నాంపల్లిలో కరోనా అనుమానితుడు.. నగరంలో టెన్షన్ టెన్షన్..!
ప్రపంచవ్యాప్తంగా కరోనా విజృంభణ రోజురోజుకు పెరుగుతోంది. భారత్లోనూ కరోనా పాజిటివ్ కేసుల సంఖ్య 256కు పెరిగింది. దీంతో అందరిలోనూ భయం పెరుగుతోంది.
Updated on: Mar 22, 2020 | 10:39 AM
ప్రపంచవ్యాప్తంగా కరోనా విజృంభణ రోజురోజుకు పెరుగుతోంది. భారత్లోనూ కరోనా పాజిటివ్ కేసుల సంఖ్య 256కు పెరిగింది. దీంతో అందరిలోనూ భయం పెరుగుతోంది. బయటకు వెళ్లేందుకు కూడా జనాలు భయపడుతున్నారు. కాగా హైదరాబాద్లోని నాంపల్లి రైల్వే స్టేషన్లో ఓ కరోనా అనుమానితుడిని పోలీసులు అదుపులోకి తీసుకున్నారు. నగరంలోని మంగళహాట్కి చెందిన వ్యక్తి నైజీరియా, లాగోస్ నుంచి అబుదాబీ మీదుగా ఫ్లైట్లో ముంబయికి వచ్చాడు. ఈ ఉదయం అతడు ముంబయి ఎక్స్ప్రెస్లో నాంపల్లి రైల్వేస్టేషన్కు చేరుకున్నాడు. ఆ వ్యక్తి చేతిపూ ఉన్న హోమ్ క్వారంటైన్ స్టాంప్తో పోలీసులు అతడిని గుర్తించారు. వెంటనే అతడిని గాంధీ ఆసుపత్రికి తరలించారు. కాగా కరోనాపై పోరాటం కోసం ప్రధాని నరేంద్ర మోదీ జనతా కర్ఫ్యూకు పిలుపునిచ్చిన విషయం తెలిసిందే. ఈ పిలుపును ప్రజలందరూ స్వాగతించారు. ఈ నేపథ్యంలో దేశవ్యాప్తంగా జనజీవనం స్తంభించింది.
Read This Story Also: కరోనా ఎఫెక్ట్.. ఏపీలో ప్రభుత్వ ఉద్యోగులకు సెలవులు..
