Horoscope Today: ఆ రాశి నిరుద్యోగులకు ఆఫర్లు అందుతాయి.. 12 రాశుల వారికి రాశిఫలాలు

రాశిఫలాలు (23 అక్టోబర్, 2025):  మేషం (అశ్విని, భరణి, కృత్తిక 1): ఆర్థిక పరిస్థితి గతం కంటే బాగా మెరుగ్గా ఉంటుంది. బంధుమిత్రుల ఆదరాభిమానాలు లభిస్తాయి. తలపెట్టిన వ్యవహారాలు, పనులు సంతృప్తికరంగా పూర్తవుతాయి. వృత్తి, ఉద్యోగాలు కొత్త పుంతలు తొక్కుతాయి. కొత్త ప్రాజెక్టులు, కొత్త కార్యక్రమాలతో ఉత్సాహం పెరుగుతుంది. వ్యాపారాల్లో మీ ఆలోచనలు, వ్యూహాల వల్ల లాభాలు కలుగుతాయి. దైవ చింతన పెరుగుతుంది. విద్యార్థులు పురోగతి చెందుతారు. కుటుంబ జీవితం ఉత్సాహంగా సాగిపోతుంది. ఆరోగ్యానికి ఇబ్బందేమీ ఉండదు.

వృషభం (కృత్తిక 2,3,4, రోహిణి, మృగశిర 1,2): వృత్తి, ఉద్యోగ బాధ్యతల్లో ఆకస్మిక మార్పులకు అవకాశం ఉంది. అనుకోకుండా కొన్ని మంచి పరిచయాలు కలుగుతాయి. కుటుంబ సభ్యులతో కలిసి ఇష్టమైన ఆలయాలు సందర్శిస్తారు. చిన్ననాటి మిత్రులతో ఎంజాయ్ చేస్తారు. చేపట్టిన పనుల్ని చురుకుగా సకాలంలో పూర్తి చేస్తారు. వస్త్రాభరణాలు కొనుగోలు చేస్తారు. వ్యాపారాల్లో సానుకూల మార్పులు చోటు చేసుకుంటాయి. దూర ప్రాంత బంధువులతో పెళ్లి సంబంధం కుదిరే అవకాశం ఉంది. కొద్ది శ్రమతో విద్యార్థులు రాణిస్తారు.

మిథునం (మృగశిర 3,4, ఆర్ద్ర, పునర్వసు 1,2,3): వృత్తి, వ్యాపారాలు అధిక లాభాలతో పురోగమిస్తాయి. ఒకటి రెండు ఆర్థిక, వ్యక్తిగత సమస్యలు తొలగిపోతాయి. ఆదాయం పెరుగుతుంది కానీ, అందుకు దీటుగా కుటుంబ ఖర్చులు కూడా బాగా పెరుగుతాయి. ఉద్యోగ జీవితంలో సానుకూల వాతావరణం ఉంటుంది. అధికారులు మీ సలహాలతో లాభం పొందుతారు. కుటుంబ సభ్యులతో సామరస్యం పెరుగుతుంది. అనారోగ్య సమస్య నుంచి చాలావరకు బయటపడతారు. ఆస్తి వివాదం ఒక కొలిక్కి వస్తుంది. విద్యార్థులు పురోగతి సాధిస్తారు.

కర్కాటకం (పునర్వసు 4, పుష్యమి, ఆశ్లేష): వృత్తి, ఉద్యోగాల్లో శ్రమ, ఒత్తిడి తప్పకపోవచ్చు.ఇంటా బయటా కూడా పని ఒత్తిడి బాగా పెరుగుతుంది. ఆరోగ్యం విషయంలో కాస్తంత జాగ్రత్తగా ఉండడం మంచిది. వ్యాపారాలు సజావుగా సాగి పోతాయి. ముఖ్యమైన పనులు, వ్యవహారాలు నిదానంగా పూర్తవుతాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. ఆర్థిక పరిస్థితి కొద్దిగా మెరుగ్గా ఉంటుంది. దైవ కార్యాల్లో పాల్గొంటారు. విద్యార్థులు కష్టపడాల్సి ఉంటుంది. ఆహార, విహారాల్లో వీలైనంత జాగ్రత్తగా ఉండాలి.

