ITR Filing 2024: ఆన్‌లైన్‌లో ఈజీగా ఐటీ రిటర్న్స్‌ ఫైలింగ్.. కానీ ఆ ఫామ్ కావాల్సిందే..!
గతంలో ఆదాయపు పన్ను రిటర్న్స్‌ ఫైల్‌ చేయాలంటే కచ్చితంగా నిపుణులను ఆశ్రయించాల్సి వచ్చేది. కానీ క్రమేపి టెక్నాలజీ పెరగడంతో ఆన్‌లైన్‌లోనే ఐటీ రిటర్న్స్‌ ఫైల్‌ చేసే అవకాశం అందుబాటులోకి వచ్చింది. ఎన్ని సదుపాయాలు అందుబాటులోకి వచ్చినా ఇప్పటికీ కొంత మంది నిపుణులను ఆశ్రయిస్తున్నారు. ఇన్‌కమ్‌ ట్యాక్స్ అధికారిక వెబ్‌సైట్‌లో కొన్ని టిప్స్‌ పాటిస్తూ అవసరమైన పత్రాలను ముందే సిద్ధం చేసుకుంటే ఐటీ రిటర్న్స్‌ ఫైల్‌ చేయడం సులభం అని టెక్ నిపుణులు చెబుతున్నారు. ముఖ్యంగా ఉద్యోగికి యజమాని అందించే ఫామ్-16 ఉంటే ఐటీ రిటర్న్స్‌ ఫైలింగ్ అనేది చాలా సింపుల్‌ అని వివరిస్తున్నారు.
భారతదేశంలో ఉద్యోగులు నిర్ణీత ఆదాయం దాటక ఆదాయపు పన్ను కట్టడం అనేది తప్పనిసరి అవసరంగా మారింది. అయితే గతంలో ఆదాయపు పన్ను రిటర్న్స్‌ ఫైల్‌ చేయాలంటే కచ్చితంగా నిపుణులను ఆశ్రయించాల్సి వచ్చేది. కానీ క్రమేపి టెక్నాలజీ పెరగడంతో ఆన్‌లైన్‌లోనే ఐటీ రిటర్న్స్‌ ఫైల్‌ చేసే అవకాశం అందుబాటులోకి వచ్చింది. ఎన్ని సదుపాయాలు అందుబాటులోకి వచ్చినా ఇప్పటికీ కొంత మంది నిపుణులను ఆశ్రయిస్తున్నారు. ఇన్‌కమ్‌ ట్యాక్స్ అధికారిక వెబ్‌సైట్‌లో కొన్ని టిప్స్‌ పాటిస్తూ అవసరమైన పత్రాలను ముందే సిద్ధం చేసుకుంటే ఐటీ రిటర్న్స్‌ ఫైల్‌ చేయడం సులభం అని టెక్ నిపుణులు చెబుతున్నారు. ముఖ్యంగా ఉద్యోగికి యజమాని అందించే ఫామ్-16 ఉంటే ఐటీ రిటర్న్స్‌ ఫైలింగ్ అనేది చాలా సింపుల్‌ అని వివరిస్తున్నారు. ఫామ్ 16 జారీ చేయడానికి జూన్ 15తో గడువు ముగిసినందున కచ్చితంగా అన్ని కంపెనీలు ఉద్యోగులు ఇప్పటికే ఫామ్-16ను జారీ చేశాయి. దానిని స్వీకరించిన ఉద్యోగులు 2023-24 ఆర్థిక సంవత్సరానికి (అసెస్‌మెంట్ సంవత్సరం 2024) ఆదాయపు పన్ను రిటర్న్‌లను దాఖలు చేయాలి. -25) చివరి నిమిషంలో హడావుడి పడే కంటే ఫెనాల్టీలను నివారించడానికి వీలైనంత త్వరగా ఐటీ రిటర్న్స్‌ ఫైల్‌ చేయాలని నిపుణులు సూచిస్తున్నారు. ఈ నేపథ్యంలో ఆన్‌లైన్‌లో ఐటీ రిటర్న్స్‌ ఎలా ఫైల్‌ చేయాలో? మరిన్ని వివరాలను తెలుసుకుందాం.
