ఈ పథకంలో నెల నెలా రూ.10,000 డిపాజిట్‌ చేయండి.. సులభంగా రూ.16 లక్షలు పొందండి..!

RD Account: కొంతమందికి డబ్బును సరిగ్గా పెట్టుబడి పెట్టడానికి సరైన మార్గం తెలియదు. దీంతో వారు ఎటువంటి లాభాలను ఆర్జించలేరు. కానీ మీరు పోస్టాఫీసు పథకాల

Money

uppula Raju | Edited By: Ravi Kiran|
Updated on: Mar 14, 2022 | 12:02 PM

RD Account: కొంతమందికి డబ్బును సరిగ్గా పెట్టుబడి పెట్టడానికి సరైన మార్గం తెలియదు. దీంతో వారు ఎటువంటి లాభాలను ఆర్జించలేరు. కానీ మీరు పోస్టాఫీసు పథకాల గురించి తెలుసుకుంటే మంచి లాభాలను పొందవచ్చు. అంతేకాకుండా వృద్ధాప్యంలో అనేక ఇబ్బందుల నుంచి బయటపడవచ్చు. వాస్తవానికి మీరు పోస్టాఫీసు రికరింగ్‌ డిపాజిట్‌ ఖాతాలో రూ.10 వేల రూపాయల పెట్టుబడి ద్వారా రూ.16 లక్షలు పొందవచ్చు. దీనికి మంచి వడ్డీతో పాటు ప్రభుత్వ హామీ కూడా ఉంటుంది. పోస్ట్ ఆఫీస్ ఖాతా ఫిక్స్‌డ్ డిపాజిట్ మాదిరే ఉంటుంది. అయితే ఫిక్స్‌డ్ డిపాజిట్‌లో మీరు మొత్తం డబ్బును ఒకేసారి డిపాజిట్ చేయాల్సి ఉంటుంది. కానీ పోస్ట్ ఆఫీస్ రికరింగ్ డిపాజిట్‌లో మీరు ప్రతి నెలా కొంత మొత్తాన్ని పెట్టుబడి పెట్టడం ద్వారా వడ్డీని పొందవచ్చు. మీరు ఈ ఖాతాలో డబ్బు డిపాజిట్ చేసినట్లయితే మీకు దాదాపు 5.8% వడ్డీ లభిస్తుంది. కాంపౌండింగ్ మొత్తం ద్వారా ఈ వడ్డీ ప్రతి మూడో నెలకి యాడ్‌ చేస్తారు. ఈ పోస్టాఫీసు స్కీమ్‌లోని డబ్బులని ప్రభుత్వం షేర్ మార్కెట్‌లో పెట్టుబడి పెట్టదు. దీనివల్ల రిటర్న్‌లకు సంబంధించి ఎలాంటి రిస్క్ ఉండదు. మీ డబ్బు ఇందులో మునిగిపోదు. మీరు ఎటువంటి అనుమానం లేకుండా ఇందులో పెట్టుబడి పెట్టవచ్చు.

పోస్టాఫీసు రికరింగ్‌ డిపాజిట్‌లో కాంపౌండింగ్ ప్రకారం వడ్డీని చెల్లిస్తారు. అంటే ఎంత ఎక్కువ కాలం పెట్టుబడి పెడితే అంత ఎక్కువ వడ్డీ లభిస్తుంది. కేవలం100 రూపాయలు చెల్లించి ఈ ఆఫీస్‌లో ఖాతాను తెరవవచ్చు. మీరు ఈ స్కీంలో ఎంతైనా డిపాజిట్ చేయవచ్చు. మీరు ఈ పథకంలో 10 సంవత్సరాల పాటు పెట్టుబడి పెట్టాలి. ప్రతి నెలా 10 వేలు ఇన్వెస్ట్ చేయాల్సి ఉంటుంది. లెక్క ప్రకారం చూస్తే మీ మొత్తం పెట్టుబడి 12 లక్షల రూపాయలు. దీనిపై మీరు 10 సంవత్సరాలలో 5.8% వడ్డీ రేటుతో రూ.16,26,476 పొందుతారు. మీరు ప్రతి నెలా 10 వేల రూపాయలు డిపాజిట్ చేయలేకపోతే ప్రతి నెలా 3000 రూపాయలు డిపాజిట్ చేయడం ద్వారా కూడా మంచి ఆదాయం పొందవచ్చు. మీరు 10 సంవత్సరాలలో 5 లక్షలకు పైగా సంపాదించవచ్చు.