Rashi Phalalu: వారి ఆర్థిక పరిస్థితి మెరుగ్గా ఉంటుంది.. 12 రాశుల వారికి రాశిఫలాలు
Today Horoscope (October 30, 2025): మేష రాశి వారికి ఆదాయం బాగా వృద్ధి చెందుతుంది. అనవసర ఖర్చులు బాగా తగ్గే సూచనలున్నాయి. వృషభ రాశి వారికి ఇష్టపడిన వ్యక్తితో పెళ్లి సంబంధం కుదురుతుంది. ఉద్యోగ ప్రయత్నాలకు ఆశించిన సానుకూల స్పందన లభిస్తుంది. మిథున రాశి వారికి వృత్తి, ఉద్యోగాల్లో అనుకూలతలు పెరుగుతాయి. అధికారుల నుంచి ఆదరణ లభిస్తుంది. మేష రాశి మొదలు మీన రాశి వరకు 12 రాశుల వారికి గురువారంనాటి రాశిఫలాలు ఎలా ఉన్నాయంటే..?
Updated on: Oct 30, 2025 | 7:52 PM
దిన ఫలాలు (అక్టోబర్ 30, 2025): మేషం (అశ్విని, భరణి, కృత్తిక 1): ఆదాయం బాగా వృద్ధి చెందుతుంది. అనవసర ఖర్చులు బాగా తగ్గే సూచనలున్నాయి. ఆరోగ్యం నిలకడగా ఉంటుంది. ముఖ్యమైన పనుల్ని సకాలంలో పూర్తి చేస్తారు. ఉద్యోగంలో ఇతరుల బాధ్యతల్ని కూడా నిర్వర్తించాల్సి వస్తుంది. వ్యాపారాల్లో అంచనాలకు మించి లాభాలు పెరుగుతాయి. వృత్తి జీవితం బిజీగా సాగిపోతుంది. ఉద్యోగ, పెళ్లి ప్రయత్నాల్లో శుభవార్తలు వింటారు. కుటుంబ బాధ్యతల భారం ఎక్కువగా ఉంటుంది. ఆర్థిక లావాదేవీలకు కాస్తంత దూరంగా ఉండడం మంచిది.
వృషభం (కృత్తిక 2,3,4, రోహిణి, మృగశిర 1,2): వృత్తి, ఉద్యోగాల్లో మీ పనితీరు అధికారులకు బాగా నచ్చుతుంది. వ్యాపారాలు ప్రోత్సాహకరంగా, ఆశాజనకంగా ఉంటాయి. ఇష్టపడిన వ్యక్తితో పెళ్లి సంబంధం కుదురుతుంది. ఉద్యోగ ప్రయత్నాలకు ఆశించిన సానుకూల స్పందన లభిస్తుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. ప్రముఖులతో పరిచయాలు పెరుగుతాయి. అనేక విధాలుగా ఆదాయం వృద్ధి చెందుతుంది. ఆకస్మిక ధన లాభానికి అవకాశం ఉంది. కుటుంబ జీవితం సానుకూలంగా సాగుతుంది.
మిథునం (మృగశిర 3,4, ఆర్ద్ర, పునర్వసు 1,2,3): వృత్తి, ఉద్యోగాల్లో అనుకూలతలు పెరుగుతాయి. అధికారుల నుంచి ఆదరణ లభిస్తుంది. వ్యాపారాలు లాభసాటిగా సాగిపోతాయి. కొన్ని ముఖ్యమైన పనుల విషయంలో తొందరపాటుతనంతో వ్యవహరించే అవకాశం ఉంది. ఇంటా బయటా కాస్తంత ఒత్తిడి ఉండవచ్చు. ఆస్తి వ్యవహారాలు ఒక కొలిక్కి వస్తాయి. ప్రముఖులతో పరిచయాలు పెరుగుతాయి. ఆశించిన స్థాయిలో ఆదాయ వృద్ధి ఉంటుంది. కుటుంబ పరిస్థితులు చక్కబడతాయి. జీవిత భాగస్వామితో అన్యోన్యత పెరుగుతుంది.
