AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

వాహనదారులకు అలర్ట్.. ఇన్సూరెన్స్ లేకపోతే టోల్ ప్లాజాల వద్ద చలాన్లు వేస్తారా? NHAI కీలక ప్రకటన!

దేశవ్యాప్తంగా వాహనదారుల్లో వాహన బీమాకు సంబంధించి తీవ్ర చర్చ జరుగుతోంది. వాహన ఇన్సూరెన్స్ గడువు ముగిస్తే టోల్ ప్లాజాల వద్ద జరిమానాలు విధిస్తారంటూ వస్తున్న వార్తలతో వాహన యజమానులు ఆందోళన చెందుతున్నారు. ఈ నేపథ్యంలో నేషనల్ హైవేస్ అథారిటీ ఆఫ్ ఇండియా (NHAI) కీలక వివరణ ఇచ్చింది. ఇన్సూరెన్స్ గడువు ముగిసిన వాహనదారులకు పంపిస్తున్న SMS సందేశాలు కేవలం అవగాహన కార్యక్రమంలో భాగమేనని స్పష్టం చేసింది.

వాహనదారులకు అలర్ట్.. ఇన్సూరెన్స్ లేకపోతే టోల్ ప్లాజాల వద్ద చలాన్లు వేస్తారా? NHAI కీలక ప్రకటన!
Vehicle Insurance Sms Alerts
Balaraju Goud
|

Updated on: Nov 20, 2026 | 8:24 AM

Share

న్యూఢిల్లీ: దేశవ్యాప్తంగా వాహనదారుల్లో వాహన బీమాకు సంబంధించి తీవ్ర చర్చ జరుగుతోంది. వాహన ఇన్సూరెన్స్ గడువు ముగిస్తే టోల్ ప్లాజాల వద్ద జరిమానాలు విధిస్తారంటూ వస్తున్న వార్తలతో వాహన యజమానులు ఆందోళన చెందుతున్నారు. ఈ నేపథ్యంలో నేషనల్ హైవేస్ అథారిటీ ఆఫ్ ఇండియా (NHAI) కీలక వివరణ ఇచ్చింది. ఇన్సూరెన్స్ గడువు ముగిసిన వాహనదారులకు పంపిస్తున్న SMS సందేశాలు కేవలం అవగాహన కార్యక్రమంలో భాగమేనని స్పష్టం చేసింది. ఈ సందేశాల ఆధారంగా టోల్ ప్లాజాల వద్ద ఎలాంటి చలాన్లు లేదా జరిమానాలు విధించబోమని వెల్లడించింది.

ఎలా వస్తున్నాయి ఈ SMSలు?

ఈ సందేశాల వెనుక ఒక ప్రత్యేక సాంకేతిక విధానం పనిచేస్తోంది. నేషనల్ ఇన్ఫర్మేటిక్స్ సెంటర్ (NIC) నిర్వహించే వాహన్ (VAHAN) డేటాబేస్‌లోని వాహన రిజిస్ట్రేషన్ వివరాలను బీమా సమాచారంతో సరిపోల్చి ఇన్సూరెన్స్ చెల్లుబాటును తనిఖీ చేస్తున్నారు. వాహనం టోల్ ప్లాజాను దాటిన తర్వాత అందుబాటులో ఉన్న వివరాల ఆధారంగా బీమా గడువు ముగిసిందా? త్వరలో ముగియనుందా? అనే విషయాన్ని పరిశీలించి సంబంధిత వాహన యజమానికి SMS పంపుతున్నారు. ప్రస్తుతం ఎంపిక చేసిన జాతీయ రహదారి వినియోగదారులకే ఈ విధానాన్ని పరీక్షిస్తున్నారు. ఈ కార్యక్రమం ప్రధాన ఉద్దేశం వాహన యజమానులకు ముందుగానే సమాచారం అందించడం, బీమాను సకాలంలో రెన్యువల్ చేసుకునేలా ప్రోత్సహించడం. ముఖ్యంగా రోడ్డు ప్రమాదాలు జరిగినప్పుడు బాధితులకు పరిహారం అందడంలో ఇబ్బందులు తలెత్తకుండా చూడటం కూడా దీని వెనుక ఉన్న లక్ష్యాల్లో ఒకటి.

ఇన్సూరెన్స్ లేకుండా వాహనం నడిపితే జరిమానా ఎంత?

టోల్ ప్లాజాల వద్ద SMS ఆధారంగా జరిమానాలు విధించకపోయినా, చెల్లుబాటు అయ్యే థర్డ్ పార్టీ ఇన్సూరెన్స్ లేకుండా ప్రజా రహదారులపై వాహనం నడపడం మాత్రం చట్టరీత్యా నేరం. మోటార్ వెహికల్స్ చట్టం, 1988లోని సెక్షన్ 146 ప్రకారం థర్డ్ పార్టీ బీమా తప్పనిసరి.

  1. సెక్షన్ 196 ప్రకారం ప్రస్తుతం వర్తించే జరిమానాలు ఇలా ఉన్నాయి:
  2. మొదటిసారి ఉల్లంఘిస్తే: వాహనానికి వర్తించే బేస్ ప్రీమియంకు మూడు రెట్లు లేదా రూ.5,000.. ఈ రెండింటిలో ఏది ఎక్కువైతే ఆ మొత్తం జరిమానాగా విధిస్తారు.
  3. రెండోసారి ఉల్లంఘిస్తే: బేస్ ప్రీమియంకు ఐదు రెట్లు లేదా రూ.10,000.. ఈ రెండింటిలో ఏది ఎక్కువైతే ఆ మొత్తం జరిమానాగా విధిస్తారు.

వాహనదారులు ఏం చేయాలి?

NHAI పంపించే SMSలను చూసి టోల్ ప్లాజా వద్ద వెంటనే చలాన్ పడుతుందని భయపడాల్సిన అవసరం లేదు. అయితే ఆ సందేశాన్ని నిర్లక్ష్యం చేయకుండా మీ వాహన బీమా గడువు తేదీని పరిశీలించుకోవాలి. పాలసీ గడువు ముగిసేలోపే రెన్యువల్ చేసుకోవడం మంచిది.

మొత్తంగా, టోల్ ప్లాజాల వద్ద ఇన్సూరెన్స్ SMSల ఆధారంగా జరిమానాలు విధించే నిబంధన లేదని NHAI స్పష్టం చేసింది. అయితే బీమా లేకుండా వాహనం నడిపితే చట్టపరమైన చర్యలు తప్పవని వాహనదారులు గుర్తుంచుకోవాలి.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..

Follow Us