Horoscope Today: ఆ రాశి నిరుద్యోగులకు ఆశించిన శుభవార్త అందుతుంది..

దిన ఫలాలు (జూలై 9, 2025): మేష రాశి వారు ఏ పని తలపెట్టినా సంతృప్తికరంగా పూర్తయ్యే అవకాశముంది. వృషభ రాశి వారు కొందరు మిత్రుల వల్ల ఆర్థికంగా నష్టపోయే అవకాశం ఉంది. మిథున రాశి వారి వ్యక్తిగత సమస్యలకు పరిష్కారం లభించే అవకాశముంది. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

గ్రహ బలం బాగా అనుకూలంగా ఉంది. ఏ పని తలపెట్టినా సంతృప్తికరంగా పూర్తవుతుంది. ఆదాయానికి లోటుండదు. ఆర్థిక పరిస్థితి ఇతరులకు సహాయం చేయగల స్థితిలో ఉంటుంది. ఒకటి రెండు వ్యక్తిగత సమస్యలకు పరిష్కారం లభిస్తుంది. సొంత పనుల మీద శ్రద్ధ పెట్టడం మంచిది. ఆస్తి వివాదం నుంచి బయటపడే అవకాశం ఉంది. వృత్తి, ఉద్యోగాల్లో మీ సలహాలు, సూచనలకు విలువ ఉంటుంది. వ్యాపారాలు లాభదాయకంగా పురోగమిస్తాయి. ఆరోగ్యానికి ఇబ్బందేమీ ఉండదు.

వృషభం (కృత్తిక 2,3,4, రోహిణి, మృగశిర 1,2)

ఆర్థిక పరిస్థితి నిలకడగా ఉంటుంది కానీ, కుటుంబ ఖర్చులు బాగా పెరిగే సూచనలున్నాయి. ఇంటా బయటా కొద్దిగా ఒత్తిడి ఉంటుంది. ఆర్థిక వ్యవహారాల్లో కొన్ని ఇబ్బందికర పరిస్థితులు తలెత్తుతాయి. కొందరు మిత్రుల వల్ల ఆర్థికంగా నష్టపోయే అవకాశం ఉంది. ముఖ్యమైన వ్యవహారాలను కొద్ది శ్రమతో పూర్తి చేస్తారు. వ్యక్తిగత సమస్యల నుంచి విముక్తి లభిస్తుంది. ఉద్యోగాలు సాఫీగా సాగిపోతాయి. అధికారుల నమ్మకాన్ని చూరగొంటారు. వృత్తి, వ్యాపారాల్లో లాభాలు పెరుగుతాయి.

మిథునం (మృగశిర 3,4, ఆర్ద్ర, పునర్వసు 1,2,3)

అనుకున్న పనులు అనుకున్నట్టు పూర్తవుతాయి. వ్యక్తిగత సమస్యలకు పరిష్కారం లభిస్తుంది. వృత్తి, ఉద్యోగాలలో అనుకున్నది సాధిస్తారు. వ్యాపారాలు లాభదాయకంగా సాగిపోతాయి. ఇంటా బయటా మీ మాట చెల్లుబాటవుతుంది. ఆదాయం బాగానే వృద్ధి చెందుతుంది. ఆహార, విహారాల్లో జాగ్రత్తగా ఉండడం మంచిది. ప్రయాణాలు లాభిస్తాయి. నిరుద్యోగులకు మంచి ఆఫర్లు అందుతాయి. ఆధ్యాత్మిక సేవా కార్యక్రమాల్లో పాల్గొంటారు. పిల్లలు తేలికగా ఘన విజయాలు సాధిస్తారు.

కర్కాటకం (పునర్వసు 4, పుష్యమి, ఆశ్లేష)

ఇంటా బయటా అనుకూలతలు పెరుగుతాయి. ఎటువంటి ప్రయత్నం తలపెట్టినా విజయవంతం అవుతుంది. ప్రముఖులతో సాన్నిహిత్యం పెరుగుతుంది. వృత్తి, ఉద్యోగాల్లో శుభ వార్తలు వింటారు. వ్యాపారాలు లాభాల బాటపడతాయి. నిరుద్యోగులకు కొత్త ఆఫర్లు అందుతాయి. సద్వినియోగం చేసుకోవడం మంచిది. ఆస్తి, ఆర్థిక వ్యవహారాలు సానుకూలంగా సాగిపోతాయి. ఆర్థిక పరిస్థితి మెరుగ్గా ఉంటుంది. ఆరోగ్యం బాగానే ఉంటుంది. పిల్లలు కొద్ది శ్రమతో మంచి ఫలితాలు సాధిస్తారు.

