Car Loan: కొత్త కారు కొంటున్నారా.. ఈ బ్యాంకుల్లో అతితక్కువ వడ్డీ రేట్లు.. నో ప్రాసెసింగ్ ఫీజు..

కారు కొనేందుకు లోన్ తీసుకోవాలనుకునే వారికి ఇదొక మంచి సమయం. ప్రస్తుతం మార్కెట్‌లో వడ్డీ రేట్లు స్థిరంగా ఉన్నా.. ప్రభుత్వ బ్యాంకులు తక్కువ వడ్డీకే లోన్లు ఇస్తున్నాయి. అనేక బ్యాంకులు 8 శాతం కంటే తక్కువ రేట్లను కోట్ చేస్తుండగా.. కొన్ని బ్యాంకులు లోన్ ఖర్చులను మరింత తగ్గించేందుకు ప్రాసెసింగ్ ఫీజు మినహాయింపులను కూడా అందిస్తున్నాయి.

ప్రభుత్వ రంగ బ్యాంకుల ఆఫర్లు

అత్యంత తక్కువ వడ్డీ రేట్లను అందిస్తున్న వాటిలో ప్రభుత్వ రంగ బ్యాంకులు ముందున్నాయి:

యూనియన్ బ్యాంక్ – పంజాబ్ నేషనల్ బ్యాంక్: ఈ బ్యాంకులు 7.80శాతం నుండి 9.70శాతం మధ్య వడ్డీ రేట్లను అందిస్తున్నాయి. ఐదేళ్ల పాటు రూ. 5 లక్షల లోన్‌పై EMI సుమారు రూ. 10,090 నుండి రూ. 10,550 వరకు ఉంటుంది.

కెనరా బ్యాంక్: ఈ బ్యాంక్ వడ్డీ రేట్లు 7.70 నుండి ప్రారంభమవుతాయి. EMI కేవలం రూ. 10,067** నుండి మొదలవుతుంది. అంతేకాకుండా ఈ బ్యాంక్ డిసెంబర్ 31 వరకు ప్రాసెసింగ్ ఫీజు విధించడం లేదు.

UCO బ్యాంక్: అతి తక్కువగా 7.60శాతం వడ్డీకే లోన్ ఇస్తుంది. ఈఎంఐ రూ.10,043 నుండి ఉంటుంది. ఈ బ్యాంక్ కారు, ఎలక్ట్రిక్-వాహన రుణాలపై ఎటువంటి ప్రాసెసింగ్ ఫీజు వసూలు చేయదు.

సెంట్రల్ బ్యాంక్ ఆఫ్ ఇండియా: ఈ బ్యాంక్ కూడా 7.85శాతం వడ్డీ రేట్కే లోన్ అందిస్తుంది. 2026 మార్చి 31 వరకు ప్రాసెసింగ్ ఫీజుల వసూల్ చేయడం లేదు.

అదనపు ప్రయోజనం: బ్యాంక్ ఆఫ్ మహారాష్ట్ర వంటి బ్యాంకులు ఇప్పటికే హోమ్ లోన్ ఉన్న కస్టమర్లకు 0.25 శాతం వడ్డీ రాయితీని అందిస్తున్నాయి.

ప్రైవేట్ బ్యాంకుల రేట్లు

ప్రైవేట్ బ్యాంకుల నుండి కారు రుణాలు, ప్రభుత్వ బ్యాంకుల కంటే కొంచెం ఎక్కువగా ఉన్నాయి. ఐసీఐసీఐ బ్యాంక్ 8.50శాతం, హెచ్‌డీఎఫ్‌సీ బ్యాంక్ 9.20శాతం వడ్డీ రేట్లకే లోన్ అందిస్తున్నాయి. ఐడీఎఫ్‌సీ ఫస్ట్ బ్యాంక్,ఫెడరల్ బ్యాంక్ 10శాతం వరకు వడ్డీ వసూల్ చేస్తున్నాయి. అంతేకాకుండా ప్రైవేట్ బ్యాంకులలో ప్రాసెసింగ్ ఫీజులు కూడా ఎక్కువగా ఉంటాయి. ఉదాహరణకు ఐసీఐసీఐ 2శాతం ఫీజు వసూలు చేస్తుంది.

రేటు వ్యత్యాసం ఎందుకు ముఖ్యం?

డ్డీ రేట్లలో చిన్న తేడా ఉన్నప్పటికీ, దీర్ఘకాలంలో ఇది పెద్ద మొత్తంలో డబ్బును ఆదా చేస్తుంది. ఉదాహరణకు, UCO బ్యాంక్ – ఐడీఎఫ్‌సీ బ్యాంకుల మధ్య వడ్డీ రేట్లలోని తేడా వల్ల ఐదేళ్లలో మీకు రూ. 36,000 వరకు ఆదా అవుతుంది. అందుకే లోన్ తీసుకునే ముందు వడ్డీ రేట్లు, ప్రాసెసింగ్ ఫీజు మినహాయింపులను తప్పకుండా సరిచూసుకోవడం మంచిది.

మరిన్ని బిజినెస్ వార్త ల కోసం ఇక్కడ క్లిక్ చేయండి