సింహం (మఖ, పుబ్బ, ఉత్తర 1): ఉద్యోగ జీవితం సంతృప్తికరంగా సాగిపోతుంది. వృత్తి, వ్యాపారాల్లో కొద్దిగా రాబడి పెరిగే అవకాశం ఉంది. ఆర్థిక వ్యవహారాలు ఆశాజనకంగా కొనసాగుతాయి. అనుకున్న సమయానికి పనులన్నీ పూర్తవుతాయి. వ్యక్తిగత సమస్య ఒకటి పరిష్కారం అవుతుంది. పిల్లల చదువుల విషయంలో శుభవార్తలు వింటారు. వస్త్రాభరణాలు కొనుగోలు చేస్తారు. ఆరోగ్యం చాలావరకు అనుకూలంగా ఉంటుంది. రావలసిన డబ్బు సకాలంలో చేతికి అందుతుంది. విద్యార్థులకు సమయం బాగుంది.

కన్య (ఉత్తర 2,3,4, హస్త, చిత్త 1,2): ఉద్యోగంలో బరువు బాధ్యతలు పెరుగుతాయి. వృత్తి, వ్యాపారాలు నిలకడగా ముందుకు సాగుతాయి. తలపెట్టిన పనులన్నిటినీ పట్టుదలగా పూర్తి చేస్తారు. ముఖ్యమైన వ్యవహారాల్లో బంధు మిత్రుల సహాయం లభిస్తుంది. ఆరోగ్యం బాగానే ఉంటుంది. మంచి పరిచయాలు ఏర్పడతాయి. ఇతరులకు మేలు జరిగే పనులు చేస్తారు. ఆర్థిక పరిస్థితి అనుకూలంగా ఉంటుంది. వృథా ఖర్చులకు కళ్లెం వేస్తారు. బంధువుల్లో పెళ్లి సంబంధం కుదురుతుంది. విద్యార్థులు కష్టపడాల్సి ఉంటుంది.

తుల (చిత్త 3,4, స్వాతి, విశాఖ 1,2,3): ఆర్థిక పరిస్థితి సంతృప్తికరంగా ఉంటుంది. అనేక మార్గాల్లో ఆదాయం పెరుగుతుంది. ఖర్చుల విషయంలో ఆచితూచి వ్యవహరించడం మంచిది. కుటుంబ సభ్యులతో హ్యాపీగా కాలక్షేపం చేస్తారు. దైవ కార్యాల్లో ఎక్కువగా పాల్గొంటారు. ఉద్యోగంలో ప్రాధాన్యం, ప్రాభవం పెరుగుతాయి. వృత్తి, వ్యాపారాలు బిజీగా సాగిపోతాయి. నిరుద్యోగులు విదేశాల నుంచి ఆశించిన శుభవార్త వింటారు. విద్యార్థులు సునాయాసంగా ఘన విజయాలు సాధిస్తారు. ఆరోగ్యానికి లోటుండకపోవచ్చు.

వృశ్చికం (విశాఖ 4, అనూరాధ, జ్యేష్ట): ఉద్యోగ జీవితం సాఫీగా, సాదా సీదాగా సాగిపోతుంది. వృత్తి, వ్యాపారాలు నిలకడగా సాగిపోతాయి. ఆర్థిక పరిస్థితి అనుకూలంగా ఉంటుంది. ఆర్థిక లావాదేవీలు పెట్టుకోకపోవడం మంచిది. ఒకటి రెండు వ్యక్తిగత సమస్యల విషయంలో మానసిక ఒత్తిడి ఉంటుంది. స్వల్ప అనారోగ్యానికి అవకాశం ఉంది. ముఖ్యమైన వ్యవహారాల్ని పూర్తి చేస్తారు. కుటుంబ సభ్యులతో దైవ కార్యాల్లో పాల్గొంటారు. బంధువులతో సమస్యలు తలెత్తుతాయి. విద్యార్థులు చదువుల మీద శ్రద్ధ పెంచాల్సి ఉంటుంది.

