PF Customers Alert: పీఎఫ్ ఖాతాదారులకు ముఖ్య గమనిక.. ఈ ఐదు విషయాలను గుర్తుపెట్టుకోండి..!

కరోనా సంక్షోభంలో ఉద్యోగులకు ఊరటనిస్తూ ఎంప్లాయీస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) పలు కీలక నిర్ణయాలు తీసుకున్న సంగతి తెలిసిందే. వాటిల్లో ఒకటి ‘కోవిడ్-19 అడ్వాన్స్’. తాజాగా ఉద్యోగులు రెండోసారి తమ పీఎఫ్ ఖాతాల నుంచి కోవిడ్ అడ్వాన్స్ ఉపసంహరించుకునేందుకు ఈపీఎఫ్‌ఓ అవకాశం ఇచ్చింది. అలా తీసుకున్న అడ్వాన్స్‌ను తిరిగి చెల్లించాల్సిన అవసరం లేదని స్పష్టం చేసింది.

ఉద్యోగం కోల్పోయినా కోవిడ్ అడ్వాన్స్ సర్వీసును వినియోగించుకోవచ్చునని స్పష్టం చేసింది. ఈపీఎఫ్‌ఓ ప్రకారం, ఎవరైనా ఉద్యోగం పోగొట్టుకుని, ఇంకా మరే కంపెనీలో చేరకపోతే, పీఎఫ్ ఫండ్‌లో నుంచి కొంత భాగాన్ని కోవిడ్ అడ్వాన్స్‌గా ఉపసంహరించుకోవచ్చు. ఆ డబ్బును ఉద్యోగి మళ్లీ తిరిగి పీఎఫ్ ఖాతాలో జమ చేయాల్సిన అవసరం లేదు. ఇదిలా ఉంటే ఉద్యోగులకు అండగా ఉంటూ ఈపీఎఫ్‌ఓ తాజాగా చేసిన ఐదు పెద్ద మార్పులపై ఒకసారి లుక్కేయండి.

సెకండ్ కోవిడ్ అడ్వాన్స్..

కరోనా ఫస్ట్‌వేవ్‌లో కోవిడ్ అడ్వాన్స్ పొందిన ఈపీఎఫ్ ఖాతాదారుడు.. తాజాగా తన ఖాతా నుంచి రెండోసారి కూడా కోవిడ్ అడ్వాన్స్ తీసుకోవడానికి అర్హుడని ఈపీఎఫ్‌ఓ ప్రకటించింది. చందాదారులు బేసిక్ సాలరీ, భత్యాన్ని మూడు నెలలు లేదా ఈపీఎఫ్ ఖాతాలో జమ చేసిన మొత్తంలో 75 శాతం వరకు డబ్బును ఉపసంహరించుకోవచ్చు.

తిరిగి చెల్లించని అడ్వాన్స్…

ఒక నెల లేదా అంతకంటే ఎక్కువ కాలం ఉద్యోగంలో లేని EPFO ​​సభ్యుడు తన పీఎఫ్ బ్యాలెన్స్‌లో 75 శాతం వరకు మొత్తాన్ని ఉపసంహరించుకోవచ్చు. పెన్షన్ ప్రయోజనాల కోసం పీఎఫ్ ఖాతాను క్లోజ్ చేయని సభ్యుడికి ఈ సౌకర్యాన్ని అందుబాటులోకి తీసుకొచ్చింది.

EDLI పథకం కింద 7 లక్షల బీమా..

EDLI ప్రకారం, ప్రతి ఈపీఎఫ్ ఖాతాదారునికి రూ .7 లక్షల వరకు ఉచిత బీమా లభిస్తుంది. ముఖ్యమైన విషయం ఏమిటంటే, ఈ పథకం కింద ఉద్యోగులు ఎటువంటి వాయిదా లేదా డబ్బు చెల్లించాల్సిన అవసరం లేదు. పీఎఫ్ కట్ లేదా పీఎఫ్ ఖాతా ఉన్నవారికి ఈ ప్రయోజనం ఆటోమాటిక్ గా లభిస్తుంది. ఎంప్లాయీస్ ప్రావిడెంట్ ఫండ్ అసోసియేషన్(ఈపీఎఫ్ఓ) ఉద్యోగి కరోనాతో మరణించినట్లయితే.. సదరు వ్యక్తికి సంబంధించిన కుటుంబ సభ్యులు ఈ బీమా మొత్తాన్ని క్లెయిమ్ చేయవచ్చు. ఈ పథకం పరిమితి ఇంతకుముందు రూ .6 లక్షలు ఉండగా.. గత ఏడాది సెప్టెంబర్‌లో రూ .7 లక్షలకు పెంచారు.

ఈపీఎఫ్ ఆధార్ సీడింగ్…

ఈపీఎఫ్ఓ తమ ఖాతాదారులకు పలు సూచనలు ఇచ్చింది. పీఎఫ్ ఖాతాకు ఆధార్ సీడింగ్ తప్పనిసరి అని స్పష్టం చేసింది. ఒకవేళ ఆధార్ సీడింగ్ లేకపోతే డబ్బులు తీసుకోవడంలో గానీ.. సంస్థ ఈసీఆర్ దాఖలు చేయడంలో అనుమతి ఉండదని తెలిపింది. అందుకే పీఎఫ్ ఖాతాకు ఆధార్ సీడింగ్ గడువును సెప్టెంబర్ 1వ తేదీ వరకు పొడిగించింది.

ఉద్యోగం కోల్పోయినా కోవిడ్ అడ్వాన్స్..

ఎవరైనా ఉద్యోగం పోగొట్టుకుని, ఇంకా మరే కంపెనీలో చేరకపోతే, పీఎఫ్ ఫండ్‌లో నుంచి కొంత భాగాన్ని కోవిడ్ అడ్వాన్స్‌గా ఉపసంహరించుకోవచ్చు. ఆ డబ్బును ఉద్యోగి మళ్లీ తిరిగి పీఎఫ్ ఖాతాలో జమ చేయాల్సిన అవసరం లేదు.

Also Read:

వధువు పెళ్లి డ్రెస్‌లో దాక్కున్న వ్యక్తి.. ఏం చేశాడో తెలిస్తే నవ్వాపుకోలేరు.. ఫన్నీ వీడియో!

ఈ వారం ఓటీటీలో రిలీజవుతున్న సినిమాలు, వెబ్ సిరీస్‌లు ఇవే.. ఫ్యాన్స్‌కు పండగే

పెళ్ళి భోజనం లాగిస్తోన్న అమ్మాయి.. అంతలోనే బ్రేక్‌.. వీడియో చూస్తే నవ్వాపుకోలేరు.!

సింహాల గుంపుతో గేదె పోరాటం.. అంతలోనే ఊహించని ట్విస్ట్.. కట్ చేస్తే.! వైరల్ వీడియో