ప్రింట్ అండ్ ఎలక్ట్రానిక్ మీడియాలో 23 సంవత్సరాల అనుభవం ఉంది. విజయవాడలో వార్త దినపత్రిక లో రిపోర్టర్ గా కెరీర్ ప్రారంభమైంది. 2008 వరకు వార్త దిన పత్రికలోనే పని చేస్తూ ఆ ఏడాది సెప్టెంబర్ లో టివి9లో స్టాఫ్ రిపోర్టర్ గా చేరటం జరిగింది. అక్కడ నుంచి బదిలీపై పశ్చిమ గోదావరి జిల్లాకు 2011 మే 15 వచ్చి ప్రస్తుతం ఏలూరు, పశ్చిమ గోదావరి జిల్లాల ప్రతినిధిగా బాధ్యతలు నిర్వహిస్తున్నాను. రెండు సార్లు వరుసగా యునిసెఫ్ అవార్డు లు , యన్టీ అవార్డు లభించాయి.
Aqua Farms: ఆక్వా రంగంపై అర్నబ్ తుఫాన్ ఎఫెక్ట్.. అప్పుల ఊబిలోకి రొయ్యల రైతులు
ఆంధ్రప్రదేశ్‌లో అర్నబ్ తుఫాన్ సృష్టించిన బీభత్సానికి.. భారీ వర్షాలు, భీకర ఈదురుగాలులతో జనజీవనం అస్తవ్యస్తం కాగా.. ఇప్పుడు ఆక్వా రైతులనూ కోలుకోలేని దెబ్బ తీస్తోంది. తుఫాన్ ప్రభావంతో విద్యుత్ స్తంభాలు నేలకూలి, సరఫరా నిలిచిపోవడంతో రొయ్యల చెరువుల్లో ప్రాణవాయువు అందక పరిస్థితి దారుణంగా మారింది. వేలాది రూపాయలు పెట్టుబడి పెట్టి పెంచిన రొయ్యలు కళ్ల ముందే మృత్యువాత పడుతుండటంతో ఆక్వా రైతులు తీవ్ర ఆందోళనలో మునిగిపోయారు.
- B Ravi Kumar
- Updated on: Oct 31, 2026
- 11:12 am
నాలుగు రోజులుగా కరెంట్ లేదు.. తుఫాన్ వేళ రీఛార్జ్ పేరుతో ఎంత వసూలు చేస్తున్నారంటే..
తుఫాన్ ప్రభావంతో పశ్చిమ గోదావరి జిల్లాలో విద్యుత్ సరఫరా తీవ్రంగా దెబ్బతింది. నాలుగు రోజులుగా కరెంట్ లేక ప్రజలు ఇబ్బందులు పడుతున్నారు. ఇన్వర్టర్ బ్యాటరీల ఛార్జింగ్ కోసం ఎలక్ట్రికల్ షాపుల వద్దకు వెళ్తుండగా, ఒక్కో బ్యాటరీకి రూ.100 నుంచి రూ.400 వరకు వసూలు చేస్తున్నారనే ఆరోపణలు వస్తున్నాయి.
- B Ravi Kumar
- Updated on: Oct 31, 2026
- 9:53 am
అప్పులు తీర్చాల్సిన అవసరం ఉండదని కన్నతల్లినే చంపేశాడు.. ఏలూరులో దారుణం!
ఆంధ్రప్రదేశ్‌లోని ఏలూరు శాంతినగర్‌లో 53 ఏళ్ల కొమ్ము సత్యవతి హత్యకు గురయ్యారు. తల్లి పేరుతో రుణాలు తీసుకుని, వాటి వాయిదాలు చెల్లించలేకపోవడంతో కుమారుడు సురేష్‌ ఈ ఘాతుకానికి పాల్పడినట్లు పోలీసులు పేర్కొన్నారు. కుమార్తె ఫిర్యాదుతో కేసు నమోదు చేసిన త్రీ టౌన్ పోలీసులు నిందితుడిని అదుపులోకి తీసుకుని దర్యాప్తు చేపట్టారు.
- B Ravi Kumar
- Updated on: Oct 27, 2026
- 11:13 am
భీమవరంలో మిస్టరీ చోరీలు.. పక్క ఫ్లాట్‌లో ఉంటూ బంగారం, వెండి దోచేసిన వ్యక్తి!