ఆన్‌లైన్ ఫైలింగ్ ప్రక్రియను ప్రారంభించే ముందు మీ వద్ద ఈ పత్రాలు సిద్ధంగా ఉండాలి. పాన్ కార్డ్ , ఆధార్ కార్డ్ , బ్యాంక్ ఖాతా వివరాలు , ఫారం 16 (మీ యజమాని జారీ చేసినవి), పెట్టుబడి రుజువులు, టీడీఎస్‌ సర్టిఫికెట్లు , బ్యాంకులు, పోస్టాఫీసు నుండి వడ్డీ సర్టిఫికెట్లు , మూలధన లాభాల ప్రకటనల వంటి వివరాలు అందుబాటులో ఉంచుకోవాలి.
- ముందుగా ఆదాయపు పన్ను ఈ-ఫైలింగ్ పోర్టల్‌ని సందర్శించాలి.
- మీరు కొత్త వినియోగదారు అయితే ‘రిజిస్టర్ యువర్ సెల్ఫ్’పై క్లిక్ చేసి, మీ పాన్ వివరాలను ఉపయోగించి రిజిస్ట్రేషన్ ప్రక్రియను పూర్తి చేయాలి.
- ఇప్పటికే ఉన్న వినియోగదారుల కోసం, మీ పాన్, పాస్‌వర్డ్, క్యాప్చా కోడ్‌ని ఉపయోగించి లాగిన్ చేయాలి.
- మీ ఆదాయ వనరుల ఆధారంగా తగిన ఐటీఆర్‌ ఫారమ్‌ను ఎంచుకోవాలి.
- రూ.50 లక్షల వరకు ఆదాయం కలిగిన జీతం పొందే వ్యక్తుల కోసం ఐటీఆర్‌-1 (సహజ్). వ్యాపారం లేదా వృత్తి నుండి ఆదాయం లేని వ్యక్తులు హెచ్‌యూఎఫ్‌ల కోసం ఐటీఆర్‌-2 . వ్యాపారం లేదా వృత్తి నుంచి ఆదాయం కలిగిన వ్యక్తులు, హెచ్‌యూఎఫ్‌ల కోసం ఐటీఆర్‌-3 . వ్యాపారం, వృత్తి నుండి ఊహించిన ఆదాయం కోసం ఐటీఆర్‌-4 (సుగం) ఫామ్స్‌ను ఎంచుకోవాలి.
- మీ పేరు, పాన్, చిరునామా వంటి ముందుగా పూరించిన వ్యక్తిగత సమాచారాన్ని ధ్రువీకరించాలి.
- అనంతరం జీతం, ఇంటి ఆస్తి, మూలధన లాభాలు, ఇతర ఆదాయ వనరుల వివరాలను నమోదు చేయాలి.
- 80సీ, 80డీ, ఇతర వర్తించే సెక్షన్‌ల కింద తగ్గింపులను పూరించాలి.
- అన్ని టీడీఎస్‌ వివరాలు మరియు ముందస్తు పన్ను చెల్లింపులు కచ్చితంగా ఉన్నాయని నిర్ధారించుకోవాలి.
- అవసరమైన అన్ని ఫీల్డ్‌లు సరిగ్గా పూరించి, లోపాలు లేవని నిర్ధారించుకోవడానికి ప్రతి ట్యాబ్‌లో ‘ధ్రువీకరించు’ బటన్‌ను ఉపయోగించాలి.
- అనంతరం పన్నును లెక్కించి, అలాగే చెల్లించాల్సిన పన్ను మీ పన్ను బాధ్యతను గణించడానికి ‘పన్ను లెక్కించు’ బటన్‌ను ఉపయోగించాలి. అనంతరం ‘ఇ-పే ట్యాక్స్’ ఎంపికను ఉపయోగించి ఏదైనా బాకీ ఉన్న పన్ను చెల్లించాలి.
- అనంతరం ఫామ్‌ను ధ్రువీకరించి, సమర్పించాలి.
- ఆధార్ ఓటీపీ, నెట్ బ్యాంకింగ్ వంటి పద్ధతులను ఉపయోగించి లేదా సంతకం చేసిన ఐటీఆర్‌-వీని సీపీసీ, బెంగళూరుకు పంపడం ద్వారా రిటర్న్స్‌ను ధ్రువీకరించి సమర్పిస్తే ఐటీ రిటర్న్స్‌ ఫైల్‌ అవుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
