Cabinet: పాఠశాలల నుండి మెట్రో విస్తరణ వరకు.. కేబినెట్‌లో కేంద్రం కీలక నిర్ణయాలు.. భారీ ప్రాజెక్టులకు ఆమోదం
కేంద్ర మంత్రివర్గ సమావేశం గత శుక్రవారం జరిగింది. ఇందులో ఢిల్లీ, హర్యానా మధ్య కనెక్టివిటీని పెంచడానికి సుమారు 26 కి.మీ పొడవైన ఢిల్లీ మెట్రో నాల్గవ దశ అయిన రిథాలా..
Updated on: Dec 07, 2024 | 5:30 PM
కేంద్ర ప్రభుత్వం కొన్ని కీలక నిర్ణయాలు తీసుకుంది. దేశవ్యాప్తంగా 85 కేంద్రీయ విద్యాలయాలు, 25 నవోదయ విద్యాలయాలు, ఢిల్లీ మెట్రో ప్రాజెక్టును విస్తరించేందుకు మంత్రివర్గ సమావేశంలో ఆమోదం లభించింది. కేబినెట్ తీసుకున్న ఈ నిర్ణయంతో దాదాపు 80 వేల మంది విద్యార్థులు లబ్ది పొందనుండగా, దాదాపు 6,600 మందికి ఉద్యోగాలు లభించనున్నాయి.
కేంద్ర మంత్రివర్గ సమావేశం గత శుక్రవారం జరిగింది. ఇందులో ఢిల్లీ, హర్యానా మధ్య కనెక్టివిటీని పెంచడానికి సుమారు 26 కి.మీ పొడవైన ఢిల్లీ మెట్రో నాల్గవ దశ అయిన రిథాలా-నరేలా-కుండ్లి కారిడార్‌కు క్యాబినెట్ ఆమోదం తెలిపిందని కేంద్ర మంత్రి అశ్వినీ వైష్ణవ్ తెలిపారు. దీనితో పాటు, దేశవ్యాప్తంగా పిల్లలకు మంచి విద్యను అందించడానికి 85 కేంద్రీయ విద్యాలయాలు, 28 నవోదయ విద్యాలయాలను తెరవడానికి కూడా ఆమోదం లభించింది.
రూ.6230 కోట్లు మెట్రో ప్రాజెక్టులకు..
ఢిల్లీ ఎన్‌సిఆర్‌లో మెట్రో కనెక్టివిటీని పెంచడానికి ఫేజ్ 4 మెట్రో కారిడార్‌ను ప్రారంభించాలని కేంద్ర ప్రభుత్వం నిర్ణయించింది. దీని కోసం రూ.6230 కోట్ల బడ్జెట్ నిర్ణయించింది. ఈ ప్రాజెక్ట్ కింద ఢిల్లీలోని నరేలా, బవానా, రోహిణి ప్రాంతాల్లో కనెక్టివిటీని పెంచుతారు. ఇందులో మొత్తం 21 స్టేషన్లు ఉంటాయి.
85 కేంద్రీయ విద్యాలయాలు:
85 కొత్త కేంద్రీయ విశ్వవిద్యాలయాల ప్రారంభానికి కూడా ప్రభుత్వం ఆమోదం తెలిపింది. జమ్మూ కాశ్మీర్‌లో 13, మధ్యప్రదేశ్‌లో 11, రాజస్థాన్‌లో 9, ఒడిశాలో 8, ఆంధ్రప్రదేశ్‌లో 8, ఉత్తరప్రదేశ్‌లో 5, ఉత్తరాఖండ్‌లో 4, ఛత్తీస్‌గఢ్‌లో 4, హిమాచల్ ప్రదేశ్‌లో 4, కర్ణాటకలో 3, గుజరాత్‌లో 3, మహారాష్ట్రలో 3, జార్ఖండ్‌లో 2, తమిళనాడులో 2, త్రిపురలో 2, ఢిల్లీలో 1, అరుణాచల్‌ప్రదేశ్‌లో 1, అస్సాం, కేరళలో ఒక్కో కేంద్రీయ విద్యాలయాలను ఏర్పాటుకు చేయాలని ప్రభుత్వం నిర్ణయించింది.
ఇది కూడా చదవండి: BSNL: గుడ్‌న్యూస్‌.. సెట్-టాప్ బాక్స్ లేకుండా ఉచితంగా 500 కంటే ఎక్కువ HD టీవీ ఛానెళ్లు, OTT యాప్స్
కేంద్ర మంత్రివర్గ సమావేశంలో కేవీలతో పాటు జేఎన్‌వీ (జనహర్‌ నవోదయ విద్యాలయాలు) పాఠశాలలను కూడా ప్రారంభించనున్నారు. అరుణాచల్ ప్రదేశ్‌లో 8, అస్సాంలో 6, మణిపూర్‌లో 3, కర్ణాటకలో 1, మహారాష్ట్రలో 1, తెలంగాణలో 7, పశ్చిమ బెంగాల్‌లో 2 పాఠశాలలను ప్రభుత్వం ప్రారంభించనుంది. కొత్త నవోదయ విద్యాలయాల కోసం మొత్తం అంచనా రూ.2,359.82 కోట్లు. ఇందులో మూలధన వ్యయం రూ.1,944.19 కోట్లు, నిర్వహణ వ్యయం రూ.415.63 కోట్లు.
ఇది కూడా చదవండి: Digital Ration Card: డిజిటల్ రేషన్ కార్డును ఎలా డౌన్‌లోడ్ చేసుకోవాలి?
మరిన్ని బిజినెస్ వార్తల కోసం ఇక్కడ క్లిక్ చేయండి