భీమవరం నర్సయ్య అగ్రహారంలోని శ్రీనిధి అపార్ట్‌మెంట్‌లో ఏడు ఫ్లాట్లలో వరుస చోరీలు కలకలం రేపాయి. తాళాలు పగలగొట్టకుండానే బంగారం, వెండి, నగదు మాయమవడంతో పోలీసులు దర్యాప్తు చేపట్టారు. చివరకు అదే అపార్ట్‌మెంట్‌లో నివసిస్తున్న మహ్మద్ బాషా నకిలీ తాళాలతో చోరీలకు పాల్పడినట్లు గుర్తించారు.
- B Ravi Kumar
- Updated on: Oct 26, 2026
- 4:00 pm
ద్వారకాతిరుమలలో అంగరంగ వైభవంగా చిన్న వెంకన్న తిరుకల్యాణ మహోత్సవం..
ఉమ్మడి పశ్చిమ గోదావరి జిల్లాలోని ప్రముఖ పుణ్యక్షేత్రమైన ద్వారకాతిరుమలలో చిన్న వెంకన్నగా విరాజిల్లుతున్న శ్రీ వేంకటేశ్వర స్వామివారి అశ్వీయుజ మాస తిరుకల్యాణ మహోత్సవం అత్యంత వైభవంగా, కనులపండువగా సాగింది. పద్మావతి, ఆండాళ్ అమ్మవార్లను స్వామివారు పరిణయమాడిన ఈ ఘట్టం భక్తులకు నేత్రపర్వంగా నిలిచింది. ఆలయ ఆవరం తూర్పు వైపున ప్రత్యేకంగా ఏర్పాటు చేసిన కల్యాణ వేదికను రంగురంగుల పచ్చిపూలతో అత్యంత మనోహరంగా అలంకరించారు.
- B Ravi Kumar
- Updated on: Oct 26, 2026
- 9:40 am
బొబ్బట్లు వేసిన మంత్రి సతీమణి.. నూజివీడులో కూటమి వినూత్న ప్రచారం!
నూజివీడు మున్సిపల్‌ ఎన్నికల ప్రచారంలో మంత్రి కొలుసు పార్థసారథి కుటుంబం ప్రత్యేకంగా ఆకట్టుకుంది. ఆయన సతీమణి కమలాలక్ష్మి, కుమారుడు నితిన్‌ కృష్ణ ఇంటింటి ప్రచారం నిర్వహిస్తూ ఓ స్వీట్‌ షాపు వద్దకు వెళ్లారు. అక్కడ కమలాలక్ష్మి స్వయంగా పెనంపై బొబ్బట్లు వేయడంతో స్థానికులు ఆసక్తిగా తిలకించారు. ఓటర్లతో మమేకమయ్యేందుకు మంత్రి కుటుంబం చేసిన ఈ ప్రయత్నం స్థానికంగా చర్చనీయాంశంగా మారింది.
- B Ravi Kumar
- Updated on: Oct 24, 2026
- 6:27 pm
MPTC Elections: ఒకే ఇంట్లో రెండు జెండాలు.. ఎన్నికల బరిలో తోటికోడళ్లు.. ఎక్కడంటే?
ఇంట్లో కలిసుండే తోటికోడళ్లు.. రాజకీయాల్లోకి వచ్చేసరికి పరస్పరం తలపడే ప్రత్యర్థులుగా మారితే ఎలా ఉంటుంది? సరిగ్గా అలాంటి రసవత్తర సమరానికే పశ్చిమ గోదావరి జిల్లా ఆచంట మండలం వేదికైంది. ఒకే ఇంటి తోటికోడళ్లు జనసేన, వైసీపీ తరఫున ఎన్నికల బరిలోకి దిగడం ఇప్పడు స్థానికంగా తీవ్ర చర్చనీయాంశంగా మారింది.
- B Ravi Kumar
- Updated on: Oct 26, 2026
- 3:27 pm
చిన్న తిరుపతి బ్రహ్మోత్సవాలు: ద్వారకాతిరుమల శ్రీవారి కళ్యాణం, రథోత్సవం షెడ్యూల్ ఇదే
Dwarka Tirumala Brahmotsavams: ద్వారకాతిరుమల చిన్న తిరుపతి క్షేత్రంలో అక్టోబర్ 21 నుండి 28 వరకు ఆశ్వయుజ మాస దివ్య బ్రహ్మోత్సవాలు వైభవంగా జరగనున్నాయి. అక్టోబర్ 25న శ్రీవారి కళ్యాణం, 26న రథోత్సవం ప్రధాన ఘట్టాలు. భక్తుల సౌకర్యార్థం అన్ని ఏర్పాట్లు పూర్తయ్యాయి. ఈ ప్రత్యేక ఉత్సవాల్లో స్వామివారు వివిధ అలంకారాల్లో దర్శనమిస్తారు. భక్తులు పెద్ద సంఖ్యలో తరలివచ్చి స్వామివారి కృపకు పాత్రులు కండి.
