EV Scooter Fires: మీరు ఇంట్లో ఈవీ స్కూటర్‌కు చార్జ్ చేస్తున్నారా? ఈ వీడియో చూస్తే నోరెళ్లబెడతారంతే..!
మళ్లీ కొన్ని ప్రాంతాల్లో ఈవీ స్కూటర్లలో మంటలు భయపెడుతున్నాయి. గత కొన్ని నెలలుగా రోడ్డుపై లేదా పార్కింగ్ స్థలంలో ఉన్నప్పుడు అనేక ఎలక్ట్రిక్ స్కూటర్లు మంటల్లో చిక్కుకుంటున్నాయి. ఇటీవల ఒక భయంకరమైన వీడియో ఆన్‌లైన్‌లో షేర్ చేస్తున్నారు. ఈవీ స్కూటర్‌కు సంబంధించి రిమూవబుల్ బ్యాటరీ ఇంటి లోపల ఛార్జ్ చేస్తుండగా ఒకసారిగా మంటల్లో చిక్కుకుంది. చిన్నగా పొగ వ్యాపిస్తు మొత్తం రూమ్ మొత్తం మంటలు వ్యాపించాయి.
ఇటీవల కాలంలో ఈవీ స్కూటర్ల వాడకం బాగా పెరిగింది. అయితే మొదట్లో ఈవీ స్కూటర్లు చార్జింగ్ సమయంలో కాలిపోయి సగటు వినియోగదారుడిని బయపెట్టాయి. క్రమేపి ఆ భయం పోయి ఈవీ స్కూటర్లను వాడుతున్నారు. అయితే మళ్లీ కొన్ని ప్రాంతాల్లో ఈవీ స్కూటర్లలో మంటలు భయపెడుతున్నాయి. గత కొన్ని నెలలుగా రోడ్డుపై లేదా పార్కింగ్ స్థలంలో ఉన్నప్పుడు అనేక ఎలక్ట్రిక్ స్కూటర్లు మంటల్లో చిక్కుకుంటున్నాయి. ఇటీవల ఒక భయంకరమైన వీడియో ఆన్‌లైన్‌లో షేర్ చేస్తున్నారు. ఈవీ స్కూటర్‌కు సంబంధించి రిమూవబుల్ బ్యాటరీ ఇంటి లోపల ఛార్జ్ చేస్తుండగా ఒకసారిగా మంటల్లో చిక్కుకుంది. చిన్నగా పొగ వ్యాపిస్తు మొత్తం రూమ్ మొత్తం మంటలు వ్యాపించాయి. ఈ వీడియో యూట్యూబ్‌లో వ్యాస్ కుష్వాహా షేర్ చేశారు. రెండు నిమిషాల నిడివితో ఉన్న ఈ వీడియో గురించి మరిన్ని వివరాలను తెలుసుకుందాం.
ఓ ఇంటి లోపల ఛార్జ్ అవుతున్న రిమూవబుల్ బ్యాటరీ ఒకసారిగా హానికరమైన గ్యాస్‌ను లీక్ చేస్తూ తీవ్రమైన స్పార్క్‌లకు కారణం అవుతుంది. క్రమేపి మంటలు పెద్దగా గది మొత్తం వ్యాపించాయి. ముఖ్యంగా ఆ బ్యాటరీలోని మంటలు రూమ్‌లోని ప్రతి వస్తువుకు వ్యాపించింది. వీడియోను రికార్డ్ చేస్తున్న వ్యక్తి తన బ్యాగ్‌లలో ఒకదాన్ని సేవ్ చేయడానికి ప్రవేశించాడు. వెంటనే ఇతర గదికి వెళ్లి అతని తల్లి కిటికీ దగ్గర నిలబడి ప్రజలను సహాయం కోరాడు. అయితే ఈ అగ్నిప్రమాదానికి సంబంధించిన కచ్చితమైన ప్రదేశం తెలియరాలేదు. ఈ నేపథ్యంలో అనుకోని పరిస్థితుల్లో ఈవీ స్కూటర్ ఫైర్ అయితే ఎలాంటి జాగ్రత్తలు తీసుకోవాలో? ఓ సారి తెలుసుకుందాం.
చార్జింగ్ సమయంలో జాగ్రత్తలు
- ఎలక్ట్రిక్ స్కూటర్‌ను ఇంటి బయటే ఛార్జ్ చేయాలి. మీ స్కూటర్ రిమూవబుల్ బ్యాటరీతో వచ్చినప్పటికీ ఈ బ్యాటరీలను ఇంటి లోపల ఛార్జ్ చేయకూడదు. బ్యాటరీలు సాధారణంగా లిథియం, ఇతర లోహాలతో తయారు చేస్తారు. ఏదైనా కారణం వల్ల వాటికి మంటలు అంటుకుంటే, వాటి మంటలను నియంత్రించడం చాలా కష్టం.
- బ్యాటరీ ప్యాక్‌లో మంటలు సంభవించినప్పుడు దానిని ఆర్పడానికి ఎప్పుడూ నీటిని ఉపయోగించకూడదు. ఎందుకంటే నీరు బ్యాటరీ లోపల రసాయనాలు, లోహాలతో కలిస్తే పరిస్థితి మరింత దిగజారుతుంది. కాబట్టి ఈ ఎలక్ట్రిక్ స్కూటర్‌ను కలిగి ఉన్న ప్రతి ఒక్కరూ ఈ క్లాస్ డీ మంటల కోసం డ్రై పౌడర్ ఫైర్ ఎక్స్‌టింగ్విషర్‌ ఆశ్రయించాలి.
- పరిస్థితి మరింత దిగజారితే మంటలను స్వయంగా ఆర్పడానికి ప్రయత్నించకూడదు. వీలైనంత దూరంగా ఉండాలి. అగ్నిమాపక సిబ్బందికి సమాచారం అందించాలి.
