Fixed Deposit: ఈ బ్యాంక్లో ఫిక్స్డ్ డిపాజిట్లు చేస్తున్నారా..? వడ్డీ రేట్ల పెంపు
Fixed Deposit: రెపో రేటు పెరిగిన తర్వాత షెడ్యూల్ కమర్షియల్ బ్యాంకులు, సహకార బ్యాంకులు మీ డిపాజిట్లపై వడ్డీ రేటును నిరంతరం పెంచుతున్నాయి..
Updated on: Jul 08, 2022 | 2:43 PM
Fixed Deposit: రెపో రేటు పెరిగిన తర్వాత షెడ్యూల్ కమర్షియల్ బ్యాంకులు, సహకార బ్యాంకులు మీ డిపాజిట్లపై వడ్డీ రేటును నిరంతరం పెంచుతున్నాయి. ద్రవ్యోల్బణం కూడా 7 శాతానికి చేరువలో ఉంది. అటువంటి పరిస్థితిలో మీరు మీ డిపాజిట్ చేసిన మూలధనంపై 7 శాతం వార్షిక రాబడిని పొందకపోతే, నికర ప్రాతిపదికన మీ డిపాజిట్లు తగ్గుతున్నాయి. ఇంతలో SVC కో-ఆపరేటివ్ బ్యాంక్ లిమిటెడ్ వివిధ కాలాల కోసం ఫిక్స్డ్ డిపాజిట్ వడ్డీ రేట్లను పెంచుతున్నట్లు ప్రకటించింది. ఈ పెరుగుదల 20 జూన్ 2022 నుండి రూ. 2 కోట్ల కంటే తక్కువ డిపాజిట్లపై వర్తిస్తుంది. ఫిక్స్డ్ డిపాజిట్లలో పెట్టుబడులు పెట్టే వారికి ఆ అచ్చేదిన్లు తిరిగి వస్తాయనడానికి ఇది స్పష్టమైన సూచన అని ఎస్విసి బ్యాంక్ మేనేజింగ్ డైరెక్టర్ ఆశిష్ సింఘాల్ అన్నారు. ఫిక్స్డ్ డిపాజిట్ రేట్ల పెంపు అనేది డిపాజిటర్లందరికీ, ముఖ్యంగా సీనియర్ సిటిజన్లకు సువర్ణావకాశం.
ఫిక్స్డ్ డిపాజిట్లపై పడిపోతున్న రేట్లు సీనియర్ సిటిజన్లకు ఆర్థిక ఒత్తిడికి ప్రధాన వనరుగా మారాయి. ఎందుకంటే వారి సాధారణ ఆదాయానికి ప్రధాన వనరు ఫిక్స్డ్ డిపాజిట్లు. ఆర్థిక వ్యవస్థలో రెండు సంవత్సరాలకు పైగా వడ్డీ రేట్లు తక్కువగా ఉండటంతో, కస్టమర్లు తమ పొదుపుపై అధిక రాబడిని పొందేందుకు, మరింత ఆదా చేసుకోవడానికి ఇదే సరైన సమయం. ఆసక్తిగల కస్టమర్లు 11 రాష్ట్రాల్లో ఉన్న SVC బ్యాంక్ 198 శాఖలను సందర్శించడం ద్వారా FDని బుక్ చేసుకోవచ్చు.
వివిధ కాలానికి ఎస్వీసీ బ్యాంకు ఫిక్స్డ్ డిపాజిట్ రేట్లు (2 కోట్ల కంటే తక్కువ)
సాధారణ వ్యక్తులకు 15 రోజుల నుండి 45 రోజుల వరకు 3.40 శాతం, సీనియర్ సిటిజన్స్కు 3.65 శాతం, సాధారణ వ్యక్తులకు 46 నుంచి 90 రోజుల వరకు 4 శాతం, సీనియర్ సిటిజన్స్కు 4.25 శాతం, 91 నుంచి 179 రోజుల వరకు సాధారణ వ్యక్తులకు 4.30 శాతం, సీనియర్ సిటిజన్ష్కు 4.55 శాతం, 180 రోజులు సాధారణ వ్యక్తులకు 4.50 శాతం, సీనియర్ సిటిజన్స్కు 4.75 శాతం, 181 నుంచి 329 రోజుల వరకు సాధారణ వ్యక్తులకు 5.20 శాతం సీనియర్ సిటిజన్స్కు 5.45 శాతం, 330 రోజులు సాధారణ వ్యక్తులకు 5.80 శాతం, సీనియర్ సిటిజన్స్కు 6.05 శాతం, 331 రోజుల నుంచి 480 రోజుల వరకు సాధారణ వ్యక్తులకు 5.30 శాతం, సీనియర్ సిటిజన్స్కు5.55 శాతం, 481 నుంచి 719 రోజుల వరకు సాధారణ వ్యక్తులకు 5.80 శాతం, సీనియర్ సిటిజన్స్కు 6.05 శాతం, 720 రోజులకు సాధారణ వ్యక్తులకు 6.00 శాతం, సీనియర్ సిటిజన్స్కు 6.05 శాతం, 781 రోజుల నుంచి 36 నెలలకుపైగా సాధారణ వ్యక్తులకు 6.50 శాతం, సీనియర్ సిటిజన్స్కు 6.75 శాతం, 60 నెలల నుంచి 120 నెలల వరకు సాధారణ వ్యక్తులకు 6.50 శాతం, సీనియర్ సిటిజన్స్కు 7.25 శాతం, పన్ను మినహాయింపు పథకం (5సంవత్సరాలు) సాధారణ వ్యక్తులకు 6.50 శాతం, సీనియర్ సిటిజన్స్కు 6.50 శాతం.
ఆన్లైన్లో FD పొందే సౌకర్యం:
బ్యాంకు తన ఖాతాదారులకు నెట్ బ్యాంకింగ్ ద్వారా FD బుకింగ్ సౌకర్యాన్ని కూడా కల్పించింది. ఫిక్స్డ్ డిపాజిట్లు సురక్షితమైన పెట్టుబడి విధానం, ఆదాయపు పన్ను చట్టంలోని సెక్షన్ 80C కింద మినహాయింపు పొందడానికి FDలను కూడా చేయవచ్చు. SVC బ్యాంక్ మెరుగైన సౌలభ్యం కోసం FDల స్వయంచాలక పునరుద్ధరణను కూడా అనుమతిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