కర్కాటకం (పునర్వసు 4, పుష్యమి, ఆశ్లేష): వృత్తి, ఉద్యోగాల్లో పని భారం కాస్తంత ఎక్కువగానే ఉంటుంది. వ్యాపారాల్లో నష్టాలు బాగా తగ్గే అవకాశం ఉంది. అదనపు ఆదాయ ప్రయత్నాలు ఆశించిన ఫలితాలనిస్తాయి. ఇంటా బయటా మీ సలహాలు, సూచనలకు విలువ పెరుగుతుంది. పిల్లల నుంచి శుభవార్తలు వింటారు. కొందరు బంధువుల నుంచి శుభవార్తలు వింటారు. పెండింగ్ పనులను పూర్తి చేస్తారు. ఇతరులకు సంబంధించిన బాధ్యతల్ని మీరు నిర్వర్తించకపోవడం మంచిది. ఆరోగ్యం బాగా అనుకూలంగా ఉంటుంది.
సింహం (మఖ, పుబ్బ, ఉత్తర 1): ఉద్యోగంలో మీ పనితీరు అధికారులకు బాగా నచ్చుతుంది. శ్రమ, సమర్థత వెలుగులోకి వస్తాయి. వృత్తి, వ్యాపారాలు కొద్ది లాభాలతో ముందుకు సాగుతాయి. ఇంటా బయటా అనుకూలతలు పెరుగుతాయి. ముఖ్యమైన వ్యవహారాల్లో కొద్దిగా శ్రమ, తిప్పట తప్పక పోవచ్చు. కొందరు మిత్రుల సహాయంతో ఒకటి రెండు వ్యక్తిగత సమస్యలు పరిష్కారం అవుతాయి. కుటుంబ వ్యవహారాలను చాలావరకు చక్కబెడతారు. ఆరోగ్యం నిలకడగా ఉంటుంది. ఆదాయం కొద్దిగా వృద్ధి చెందుతుంది.
కన్య (ఉత్తర 2,3,4, హస్త, చిత్త 1,2): వృత్తి, ఉద్యోగాల్లో సానుకూల మార్పులు చోటు చేసుకుంటాయి. అధికారులతో బాధ్యతల్ని పంచుకోవడం జరుగుతుంది. వ్యాపారాల మీద మరింతగా శ్రద్ధ పెంచడం మంచిది. కొందరు మిత్రుల వల్ల ఆర్థికంగా నష్టపోయే అవకాశం ఉంది. ఎవరినీ గుడ్డిగా నమ్మడం మంచిది కాదు. ఆరోగ్యం మీద శ్రద్ధ పెట్టాల్సిన అవసరం ఉంది. కొన్ని పనుల్ని పూర్తి చేయడంలో శ్రమాధిక్యత పెరుగుతుంది. ఆర్థిక వ్యవహారాలు ఆశాజనకంగా ముందుకు సాగుతాయి. కుటుంబ జీవితం ప్రశాంతంగా సాగిపోతుంది.
తుల (చిత్త 3,4, స్వాతి, విశాఖ 1,2,3): ఉద్యోగంలో అధికారులు ప్రత్యేక బాధ్యతలతో ప్రోత్సహించే అవకాశం ఉంది. వృత్తి, వ్యాపారాల్లో అంచనాలకు తగ్గ రాబడి ఉంటుంది. ఆదాయం బాగా వృద్ధి చెందుతుంది. కొందరు చిన్ననాటి మిత్రులతో సరదాగా గడుపుతారు. మంచి పరిచయాలు ఏర్పడతాయి. తలపెట్టిన పనులు సజావుగా పూర్తవుతాయి. ఆర్థిక పరిస్థితి బాగా అనుకూలంగా ఉంటుంది. ఇతరులకు మేలు జరిగే పనులు చేస్తారు. ఒకరిద్దరు బంధువుల్ని ఆదుకోవడం జరుగుతుంది. ఆరోగ్యం మెరుగుపడుతుంది.
వృశ్చికం (విశాఖ 4, అనూరాధ, జ్యేష్ట): ఉద్యోగ జీవితం సాఫీగా, సానుకూలంగా సాగిపోతుంది. వృత్తి, వ్యాపారాల్లో శ్రమాధిక్యత ఉండే అవకాశం ఉంది. ఇంటా బయటా అనుకూలతలు పెరుగుతాయి. అవసరానికి తగ్గట్టుగా డబ్బు అందుతుంది. మిత్రుల సహాయంతో ముఖ్యమైన వ్యవహారాలు పూర్తవుతాయి. స్వల్ప అనారోగ్యానికి అవకాశం ఉంది. కుటుంబ సభ్యులతో కలిసి ఇష్టమైన ఆలయాలు సందర్శిస్తారు. కొందరు మిత్రులకు ఆర్థికంగా సహాయం చేయాల్సి వస్తుంది. ధనపరంగా ఎవరినీ గుడ్డిగా నమ్మకపోవడం మంచిది.
