Diwali Offers: ఊరిస్తున్న ఓలా ఆఫర్.. ఎలక్ట్రిక్ స్కూటర్లపై రూ. 26,500 వరకూ తగ్గింపు.. త్వరపడండి..
ప్రముఖ ఈవీ తయారీ దారు, బెంగళూరు కేంద్రంగా నడిచే ఓలా ఎలక్ట్రిక్ కూడా ఆకర్షణీయ ఆఫర్లను అందిస్తోంది. ఇది పరిమిత కాలం ఆఫర్ మాత్రమేనని కంపెనీ ప్రకటించింది. వినియోగదారులు మొత్తం మీద రూ. 26,500 వరకూ వివిధ రకాల ప్రయోజనాలు పొందొచ్చని పేర్కొంది. వీటిల్లో ఎక్స్ టెండెడ్ బ్యాటరీ వారంటీ, ఎక్స్ చేంజ్ బోనస్, డిస్కౌంట్ కాంప్రిహెన్సివ్ వారంటీ అందుబాటులో ఉంటుంది.
Updated on: Nov 12, 2023 | 9:36 PM
అన్ని రంగాల్లో ఆఫర్ల సీజన్ నడుస్తోంది. అన్ని ప్లాట్ ఫారంలలో విభిన్న రకాల వస్తువులపై పలు రకాల తగ్గింపులు, క్యాష్ బ్యాక్ లను అందిస్తున్నాయి. ఫలితంగా కొనుగోలుదారులు వాటిపై ఆసక్తి చూపుతున్నారు. ఇదే క్రమంలో ఎలక్ట్రిక్ టూ వీలర్ కంపెనీలు కూడా ఫెస్టివ్ సేల్స్ నిర్వహిస్తున్నాయి. అందులో భాగంగా ప్రముఖ ఈవీ తయారీ దారు, బెంగళూరు కేంద్రంగా నడిచే ఓలా ఎలక్ట్రిక్ కూడా ఆకర్షణీయ ఆఫర్లను అందిస్తోంది. ఇది పరిమిత కాలం ఆఫర్ మాత్రమేనని కంపెనీ ప్రకటించింది. వినియోగదారులు మొత్తం మీద రూ. 26,500 వరకూ వివిధ రకాల ప్రయోజనాలు పొందొచ్చని పేర్కొంది. ఎక్స్ టెండెడ్ బ్యాటరీ వారంటీ, ఎక్స్ చేంజ్ బోనస్, డిస్కౌంట్ కాంప్రిహెన్సివ్ వారంటీ అందుబాటులో ఉంటుంది. నవంబర్ పదో తేదీ నుంచి రూ. 2000 డిస్కౌంట్ ను పొందొచ్చు. దీనికి సంబంధించిన పూర్తి వివరాలు ఇప్పుడు చూద్దాం..
- ఓలా కొత్త లాంచ్ చేసిన ఎస్1 ప్రో జెన్2 స్కూటర్ కొనుగోలుపై రూ. 7000 విలువైన ఎక్స్ టెండెడ్ బ్యాటరీ వారంటీని అందిస్తుంది. అలాగే రూ. 2000తోనే కాంప్రిహెన్సివ్ ఎక్స్ టెండెడ్ వారంటీని అప్ గ్రేడ్ చేసుకోవచ్చు.
- అలాగే ఓలా ఎస్1 ఎయిర్, ఎస్1 ఎక్స్ ప్లస్ వినియోగదారులు బ్యాటరీ కాస్ట్ పై 50శాతం డిస్కౌంట్ , అదనంగా కాంప్రిహెన్సివ్ వారంటీలను పొందొచ్చు.
- అంతేకాక వినియోగదారులు పాత సంప్రదాయ పెట్రోల్ ఇంజిన్ వాహనాలను ఎక్స్ చేంజ్ చేసుకుంటే.. ఎస్1 ప్రో జెన్1 స్కూటర్ పై ఎక్స్ చేంజ్ బోనస్ కింద రూ. 10,000 వరకూ ప్రయోజనాన్ని పొందొచ్చు. అలాగే ఎస్1 ఎయిర్, ఎస్1 ఎక్స్ ప్లస్ స్కూటర్లపై రూ. 5000 వరకూ తగ్గింపును పొందుతారు.
- పైన పేర్కొన్న ప్రయోజనాలతో పాటు వినియోగదారులు రూ. 7,500 వరకూ క్రెడిట్ కార్డు ఈఎంఐలపై పలు ప్రయోజనాలను పొందుతారు. అలాగే జీరో డౌన్ పేమెంట్, నో కాస్ట్ ఈఎంఐ, జీరో ప్రాసెసింగ్ తో పాటు అతి తక్కువ వడ్డీ రేటు రూ. 5.99శాతానికి ఫైనాన్స్ ఇస్తారు.
ప్రస్తుతం ఓలా ఎలక్ట్రిక్ తన లేటెస్ట్ లైనప్ లో ఎస్1 ఎక్స్, ఎస్1 ఎక్స్ ప్లస్ స్కూటర్లను కలిగి ఉంది. ఎస్1 ఎక్స్, ఎస్1 ఎక్స్ ప్లస్(3కేడబ్ల్యూహెచ్), ఎస్1 ఎక్స్(2కేడబ్ల్యూహెచ్) సామర్థ్యంతో అందుబాటులో ఉంది. ఎస్1 ఎక్స్ ప్లస్ స్కూటర్ రూ. 1,09,999 ఎక్స్ షోరూం ధరకు అందుబాటులో ఉంది. అలాగే సెకండ్ జెనరేషన్ ఎస్1 ప్రో డెలివరీలు ఇప్పటికే 100 నగరాలకు పైగా ప్రారంభమయ్యాయి. ఎస్1 ఎయిర్ స్కూటర్ ను రూ. 1,19,99ఎక్స్ షోరూం ధరకు అందుబాటులో ఉంది. ఎస్1 ఎక్స్(3కేడబ్ల్యూహెచ్) ఎస్1 ఎక్స్(2కేడబ్ల్యూహెచ్) స్కూటర్లను కేవలం రూ. 999కే బుక్ చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..
