Horoscope Today: ఏ రాశివారు స్త్రీ విషయంలో జాగ్రత్తగా ఉండాలి.. ఈరోజు రాశిఫలాలు ఎలా ఉన్నాయంటే..
Horoscope Today (September 28th 2021): చాలామంది రోజులో ఏ పని మొదలు పెట్టాలన్నా .. ఈరోజు మన జాతకం ఎలా ఉంది అని ఆలోచిస్తారు. ఎవరు ఏ పని చేయాలన్నా ఏ పనిని మొదలు పెట్టాలన్నా..
Horoscope Today (September 28th 2021): చాలామంది రోజులో ఏ పని మొదలు పెట్టాలన్నా .. ఈరోజు మన జాతకం ఎలా ఉంది అని ఆలోచిస్తారు. ఎవరు ఏ పని చేయాలన్నా ఏ పనిని మొదలు పెట్టాలన్నా జాతకాలు, రాశిఫలాల ఆధారంగా చేసేవారు.. జాతకాలను విశ్వసించేవారు చాలామంది ఉన్నారు. అంతేకాదు తాము పనిని మొదలుపెట్టే ముందు కొంతమంది తమ దినఫలాలపై దృష్టి సారిస్తుంటారు. ఈ నేపథ్యంలో ఈరోజు (సెప్టెంబర్ 28వ తేదీ )మంగళవారం రాశి ఫలాలు ఎలా ఉన్నాయో.. తెలుసుకుందాం..!
మేష రాశి: ఈ రాశివారికి కొత్తపనులను చేపట్టే అవకాశం ఉంది. నూతన వస్తు, ఆభరణాలు కొనుగోలు చేస్తారు. సంఘంలో మంచి గౌరవమర్యాదలు దక్కుతాయి. శుభవార్త వింటారు. ఆర్ధిక ఇబ్బందులు లేకుండా సాఫీగా సాగుతుంది.
వృషభ రాశి:ఈ రాశివారు కుటుంబ సభ్యులతో సంతోషంగా కాలం గడుపుతారు. బంధుమిత్రులతో విరోధం ఏర్పడకుండా జాగ్రత్త పడడంమంచిది. ఋణప్రయత్నాలు చేస్తారు. అనారోగ్యబారిన పడే అవకాశం ఉంది. ఓర్పుకి కలిగి ఉండాలి.
మిధున రాశి:ఈరాశివారికి ఈరోజు పరిస్థితులను మీ అదుపులో ఉంచుకోవాల్సిన అవసరం ఉంది. కుటుంబంలో చిన్న చిన్న తగువులు ఏర్పడే అవకాశం ఉంది. ప్రయాణ సమయంలో అప్రమత్తత అవసరం. ఆర్ధిక ఇబ్బందులను అధిగమించడానికి అప్పు చేసే అవకాశం ఉంది.
కర్కాటక రాశి: ఈ రాశివారికి చేపట్టిన పనుల్లో విజయం సాధిస్తారు. శుభకార్య ప్రయత్నాలు ఫలిస్తాయి. బంధుమిత్రులను కలుస్తారు. రాజకీయ రంగాల్లోని వారికీ అనుకూలంగా ఉంటుంది. సంఘంలో మంచి గౌరవ మర్యాదలు లభిస్తాయి. శుభవార్తలు వింటారు.
సింహ రాశి: ఈరాశివారు ఈరోజు కుటుంబ విషయాలపై అనాసక్తితో ఉంటారు. చేపట్టిన పనులు ఆలస్యంగా నెరవేరతాయి. కొన్ని పనులను రేపటికి వాయిదా వేసుకోవడం మంచిది. స్త్రీల విషయంలో తగు జాగ్రత్తగా ఉండాలి.
కన్య రాశి: ఈ రాశివారు ఈరోజు వ్యాపారంలో విశేష లాభాలను ఆర్జిస్తారు. ఆకస్మిక ధన లాభం ఉంటుంది. బంధుమిత్రులతో సహాయ సహకారాలు ఉంటాయి. నూతన వస్తు, ఆభరణాలను కొనుగోలు చేస్తారు. మొత్తానికి ఈరోజు సంతోషంగా గడుపుతారు.
తులా రాశి: ఈ రాశివారికి ఈరోజు మానసిక ఆందోళన నుంచి విముక్తి లభిస్తుంది. ఆరోగ్య విషయంలో తగిన జాగ్రత్తలు తీసుకోవాలి. ప్రయాణ సమయంలో మెలకువ అవసరం. విదేశీయాన ప్రయత్నాలు ఆలస్యమవుతాయి.
వృశ్చిక రాశి: ఈ రాశివారు ఈరోజు నూతన వస్తు , ఆభరణాలు కొనుగోలు చేస్తారు. చేపట్టిన పనులు విజయవంతంగా పూర్తి చేస్తారు. సంపూర్ణ ఆరోగ్యంగా ఉంటారు. కుటుంబ సభ్యులతో సంతోషంగా గడుపుతారు. ఆకస్మిక ధనలాభం ఉంది. శుభవార్త వింటారు.
ధనుస్సు రాశి:ఈరోజు ఈ రాశి వారు చేపట్టిన పనులకు ఆటంకాలు ఏర్పడతాయి. వృత్తిరీత్యా తగు జాగ్రత్తలు తీసుకోవాలి. వృధా ప్రయాణాలు చేస్తారు. దీంతో శారీరకంగా అలసటకు గురవుతారు. ఆర్ధిక ఇబ్బందులు ఎదుర్కొంటారు. అందరితో స్నేహంగా మెలగడం మంచిది.
మకర రాశి: ఈరోజు ఈ రాశి వారికి స్త్రీ వలన లాభం పొందుతారు. పేరు ప్రతిష్టలు లభిస్తాయి. అనారోగ్య బాధలను అధిగమిస్తారు. కుటుంబ సౌఖ్యం సంపూర్ణంగా ఉంటుంది. ఆకస్మిక ధనలాభం కలుగుతుంది.
కుంభ రాశి: ఈరాశి వారు ఈరోజు చేపట్టిన పనుల్లో విజయవంతంగా పూర్తి చేస్తారు. దైవ దర్శనం చేసుకుంటారు. నూతన వస్తు, వస్త్ర, ఆభరణాలు కొనుగోలు చేస్తారు.మీ మంచిపనులు ఇతరులు ఆదర్శంగా తీసుకుంటారు. స్థిరాస్థులకు సంబంధించిన పనులు పూర్తి చేసుకుంటారు.
మీన రాశి: ఈ రాశివారు ఈరోజు చేపట్టినటువంటి ఋణప్రయత్నాలు ఫలిస్తాయి. బంధుమిత్రులతో వైరం ఏర్పడకుండా తగిన జాగ్రత్తలు తీసుకోవడం మంచిది. కుటుంబంలో అనారోగ్య బాధలు ఉంటాయి. చేసే పనుల్లో కొన్ని ఇబ్బందులు ఏర్పడతాయి.
