Karkataka Sankranti: త్వరలో కర్కాటక రాశిలోకి సూర్యుడు.. మొత్తం రాశులపై ఎలాంటి ప్రభావం చూపించనున్నదంటే

కర్కాటక రాశిలో సూర్యుని సంచారాన్ని కర్కాటక సంక్రాంతి అని పిలుస్తారు. ఇది జ్యోతిషశాస్త్ర దృక్కోణంలో చాలా ముఖ్యమైనది. సూర్యుడిని ఆత్మ, తండ్రి, గౌరవం, స్థానం, ప్రభుత్వ విధులకు కారకంగా పరిగణిస్తారు. కర్కాటక రాశి చంద్రునిచే పాలించబడుతుంది. చంద్రుడు భావోద్వేగాలు, మాతృత్వం, ఇల్లు, కుటుంబాన్ని సూచిస్తుంది. అటువంటి పరిస్థితిలో సూర్యుడు, చంద్రుని లక్షణాల కలయిక ప్రతి ఒక్కరి జీవితంలోని వివిధ అంశాలను ప్రభావితం చేస్తుంది.

పంచాంగం ప్రకారం జూలై 16వ తేదీ అంటే బుధవారం సూర్య దేవుడు కర్కాటక రాశిలో అడుగు పెట్టనున్నాడు. ఈ రోజు సూర్యుని సంచారం ఉదయం 05:40 గంటలకు జరుగుతుంది. అటువంటి పరిస్థితిలో కర్కాటక సంక్రాంతి పండుగ జూలై 16, 2025న జరుపుకుంటారు. జ్యోతిషశాస్త్రం ప్రకారం, కర్కాటక రాశి సంక్రాంతి 12 రాశుల వారిపై వేర్వేరు ప్రభావాలను చూపుతుంది. కర్కాటక సంక్రాంతి ఏ రాశిపై ఎలాంటి ప్రభావం చూపుతుందో ఈ రోజు తెలుసుకుందాం..

