Horwin Senmenti EV Scooty: సింగిల్ చార్జ్తో 300 కి.మీ.. కార్ల మాదిరిగా కెమెరా, సెన్సార్లు.. ఇది స్కూటర్ కాదు అంతకుమించి..
మీరు ఒకవేళ కొత్త స్కూటర్‌ని కొనుగోలు చేయాలని ఆలోచిస్తూ ఉంటే ఇది మీకు బెస్ట్ ఆప్షన్ ఎందుకంటే దీనిలో అత్యాధునిక ఫీచర్లు, భద్రతకు ప్రాధాన్యమిస్తూ కెమెరా కూడా అందుబాటులో ఉంది. అంతేకాక సింగిల్ చార్జ్ పై 300 కిలోమీటర్లు రేంజ్ ఇస్తుందని కంపెనీ ప్రకటించింది.
ఇది డిజిటల్ యుగం.. అంతా ఎలక్ట్రానిక్ రూపంలోనే వస్తున్నాయి. ఇదే క్రమంలో వాహనాలు కూడా కొత్త కొత్త ఎలక్ట్రానిక్ ఫీచర్లతో రావడం అనివార్యమవుతోంది. ముఖ్యంగా విద్యుత్ శ్రేణి వాహనాల్లో ఫీచర్లకు అధిక ప్రాధాన్యం ఇస్తున్నారు. తక్కువ బడ్జెట్‌లో డిజిటల్ ఫీచర్లు, ఆకర్షణీయమైన డిజైన్ లపై కొనుగోలుదారులు ఆసక్తి చూపుతున్నారు. ఇదే క్రమంలో ఈ శ్రేణిలో ప్రస్తుతం మార్కెట్లో లభ్యమవుతున్న ఓలా, హోండా యాక్టివా వంటి కంపెనీలు పోటీగా హార్విన్ సెన్మెంటి ఎలక్ట్రానిక్ స్కూటర్‌ను మార్కెట్లోకి తీసుకొచ్చింది. మీరు ఒకవేళ కొత్త స్కూటర్‌ని కొనుగోలు చేయాలని ఆలోచిస్తూ ఉంటే ఇది మీకు బెస్ట్ ఆప్షన్ ఎందుకంటే దీనిలో అత్యాధునిక ఫీచర్లు, భద్రతకు ప్రాధాన్యమిస్తూ కెమెరా కూడా అందుబాటులో ఉంది. అంతేకాక ప్రస్తుతం ఎలక్ట్రికల్ స్కూటర్లలో అత్యధిక మైలేజీని దాదాపు సింగిల్ చార్జ్ పై 300 కిలోమీటర్లు రేంజ్ ని ఇస్తుందని కంపెనీ ప్రకటించింది.
అల్ట్రా రేంజ్..
హార్విన్ సెన్మెంటి ఎలక్ట్రానిక్ స్కూటర్.. ఆకర్షణీయమైన డిజైన్, అత్యాధునిక సాంకేతికతతో వస్తోంది. దీనిలోని బ్యాటరీని పూర్తిగా ఛార్జ్ చేస్తే 300 కిలోమీటర్ల పరిధిని కలిగి ఉంటుంది. మీరు ఎక్కువ దూరం ప్రయాణించే స్కూటర్‌ని కొనుగోలు చేయాలనుకుంటే, ఇతర కంపెనీలతో పోల్చితే ఈ స్కూటర్ తక్కువ ధరకే మంచి రేంజ్‌ను అందిస్తోంది.
ప్రత్యేక ఫీచర్లు..
హార్విన్ కంపెనీకి చెందిన ఈ ఎలక్ట్రానిక్ స్కూటర్ ప్రత్యేకమైన డిజిటల్ ఫీచర్లను అందిస్తుంది. అంతేకాక భద్రతకు అధిక ప్రాధన్యమిస్తూ సమీపంలోని వస్తువులను గుర్తించగల కెమెరాను ఇందులో అమర్చారు. దూర ప్రాంతాలకు ప్రయాణించాలనుకుంటే ఇదే మీకు బెస్ట్ స్కూటర్. ఎందుకంటే ఇది ఒక్కసారి ఛార్జ్ చేస్తే 300 కి.మీ. గంటకు 100 కిలోమీటర్ల వేగంతో దూసుకెళ్తుంది.
సెన్సార్లు..
ప్రత్యేకమైన డిజిటల్ ఫీచర్లతో ఈ ఎలక్ట్రానిక్ స్కూటర్‌ను రూపొందించారు. అందుకోసం ఆధునిక సాంకేతికతను ఉపయోగించారు. ఆటోమేటిక్ డిటెక్షన్ కోసం 30 కంటే ఎక్కువ సెన్సార్లను ఉపయోగించారు. ఇతర కంపెనీలతో పోల్చితే ఎక్కువ రేంజ్ లైట్లను కలిగి ఉంది. ఇది రాత్రిపూట మరింత ప్రకాశవంతమైన రైడ్ ని మీకు అందిస్తుంది.
అందుబాటు ధరలోనే..
ఈ ఎలక్ట్రానిక్ స్కూటర్ల ధరను తయారీదారులు ఇంకా వెల్లడించలేదు, అయితే ఇది దాదాపు లక్ష రూపాయల వరకు ఉంటుందని నిపుణులు అంచనా వేస్తున్నారు. దీని డిజిటల్ ఫీచర్ల ప్రకారం, ఈ స్కూటర్ ధర దాదాపు రూ. 115,000(ఆన్ రోడ్) ఉండే అవకాశం ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