సింహం (మఖ, పుబ్బ, ఉత్తర 1)

ఆర్థిక విషయాలకు సమయం బాగా అనుకూలంగా ఉంది. పనులు, ప్రయత్నాల్లో తప్పకుండా విజయం సాధిస్తారు. వృత్తి, ఉద్యోగాల్లో పని భారం బాగా పెరుగుతుంది. అధికారుల నుంచి ప్రోత్సాహకాలు లభిస్తాయి. వ్యాపారాల్లో శ్రమాధిక్యత ఉన్నా లాభాలకు లోటుండదు. కొందరు బంధు మిత్రులకు సహాయం చేస్తారు. జీవిత భాగస్వామితో వస్త్రాభరణాలు కొనుగోలు చేస్తారు. ఆరోగ్యం అనుకూలంగా ఉంటుంది. కుటుంబ జీవితం సాఫీగా సాగిపోతుంది. విద్యార్థులకు శ్రమ తప్పదు.

కన్య (ఉత్తర 2,3,4, హస్త, చిత్త 1,2)

రోజంతా సానుకూలంగా, ఆశాజనకంగా సాగిపోతుంది. ముఖ్యంగా ఆర్థిక పరిస్థితులు, ఆదాయ ప్రయత్నాలు ప్రోత్సాహకరంగా, సంతృప్తికరంగా ఉంటాయి. ఇంటా బయటా కొద్దిగా శ్రమ, ఒత్తిడి తప్పకపోవచ్చు. ముఖ్యమైన పనులు, వ్యవహారాల్లో వ్యయ ప్రయాసలు ఉంటాయి. ఆరోగ్యానికి ఇబ్బందేమీ ఉండదు. ఉద్యోగ ప్రయత్నాలు ఒక కొలిక్కి వస్తాయి. రావలసిన డబ్బు చేతికి అందుతుంది. వృత్తి, ఉద్యోగ, వ్యాపారాలు సాఫీగా, హ్యాపీగా సాగిపోతాయి. పిల్లలు బాగా వృద్ధిలోకి వస్తారు.

తుల (చిత్త 3,4, స్వాతి, విశాఖ 1,2,3)

ఆదాయానికి, ఆరోగ్యానికి ఇబ్బందేమీ ఉండదు. ఆదాయ మార్గాలు విస్తరిస్తాయి. కుటుంబ జీవితం ప్రశాంతంగా, సానుకూలంగా గడిచిపోతుంది. ప్రణాళికాబద్ధంగా వ్యవహరించి ముఖ్యమైన పనులు, వ్యవహారాలను పూర్తి చేస్తారు. ఉద్యోగంలో సమయం అనుకూలంగా ఉంది. వృత్తి, ఉద్యోగాల్లో అధికారుల నుంచి శుభవార్తలు అందుతాయి. వ్యాపారాలలో కొద్దిపాటి మార్పులు చేపట్టి లబ్ధి పొందుతారు. ఉద్యోగ ప్రయత్నాలు సఫలమవుతాయి. పిల్లలు చదువుల్లో బాగా రాణిస్తారు.

వృశ్చికం (విఖాఖ 4, అనూరాధ, జ్యేష్ట)

ఇంటా బయటా బాగా ఒత్తిడి ఉంటుంది. కొందరు బంధుమిత్రులు బాగా ఉపయోగించుకుంటారు. సొంత పనుల మీద దృష్టి పెట్టడం మంచిది. ఉద్యోగంలో అధికారుల నుంచి కొద్దిగా ఒత్తిడి ఉండవచ్చు. పనిభారం బాగా పెరిగే అవకాశం ఉంది. వృత్తి, వ్యాపారాలు నిలకడగా సాగిపోతాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. ఆదాయం పరిస్థితి నిలకడగా ఉంటుంది. కుటుంబ జీవితం సాఫీగా సాగిపోతుంది. పిల్లలు మరింతగా శ్రద్ధ పెంచాల్సి ఉంటుంది.

