్టుబడితో చేతికి కోటి రూపాయలు.. బెస్ట్‌ స్కీమ్‌!
మరిన్ని బిజినెస్ వార్తల కోసం ఇక్కడ క్లిక్ చేయండి..