1. మేషరాశి: మేష రాశి వారికి సూర్యుని ఈ సంచారము నాల్గవ ఇంట్లో జరుగుతుంది. ఇది ఆనందం, తల్లి, భూమి , ఆస్తికి నిలయం. ఈ సమయంలో ఈ రాశికి చెందిన వ్యక్తులు గృహ జీవితంలో కొన్ని మార్పులను చూడవచ్చు. మీ తల్లి ఆరోగ్యాన్ని జాగ్రత్తగా చూసుకోండి. ఆస్తికి సంబంధించిన విషయాలలో జాగ్రత్తగా ఉండండి.
2. వృషభ రాశి: వృషభ రాశి వారి సూర్యుని సంచారము మూడవ ఇంట్లో ఉంటుంది. ఇది శౌర్యం, తమ్ముళ్లు , కమ్యూనికేషన్ కి సంబంధించిన ఇల్లు. ఈ కాలంలో కమ్యూనికేషన్ నైపుణ్యాలు పెరగవచ్చు. తోబుట్టువులతో సంబంధాలు బలపడతాయి. ప్రయాణించే అవకాశాలు ఉండవచ్చు.
3. మిథున రాశి: మిథున రాశి వారికి సూర్యుని సంచారము రెండవ ఇంట్లో జరుగుతుంది, ఇది సంపద, వాక్కు, కుటుంబానికి నిలయం. ఈ సమయంలో ఆర్థిక విషయాలలో జాగ్రత్తగా ఉండాలి. మాటలను నియంత్రించుకోవాలి. లేకుంటే కుటుంబంలో విభేదాలు ఉండవచ్చు.
4. కర్కాటక రాశి: కర్కాటక రాశి వారికి సూర్యుని సంచారము సొంత రాశి (మొదటి ఇల్లు) లో జరుగుతుంది. ఇది వ్యక్తిత్వం, ఆరోగ్యానికి నిలయం. ఈ కాలంలో వీరి ఆత్మవిశ్వాసం పెరుగుతుంది. అయితే ఆరోగ్యం పట్ల జాగ్రత్తగా ఉండాలి. ముఖ్యంగా కళ్ళు, తలకు సంబంధించిన సమస్యల పట్ల జాగ్రత్త వహించండి.
5. సింహ రాశి: సింహ రాశి వారికి సూర్యుని సంచారము పన్నెండవ ఇంట్లో జరుగుతుంది. ఇది ఖర్చు, నష్టం , విదేశీ ప్రయాణాలకు నిలయం. ఈ సమయంలో వీరు ఖర్చులను నియంత్రించుకోవాలి. విదేశీ ప్రయాణాలు చేసే అవకాశం ఉండవచ్చు.. అయితే జాగ్రత్తగా ఉండండి.
6. కన్య రాశి: కన్య రాశి వారికి, సూర్యుని సంచారము పదకొండవ ఇంట్లో జరుగుతుంది. ఇది ఆదాయం, లాభం, అన్నదమ్ముల ఇల్లు. ఈ కాలంలో ఆదాయం పెరిగే అవకాశాలు ఉన్నాయి. సామాజిక రంగంలో చురుకుగా ఉంటారు. కొత్త సంబంధాలు ఏర్పడతాయి.
7. తులా రాశి: తులా రాశి వారికి సూర్యుని సంచారము పదవ ఇంట్లో జరుగుతుంది, ఇది వృత్తి, తండ్రి, గౌరవ నిలయం. ఈ సమయంలో కార్యాలయంలో విజయం పొందవచ్చు. తండ్రితో సంబంధాలు మెరుగుపడతాయి. వీరికి ప్రమోషన్ లేదా కొత్త అవకాశాలు లభించవచ్చు.
8. వృశ్చిక రాశి: వృశ్చిక రాశి వారికి సూర్యుని సంచారము తొమ్మిదవ ఇంట్లో జరుగుతుంది. ఇది అదృష్టం, ఆధ్యాత్మికత, ఉన్నత విద్యకు నిలయం. ఈ కాలంలో అదృష్టం మద్దతు లభిస్తుంది. ఆధ్యాత్మిక కార్యకలాపాలపై ఆసక్తి పెరుగుతుంది. ఉన్నత విద్యకు అవకాశాలు పొందవచ్చు.
9. ధనుస్సు రాశి: ధనుస్సు రాశి వారికి సూర్యుని సంచారము ఎనిమిదవ ఇంట్లో ఉంటుంది. ఇది యుగానికి, పరిశోధనకు , ఆకస్మిక లాభాలకు నిలయం. ఈ సమయంలో ఆరోగ్యం పట్ల ప్రత్యేక శ్రద్ధ వహించాల్సి ఉంటుంది. ఆకస్మిక ధన లాభాలు పొందే అవకాశాలు ఉండవచ్చు.
10. మకరరాశి: మకర రాశి వారికి సూర్యుని సంచారము ఏడవ ఇంట్లో జరుగుతుంది, ఇది వివాహం, భాగస్వామ్యం,ప్రజా సంబంధాల నిలయం. ఈ కాలంలో వైవాహిక జీవితంలో కొన్ని సవాళ్లు ఏర్పడవచ్చు. భాగస్వామ్య వ్యాపారంలో జాగ్రత్తగా ఉండండి.
11. కుంభ రాశి: కుంభ రాశి వారికి సూర్యుని సంచారము ఆరవ ఇంట్లో జరుగుతుంది. ఇది వ్యాధి, శత్రువులు , అప్పుల నివాసం. ఈ సమయంలో ఆరోగ్యాన్ని జాగ్రత్తగా చూసుకోవాలి. శత్రువులపై విజయం సాధిస్తారు. అప్పుల నుంచి బయపడే అవకాశం ఉంది.
12. మీన రాశి: మీన రాశి వారికి సూర్యుని సంచారము ఐదవ ఇంట్లో ఉంటుంది. ఇది పిల్లలు, విద్య, ప్రేమ సంబంధాలకు నిలయం. ఈ కాలంలో పిల్లలకు సంబంధించిన శుభవార్తలను పొందవచ్చు. విద్యా రంగంలో విజయం సాధిస్తారు. ప్రేమ సంబంధాలు మరింత మధురంగా ​​మారతాయి.

ఇవి కూడా చదవండి

ఇంద్రకీలాద్రిపై శాకాంబరీ ఉత్సవాలు.. 3 రోజులు వీఐపీ దర్శనాలు రద్దు

ఏ గ్రహం ఏ రాశిలో ఎన్ని రోజులు ఉంటుందో తెలుసా..

కృష్ణుడు గీతోపదేశాన్ని అర్జునుడితో పాటు ఎవరు విన్నారంటే..

స్త్రీలు వెండిపట్టీలు ధరించే సాంపదాయం వెనుక ..సైంటిఫిక్ రీజన్

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.