ధనుస్సు (మూల, పూర్వాషాఢ, ఉత్తరాషాఢ 1)

ఎదురు చూస్తున్న శుభవార్తలు వింటారు. ఉద్యోగంలో పదోన్నతికి, జీతాల పెరుగుదలకు అవకాశం ఉంది. వృత్తి, వ్యాపారాల్ని విస్తరించడానికి ప్రయత్నాలు ప్రారంభిస్తారు. కుటుంబంలో శుభ పరిణామాలు చోటు చేసుకుంటాయి. అనేక విధాలుగా ఆదాయం పెరుగుతుంది. షేర్లు, స్పెక్యులేషన్ల వంటివి బాగా లాభిస్తాయి. ఆర్థిక, ఆస్తి వ్యవహారాలు సానుకూలంగా సాగిపోతాయి. ఇతరులకు సహాయం చేయగల స్థితిలో ఉంటారు. విద్యార్థులు తక్కువ శ్రమతో విజయాలు సాధిస్తారు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఆర్థిక విషయాలు సాదా సీదాగా సాగిపోతాయి. ఆదాయానికి తగ్గ ఖర్చులుంటాయి. ఇంటా బయటా కొద్దిగా పనుల ఒత్తిడి ఉంటుంది. ఆస్తి వివాదాన్ని పట్టుదలగా పరిష్కరించుకుంటారు. కొందరు బంధువులకు సహాయం చేయడం జరుగుతుంది. మిత్రుల సహాయంతో పెండింగ్ పనుల్ని పూర్తి చేస్తారు. ఒకటి రెండు వ్యక్తిగత సమస్యలు పరిష్కారమవుతాయి. వృత్తి, ఉద్యోగాల్లో ప్రాధాన్యం పెరుగుతుంది. వ్యాపారాలు లాభసాటిగా సాగిపోతాయి. విద్యార్థులు శ్రమపడాల్సి ఉంటుంది.

కుంభం (ధనిష్ట 3,4, శతభిషం, పూర్వాభాద్ర 1,2,3)

ఆర్థిక వ్యవహారాల్లో ఆచితూచి వ్యవహరించాల్సి ఉంటుంది. ఆదాయంలో కొద్దిపాటి పెరుగుదలకు అవకాశం ఉంది. ముఖ్యమైన పనులు, వ్యవహారాలు కొద్దిగా నిదానంగా పూర్తవుతాయి. మిత్రుల వల్ల ఆర్థికంగా నష్టపోయే అవకాశం ఉంది. ఆరోగ్యం బాగానే ఉంటుంది. వృత్తి, ఉద్యోగాల్లో అధికారులకు బాగా ఉపయోగపడతారు. వ్యాపారాలు పరవాలేదనిపిస్తాయి. ఇరుగు పొరుగుతో వివాదాలు తలెత్తుతాయి. కుటుంబ జీవితం హ్యాపీగా సాగిపోతుంది. విద్యార్థులకు సమయం బాగానే ఉంది.

మీనం (పూర్వాభాద్ర 4, ఉత్తరాభాద్ర, రేవతి)

ముఖ్యమైన ప్రయత్నాలు సంతృప్తికరంగా నెరవేరుతాయి. అనుకున్న పనులు అనుకున్నట్టు పూర్తవుతాయి. వృత్తి, ఉద్యోగాల్లో ఒత్తిడి బాగా తగ్గుతుంది. వ్యాపారాల్లో లాభాలు పెరుగుతాయి. ఆదాయం కొద్దిగా వృద్ధి చెందుతుంది. నిరుద్యోగులకు ఆశించిన శుభవార్త అందుతుంది. పెళ్లి ప్రయత్నాలు ఒక కొలిక్కి వస్తాయి. ఆర్థిక విషయాల్లో ఎవరికీ వాగ్దానాలు చేయకపోవడం మంచిది. కుటుంబంతో కలిసి ఇష్టమైన ఆలయాలు సందర్శిస్తారు. విద్యార్థులు కష్టపడాల్సి ఉంటుంది.