కర్ణాటక సత్రంకు సీఎం జగన్, యెడ్యూరప్ప శంఖుస్థాపన

తిరుమల కొండపై 2 వందల కోట్ల రూపాయలతో నిర్మించ తలపెట్టిన కర్ణాటక సత్రంకు పునాదిరాయి పడింది. సత్రం నూతన భవన నిర్మాణాలకు ఏపీ సీఎం జగన్, కర్ణాటక సీఎం యెడ్యూరప్ప ఈ ఉదయం తిరుమలలో శంఖుస్థాపన చేశారు. పూర్తిగా అధునాతన రీతిలో నిర్మించబోతున్న కర్ణాటక సత్రాన్ని ఏడు ఎకరాల పరిధిలో ఐదు కాంప్లెక్సులుగా నిర్మిస్తారు. కర్ణాటక నుంచి తిరుమలకు వచ్చే శ్రీవారి భక్తులకు వసతి కోసం ఈ సత్రాన్ని నిర్మిస్తున్నారు. రోజుకి 1800 మంది భక్తులకు వసతి కల్పించేలా ఈ నిర్మాణం ఉంటుంది. నిర్మాణానికి అయ్యే రూ. 200 కోట్లను కర్ణాటక ప్రభుత్వం ఇప్పటికే టీటీడీకి ఇచ్చింది. పూర్తిగా కర్ణాటక ఇచ్చిన నిధులతో ఈ భవన సముదాయం నిర్మిస్తుంది తిరుమల తిరుపతి దేవస్థానం.