Viral Video: పెళ్ళి భోజనం లాగిస్తోన్న అమ్మాయి.. అంతలోనే బ్రేక్‌.. వీడియో చూస్తే నవ్వాపుకోలేరు.!

పెళ్లి వేడుక సందర్భంగా తీసే వీడియో కలకాలం గుర్తుండిపోయేలా ఉండటం కోసం ఫోటోగ్రాఫర్లు రకరకాల యాంగిల్స్‌లో షాట్‌లు తీస్తుంటారు. పెళ్ళికి వచ్చే..

Girl Video

Ravi Kiran |
Updated on: Jun 17, 2021 | 12:45 PM

పెళ్లి వేడుక సందర్భంగా తీసే వీడియో కలకాలం గుర్తుండిపోయేలా ఉండటం కోసం ఫోటోగ్రాఫర్లు రకరకాల యాంగిల్స్‌లో షాట్‌లు తీస్తుంటారు. పెళ్ళికి వచ్చే అతిథులకి ఇబ్బంది కలిగినా సరే పట్టించుకోకుండా తమ పనేదో తాము అన్నట్టుగా ఉంటారు. కొన్నిసార్లు వారు తీసే యాంగిల్స్‌కు, పెట్టే ఇబ్బందులకు అతిధులు చిరాకు పడుతుంటారు కూడా. తాజాగా అలాంటి ఓ వీడియో ప్రస్తుతం నెట్టింట్లో బాగా పాపులర్‌ అవుతోంది. మొన్నామధ్య పెళ్ళికూతురి మొహం దగ్గర కెమెరా పెట్టి షూట్‌ చేయబోయి.. పెళ్ళికొడుకు చేతిలో దెబ్బలు తిన్న కెమెరామాన్‌ వీడియో‌ను చూసే ఉంటారు. అలాంటిదే ఈ వీడయో కూడా సోషల్ మీడియాలో తెగ చక్కర్లు కొడుతోంది.

పెళ్లికి వచ్చిన ఓ అందమైన యువతి ఇంచక్కా.. తన ప్లేట్‌లో బిర్యానీ పెట్టుకుని భోజనం చేసేందుకు ఓ పక్కన కూర్చుంది. బాగా ఆకలిగా ఉందేమో.. ఓ పెద్ద ముద్దను తీసుకుని నోట్లో పెట్టుకోబోయింది. అయితే అంతలోనే కెమెరామాన్‌ తనపైనే ఫోకస్ పెట్టాడని గ్రహించిన యువతి.. చేత్తో తింటే ఏం బాగుంటుంది అనుకుందోయేమో వెంటనే పక్కనే ఉన్న స్పూన్‌ అందుకుంది. కెమెరా వైపు ఓ చిరునవ్వు నవ్వుతూ బిర్యానీ లాగించింది. కాగా, సోషల్ మీడియాలో పోస్ట్ అయిన ఈ వీడియోకు లెక్కలేనన్ని లైకులు, కామెంట్స్ వస్తున్నాయి. ఆ యువతిని కడుపారా భోజనం చేయనివ్వండి అంటూ నెటిజన్లు కెమెరామాన్‌లకు చురకలంటించారు.