Gold, Silver Rates: వామ్మో.. కేవలం 23 రోజుల్లోనే బంగారం, వెండి ఇంత పెరిగిందా? షాకింగ్‌ న్యూస్‌!

Gold and Silver Rates: దేశంలో బంగారం, వెండి ధరలు భగ్గుమంటున్నాయి. రోజురోజుకు సునామీలా దూసుకుపోతున్నాయి. ఈ నెలలో భారీగా పెరిగింది. కేవలం 23 రోజుల్లోనే బంగారం, వెండి ధరలు ఎంత పెరిగాయో తెలిస్తే మైండ్ బ్లాంక్ అవ్వాల్సిందే. ఇంకా మరింతగా..

Gold And Silver Rates

Subhash Goud |
Updated on: Jan 24, 2026 | 7:57 PM

Gold, Silver Rates: పెరుగుతున్న ప్రపంచ ఉద్రిక్తతలు, దేశీయంగా, అంతర్జాతీయంగా బంగారం, వెండికి ఉన్న అధిక డిమాండ్, వాటి ధరలను క్రమంగా పెంచుతున్నాయి. కొత్త సంవత్సరం ప్రారంభమై ఒక నెల కూడా కాకముందే జనవరి 1 నుండి బంగారం ధరలు ఇప్పటికే 22,000 రూపాయలకు పైగా పెరిగాయి. అదే సమయంలో వెండి ఎంత వేగంగా పెరిగిందంటే ఈ గణాంకాలు మిమ్మల్ని ఆశ్చర్యపరుస్తాయి. బంగారం, వెండి వాటి పెరుగుతున్న ధరలతో కమోడిటీ మార్కెట్లో సంచలనం సృష్టించాయి. జనవరి 1, 2026 నుండి వెండి ధర 90,000 రూపాయలకు పైగా పెరిగింది. జనవరి 1, 2026- జనవరి 23, 2026 తేదీలకు బంగారం, వెండి ధరల డేటాను చూద్దాం.

జనవరి 1న బంగారం, వెండి ధర ఎంత?

ముందుగా కొత్త సంవత్సరం మొదటి రోజు, జనవరి 1, 2026న 10 గ్రాముల 24 క్యారెట్ల బంగారం ధర రూ.1,33,151. 10 గ్రాముల 22 క్యారెట్ల బంగారం ధర రూ.1,21,966 ఉండేది. 10 గ్రాముల 18 క్యారెట్ల బంగారం ధర రూ.99,863. అదే సమయంలో జనవరి 1, 2026న ఒక కిలో వెండి ధర రూ.2,27,900. అదే జనవరి 23న 24 క్యారెట్ల 10 గ్రాముల ధర రూ.1,55,428 ఉండగా, 22 క్యారెట్ల ధర రూ.1,42,372 ఉంది. ఇక వెండి ధర రూ.3,18,960 ఉంది.

ఇది కూడా చదవండి: PM Kisan: పీఎం కిసాన్‌ 22వ విడత ఎప్పుడు వస్తుంది? బడ్జెట్‌ తర్వాతనా ముందునా?

ఇవి కూడా చదవండి

జనవరి 1 నుండి జనవరి 23 వరకు బంగారం ధర ఎంత పెరిగింది?

ఇప్పుడు జనవరి 1- జనవరి 23 తేదీల మధ్య బంగారం ధరల వ్యత్యాసాన్ని లెక్కిద్దాం.10 గ్రాముల 24 క్యారెట్ల బంగారం రూ.22,277 పెరిగింది. 10 గ్రాముల 22 క్యారెట్ల బంగారం ధర రూ.22,406 పెరిగింది. అదే సమయంలో 10 గ్రాముల 18 క్యారెట్ల బంగారం ధర రూ.16,708 పెరిగింది.

వెండి ధర 91,000 రూపాయలకు పైగా పెరిగింది:

ఇక వెండి జనవరి 1, 2026న ఒక కిలో వెండి ధర 2,27,900 రూపాయలు. జనవరి 23న ఈ ధర 3,18,960 రూపాయలకు పెరిగింది. ఇప్పుడు, జనవరి 1 నుండి జనవరి 23 వరకు వెండి ధరలో పెరుగుదలను పరిగణనలోకి తీసుకుంటే అది 91,060 రూపాయలు. అంటే దాదాపు 21 నుండి 22 రోజుల్లో వెండి ధర 91,000 రూపాయలకు పైగా పెరిగింది.