ధనుస్సు (మూల, పూర్వాషాఢ, ఉత్తరాషాఢ 1): ఉద్యోగాల్లో మంచి అవకాశాలు అందివస్తాయి. వృత్తి, వ్యాపారాల్లో లాభాలు పెరుగుతాయి. ఆర్థిక వ్యవహారాలు, ఆర్థిక లావాదేవీలు ఆశించిన ఫలితాలనిస్తాయి. ఇష్టమైన బంధువులతో శుభ కార్యంలో పాల్గొంటారు. స్థిరాస్తి క్రయవిక్రయాలు లాభసాటిగా సాగుతాయి. నిరుద్యోగులకు ఆఫర్లు అందుతాయి. సమాజంలో మీ మాటకు, చేతకు విలువ పెరుగుతుంది. రాజకీయ నాయకులతో పరిచయాలు ఏర్పడతాయి. విద్యార్థులకు సమయం అనుకూలంగా ఉంది. ఆరోగ్యం పరవాలేదు.

మకరం (ఉత్తరాషాఢ 2,3,4, శ్రవణం, ధనిష్ట 1,2): వృత్తి, ఉద్యోగాల్లో శ్రమ, ఒత్తిడి తగ్గే అవకాశం ఉంది. వ్యాపారాల్లో బాగా బిజీ అవుతారు. ఆర్థిక పరిస్థితి చాలావరకు నిలకడగా సాగిపోతుంది. ప్రస్తుతానికి ఎవరికీ ఎటువంటి వాగ్దానాలు చేయకపోవడం మంచిది. కుటుంబ బాధ్యతలు బాగా పెరుగుతాయి. తలపెట్టిన పనులు, వ్యవహారాలు సకాలంలో పూర్తవుతాయి. రాదనుకుని వదిలేసుకున్న డబ్బు చేతికి అందుతుంది. ముఖ్యమైన అవ సరాలు తీరిపోతాయి. ఆరోగ్యం అనుకూలంగా ఉంటుంది. విద్యార్థులు శ్రద్ధ పెంచాల్సి ఉంటుంది.

కుంభం (ధనిష్ట 3,4, శతభిషం, పూర్వాభాద్ర 1,2,3): ఉద్యోగంలో పురోగతికి లేదా పదోన్నతికి అవకాశం ఉంది. వృత్తి, వ్యాపారాల్లో సొంత నిర్ణయాలు తీసుకోవడం మంచిది. ఆర్థిక పరిస్థితి నిలకడగా సాగిపోతుంది. ఒకరిద్దరు మిత్రులకు సహాయం చేయడం జరుగుతుంది. నిరుద్యోగుల ప్రయత్నాలకు సానుకూల స్పందన లభిస్తుంది. ఉన్నత స్థాయి వ్యక్తులతో పరిచయాలు పెరుగుతాయి. ఇతరుల విషయాల్లో జోక్యం చేసుకోవద్దు. విద్యార్థులు శ్రమపడాల్సి ఉంటుంది. ఆరోగ్యం పరవాలేదు. జీవిత భాగస్వామికి ఆర్థికంగా కలిసి వస్తుంది.

మీనం (పూర్వాభాద్ర 4, ఉత్తరాభాద్ర, రేవతి): రోజంతా సంతృప్తికరంగా సాగిపోతుంది. వృత్తి, ఉద్యోగాల్లో పదోన్నతితో పాటు ఆర్థిక ప్రయోజనా లను కూడా పొందుతారు. ఆర్థిక ప్రయత్నాలు బాగా కలిసి వస్తాయి. సమాజంలో పలుకుబడి, గౌరవమర్యాదలు పెరుగుతాయి. వ్యాపారాల్లో మీ ఆలోచనలు, ప్రయత్నాల వల్ల లాభాలు కలుగు తాయి. నిరుద్యోగులు ఒకటి రెండు శుభవార్తలు వింటారు. పరిచయస్థులలో పెళ్లి సంబంధం కుదురుతుంది. ఆర్థిక లావాదేవీలు, స్పెక్యులేషన్ లాభిస్తాయి. విద్యార్థులు విజయాలు సాధిస్తారు.