LIC Policyholders: మీ పాలసీ ల్యాప్స్ అయ్యిందా? మీకో సువర్ణావకాశం.. ఎలాంటి ఛార్జీలు లేకుండా పునరుద్దరించుకోండి!
LIC Policyholders: భారీ ఆలస్య రుసుములతో భారం పడటం వల్ల ప్రజలు తరచుగా తమ పాలసీలను పునరుద్ధరించుకోవడంలో విఫలమవుతారు. ఈ కస్టమర్ సమస్యను గుర్తించి, LIC ఈసారి ఆకర్షణీయమైన రాయితీలను అందించింది. ఆగిపోయిన వ్యక్తిగత పాలసీలను పునరుద్ధరించడానికి LIC ఒక ప్రచారాన్ని ప్రారంభించింది.
Updated on: Jan 03, 2026 | 1:21 PM
LIC Policyholders: మీ లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) పాలసీ ఏదైనా కారణం చేత నిలిచిపోయిన దాన్ని పునరుద్ధరించాలనుకుంటే ఈ వార్త మీకు చాలా ఉపయోగకరంగా ఉంటుంది. ఆగిపోయిన వ్యక్తిగత పాలసీలను పునరుద్ధరించడానికి LIC ఒక ప్రచారాన్ని ప్రారంభించింది. ఈ ప్రచారం జనవరి 1, 2026న ప్రారంభమైంది. మార్చి 2, 2026 వరకు కొనసాగుతుంది. ఈ రెండు నెలల్లో మీరు మీ పాత, నిలిచిపోయిన “నాన్-లింక్డ్” పాలసీలను తక్కువ ఖర్చుతో పునరుద్ధరించవచ్చు.
భారీ ఆలస్య రుసుములతో భారం పడటం వల్ల ప్రజలు తరచుగా తమ పాలసీలను పునరుద్ధరించుకోవడంలో విఫలమవుతారు. ఈ కస్టమర్ సమస్యను గుర్తించి, LIC ఈసారి ఆకర్షణీయమైన రాయితీలను అందించింది. నాన్-లింక్డ్ ఇన్సూరెన్స్ ప్లాన్లపై ఆలస్య రుసుములు 30% వరకు తగ్గిస్తోంది. గరిష్టంగా రూ.5,000 తగ్గింపు లభిస్తుంది. సూక్ష్మ బీమా పాలసీలు తీసుకున్న పేద వర్గాల వారికి, 100% ఆలస్య రుసుము మినహాయింపు అందుబాటులో ఉంది. అంటే వారు జరిమానాగా ఒక్క రూపాయి కూడా చెల్లించాల్సిన అవసరం లేదు.
ఇది కూడా చదవండి: Kotak Securities: సాంకేతిక లోపంతో ఖాతాలో రూ.40 కోట్లు.. నిమిషాల్లో రూ.1.75 కోట్ల లాభం.. కట్ చేస్తే..
క్లిష్ట పరిస్థితులు లేదా ఆర్థిక ఇబ్బందుల కారణంగా సకాలంలో ప్రీమియంలు చెల్లించలేకపోయిన పాలసీదారుల కోసం ఈ ప్రచారం అని LIC స్పష్టం చేసింది. ప్రీమియం చెల్లింపు కాలంలో నిలిపివేసినా, కానీ ఇంకా మెచ్యూరిటీకి చేరుకోని పాలసీలను ఈ పథకం కింద పునరుద్ధరించవచ్చు. ఈ తగ్గింపు ఆలస్య రుసుముకు మాత్రమే వర్తిస్తుంది. పాలసీని పునరుద్ధరించడానికి వైద్య లేదా ఆరోగ్య పరీక్ష అవసరమైతే ఎటువంటి రాయితీలు అందించవు.
ఇది కూడా చదవండి: Gold and Silver Prices: మగువలకు శుభవార్త.. పతనమవుతున్న బంగారం, వెండి ధరలు.. ఎంత తగ్గిందంటే..!
LIC ప్రకారం.. పాలసీ యాక్టివ్గా ఉంటేనే బీమా పూర్తి ప్రయోజనం లభిస్తుంది. పాలసీ యాక్టివ్గా ఉంటే మరణ ప్రయోజనం లేదా ఇతర మెచ్యూరిటీ ప్రయోజనాలను పొందడం కష్టమవుతుంది. మీ రిస్క్ కవర్ను పునరుద్ధరించడానికి ఈ ప్రచారం ఒక అద్భుతమైన మార్గం. మీకు ల్యాప్స్ అయిన పాలసీ ఉంటే ఈ ప్రత్యేక తగ్గింపు పొందడానికి మీ సమీపంలోని LIC బ్రాంచ్ను సందర్శించండి లేదా మీ ఏజెంట్ను కలవండి. ఈ అవకాశం మార్చి 2, 2026 వరకు మాత్రమే అందుబాటులో ఉంటుందని గుర్తించుకోండి.
ఇది కూడా చదవండి: School Holidays: ఇక్కడ జనవరి 5 వరకు పాఠశాలలు బంద్.. సీఎం కీలక ప్రకటన!
మరిన్ని బిజినెస్ వార్తల కోసం ఇక్కడ క్లిక్ చేయండి