- B Ravi Kumar
- Updated on: Oct 20, 2026
- 9:00 am
అద్భుతం..! పోలవరం వద్ద సరికొత్త అందాలు.. స్వచ్ఛమైన నీలి వర్ణంలో మెరిసిపోతున్న గోదారమ్మ!
ప్రకృతి అందాలకు గోదావరి నది మరోసారి అద్దం పడుతోంది. కొన్ని నెలలుగా వరద ఉద్ధృతితో ఎరుపు, గోధుమ రంగుల్లో కనిపించిన గోదావరి జలాలు ఇప్పుడు స్పష్టమైన నీలి రంగులోకి మారాయి. ఎగువ ప్రాంతాల్లో వర్షాలు తగ్గుముఖం పట్టడం, వరద ప్రవాహం సద్దుమణగడంతో పోలవరం స్పిల్‌వే పరిసరాల్లో నదీ జలాలు సరికొత్త శోభను సంతరించుకున్నాయి. నది రూపంలో వచ్చిన ఈ మార్పు స్థానికులను, పర్యాటకులను ఆకట్టుకుంటోంది.
- B Ravi Kumar
- Updated on: Oct 19, 2026
- 1:37 pm
పోలవరంలో అంతర్జాతీయ నిపుణుల పర్యటన.. సాంకేతికత, నాణ్యత ప్రమాణాలపై ఏమన్నారంటే..
పోలవరం ప్రాజెక్టును పరిశీలించేందుకు వచ్చిన అంతర్జాతీయ నిపుణుల బృందం నాలుగు రోజుల పర్యటన ముగిసింది. ఈసీఆర్‌ఎఫ్‌ డ్యామ్‌, గ్యాప్‌-1, గ్యాప్‌-2 నిర్మాణ పనులను పరిశీలించిన నిపుణులు.. నిర్మాణ నాణ్యతపై సంతృప్తి వ్యక్తం చేశారు. వర్షాల ప్రభావం తక్కువగా ఉన్నందున పనుల వేగం పెంచాలని, నాణ్యతా పరీక్షల వివరాలను పక్కాగా నమోదు చేయాలని సూచించారు. వచ్చే ఏడాది మార్చిలో మరోసారి పోలవరాన్ని సందర్శించనున్నట్లు తెలిపారు.
- B Ravi Kumar
- Updated on: Oct 18, 2026
- 8:08 am
రూ.4 కోట్ల కరెన్సీ నోట్లతో వాసవీ మాత అలంకరణ.. భీమవరంలో ధనలక్ష్మి అవతారంలో అమ్మవారి దర్శనం!
శరన్నవరాత్రి ఉత్సవాల వేళ పశ్చిమగోదావరి జిల్లా భీమవరంలో భక్తి ప్రపత్తులు వెల్లివిరిశాయి. స్థానిక త్యాగరాజ భవనంలో జరుగుతున్న శ్రీ వాసవీ కన్యకా పరమేశ్వరి అమ్మవారి 59వ దసరా ఉత్సవాల్లో భాగంగా అమ్మవారు భక్తులకు కన్నులవిందుగా ‘ధనలక్ష్మి’ అవతారంలో దర్శనమిచ్చారు.ఏకంగా రూ. 4 కోట్ల కరెన్సీ నోట్లతో అమ్మవారిని అలంకరించడం భక్తులను విశేషంగా ఆకట్టుకుంటోంది.
- B Ravi Kumar
- Updated on: Oct 16, 2026
- 2:55 pm
పాత నాణేలు అమ్మాలనుకున్న వ్యాపారికి సైబర్ షాక్.. రూ.23 లక్షలు కొట్టేసిన కేటుగాళ్లు!
Old Coin Scam: సోషల్ మీడియా వేదికగా సామాన్యులే లక్ష్యంగా సైబర్ నేరాలు పెరుగుతున్నాయి. ఏలూరుకు చెందిన వ్యాపారి పాత నాణేలు విక్రయించాలనుకుని ఫేస్‌బుక్‌లో పోస్ట్ చేయగా, నకిలీ పోలీసు అధికారుల వీడియో కాల్స్ ద్వారా రూ. 23 లక్షలకు పైగా పోగొట్టుకున్నారు. నల్లధనం ఖాతాలోకి వచ్చిందని నమ్మించి టీడీఎస్ పేరుతో మోసం చేశారు. పాత వస్తువుల ఆన్‌లైన్ అమ్మకాలపై అత్యంత అప్రమత్తంగా ఉండాలి.
- B Ravi Kumar
- Updated on: Oct 16, 2026
- 9:59 am
