సూపర్ మార్కెట్లపై ఉక్కుపాదం.. లాక్‌డౌన్ కఠినతరం

లాక్ డౌన్ నిబంధనలను ఉల్లంఘిస్తున్న సూపర్ మార్కెట్లపై గ్రేటర్ హైదరాబాద్ మున్సిపల్ కార్పొరేషన్ అధికారులు కఠిన చర్యలకు సిద్ధపడుతున్నారు. సోషల్ డిస్టెన్స ఇంగ్ ఏర్పాట్లు చేయకుండా సూపర్ మార్కెట్లలో క్రయవిక్రయాలకు పాల్పడుతున్న పలు సూపర్ మార్కెట్లను జిహెచ్ఎంసి అధికారులు శనివారం సీజ్ చేశారు.

చందా నగర్ లోని విజేత సూపర్ మార్కెట్ మధుర నగర్ లోని వ్యాలీ మార్ట్ సూపర్ మార్కెట్లను జిహెచ్ఎంసి ఎన్ఫోర్స్మెంట్ బృందం శనివారం సీజ్ చేసింది. ఈ సూపర్ మార్కెట్లలో భౌతిక దూరం పాటించకుండా ఒకేసారి ఎక్కువమందిని లోపలికి అనుమతించడం ద్వారా నిబంధనలను ఉల్లంఘించినట్లు జిహెచ్ఎంసి అధికారులు గుర్తించారు. కౌంటర్ల దగ్గర అ ఎక్కువ సంఖ్యలో వినియోగదారులు గుంపుగా చేరడం వల్ల కరుణ ప్రబలే అవకాశం ఉందని అధికారులు చెబుతున్నారు. అందుకే భౌతిక దూరం పాటించేలా ఏర్పాట్లు చేసిన తర్వాతనే సూపర్ మార్కెట్లను తెరవాలని అధికారులు ఆదేశించారు.

సూపర్ మార్కెట్లను తెరిచే ముందు ప్రభుత్వ నిబంధనలను తప్పనిసరిగా పాటించాలని జిహెచ్ఎంసి అధికారులు సూపర్ మార్కెట్ల యాజమాన్యాలకు విజ్ఞప్తి చేశారు. అయితే తాము వీలైనంత మటుకు నిబంధనలు పాటిస్తున్నామని, ప్రజలు ఒకేసారి పెద్ద సంఖ్యలో వచ్చినప్పుడు గుమి కూడక తప్పడంతప్పడం లేదని సూపర్ మార్కెట్ యాజమాన్యాలు వాదిస్తున్నాయి. లాక్ డౌన్ వంటి క్లిష్ట సమయాలలో ప్రజలకు నిత్యవసర వస్తువులను, సరుకులను విక్రయిస్తున్న తమపై చర్యలు తీసుకోవడం సరికాదని వారు చెబుతున్నారు.

కరోనా వైరస్ మరింత వ్యాప్తి చెందకుండా కేంద్ర రాష్ట్ర ప్రభుత్వాలు విధించిన లాక్ డౌన్ పీరియడ్, భౌతిక దూరం నిబంధనలను కచ్చితంగా పాటించాలని అధికారులు సూపర్ మార్కెట్ యాజమాన్యాలకు సూచిస్తున్నారు. ప్రజలు సైతం ప్రభుత్వ ఆదేశాలను కచ్చితంగా పాటించాలని వారు చెబుతున్నారు.