ధనుస్సు (మూల, పూర్వాషాఢ, ఉత్తరాషాఢ 1): వృత్తి, ఉద్యోగాల్లో మీ సలహాలు, సూచనలకు విలువ పెరుగుతుంది. వ్యాపారాల్లో లాభాలు బాగా పెరుగుతాయి. ఆదాయానికి లోటుండకపోవచ్చు. బంధుమిత్రులకు బాగా సహాయపడతారు. పలుకుబడి పెరుగుతుంది. ఉద్యోగంలో ఒకటి రెండు శుభవార్తలు వింటారు. ముఖ్యమైన వ్యవహారాలు తేలికగా పూర్తవుతాయి. ఆర్థిక, ఆస్తి వ్యవహారాలు చాలావరకు చక్కబడతాయి. ఉన్నతస్థాయి వ్యక్తులతో పరిచయాలు పెరుగుతాయి. ఆర్థిక పరిస్థితి మెరుగ్గా ఉంటుంది. దైవ కార్యాల్లో పాల్గొంటారు.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఉద్యోగంలో సమర్థతకు ఆశించిన గుర్తింపు లభిస్తుంది. వృత్తి, వ్యాపారాలు ఉత్సాహంగా సాగిపోతాయి. ఆదాయానికి, ఆరోగ్యానికి ఇబ్బంది ఉండదు. మంచి పరిచయాలు ఏర్పడతాయి. ఇష్ట మైన బంధుమిత్రులతో కాలక్షేపం చేస్తారు. అనుకున్న పనులు అనుకున్నట్టు పూర్తవుతాయి. జీవిత భాగస్వామితో కలిసి వస్త్రాభరణాలు కొనుగోలు చేస్తారు. ఆకస్మిక ధన లాభానికి అవకాశం ఉంది. సోదరులతో ఆస్తి వివాదం పరిష్కార దిశగా సాగుతుంది. నిరుద్యోగులు శుభవార్తలు వింటారు.
కుంభం (ధనిష్ట 3,4, శతభిషం, పూర్వాభాద్ర 1,2,3): ఆర్థిక విషయాల్లో ఆచితూచి వ్యవహరించాల్సి ఉంటుంది. ఎవరినీ అతిగా నమ్మకపోవడం చాలా మంచిది. ఆదాయ పరిస్థితి అనుకూలంగా ఉంటుంది కానీ, కుటుంబ ఖర్చులు పెరిగి ఇబ్బంది పడతారు. ముఖ్యమైన వ్యవహారాలను వ్యయ ప్రయాసలతో పూర్తి చేస్తారు. వృత్తి, ఉద్యోగాల్లో కొత్త బాధ్యతలను, కొత్త లక్ష్యాలను పూర్తి చేయాల్సి వస్తుంది. వ్యాపారాల్లో కొద్దిపాటి లాభాలకు అవకాశం ఉంది. ఆరోగ్యం మీద శ్రద్ధ పెట్టడం మంచిది. కుటుంబ జీవితం హ్యాపీగా సాగిపోతుంది.
మీనం (పూర్వాభాద్ర 4, ఉత్తరాభాద్ర, రేవతి): ఉద్యోగంలో శుభవార్తలు వింటారు. వృత్తి, వ్యాపారాలు ఆర్థిక ఒత్తిళ్ల నుంచి చాలావరకు బయట పడతాయి. కుటుంబ వ్యవహారాల్లో సొంత ఆలోచనలు కలిసి వస్తాయి. వ్యక్తిగత సమస్యల పరిష్కారం మీద దృష్టి పెడతారు. నిరుద్యోగులకు విదేశాల నుంచి ఆశించిన ఆఫర్ అందుతుంది. సర్వత్రా మీ మాటకు విలువ ఉంటుంది. ఆదాయం బాగా పెరుగుతుంది. ఆస్తి, ఆర్థిక వ్యవహారాల్ని చక్కబెడతారు. విదేశాల్లో ఉన్న పిల్లల నుంచి శుభవార్తలు వింటారు. ఆరోగ్యం బాగానే ఉంటుంది.
