Horoscope Today: ఆ రాశి వ్యాపారులకు లాభాలే లాభాలు.. 12 రాశుల వారికి రాశిఫలాలు
Today Horoscope (January 9, 2026): మేష రాశి వారికి ఆర్థిక ప్రయత్నాలు చాలావరకు సఫలం అవుతాయి. ధనపరంగా ఎవరికీ మాట ఇవ్వకపోవడం మంచిది. వృషభ రాశి వారికి ఆదాయం బాగానే వృద్ది చెందుతుంది. జీవిత భాగస్వామితో అన్యోన్యత పెరుగుతుంది. మిథున రాశి వారికి ఉద్యోగంలో కాస్తంత పని భారం పెరుగుతుంది. అదనపు బాధ్యతలు నిర్వర్తించాల్సి వస్తుంది. మేష రాశి మొదలు మీన రాశి వరకు 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..?
Updated on: Jan 09, 2026 | 5:31 AM
దిన ఫలాలు (జనవరి 9, 2026): మేష రాశి వారికి ఆర్థిక ప్రయత్నాలు చాలావరకు సఫలం అయ్యే అవకాశముంది. వృషభ రాశి వారికి ఆదాయం బాగానే వృద్ది చెందుతుంది. మిథున రాశి వారికి ఉద్యోగంలో కాస్తంత పని భారం పెరిగే అవకాశముంది. మేష రాశి మొదలు మీన రాశి వరకు 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
వృత్తి, ఉద్యోగాలలో మంచి గుర్తింపు లభిస్తుంది. ప్రతిభా పాటవాలు వెలుగులోకి వస్తాయి. వ్యాపారాలు ఉత్సాహంగా సాగిపోతాయి. బంధుమిత్రుల నుంచి రావాల్సిన డబ్బు చేతికి అందుతుంది. ఆర్థిక ప్రయత్నాలు చాలావరకు సఫలం అవుతాయి. ధనపరంగా ఎవరికీ మాట ఇవ్వకపోవడం మంచిది. సమాజంలో పేరు ప్రఖ్యాతులు పెరగడం, మంచి గుర్తింపు లభించడం వంటివి జరుగుతాయి. నిరుద్యోగుల ప్రయత్నాలు ఒక కొలిక్కి వస్తాయి. కుటుంబ జీవితం సాఫీగా సాగిపోతుంది.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగాల్లో అధికారుల నమ్మకాన్ని చూరగొంటారు. లక్ష్యాలు, బాధ్యతలను సకాలంలో పూర్తి చేస్తారు. వ్యాపారాల్లో కొన్ని కీలక మార్పులు చేపట్టి లబ్ధి పొందుతారు. ఆర్థిక విషయాలు సానుకూలంగా సాగిపోతాయి. ముఖ్యమైన పనుల్ని తేలికగా పూర్తి చేస్తారు. ఆస్తి వివాదాలు పరిష్కార దిశగా సాగుతాయి. నిరుద్యోగులకు ఉద్యోగావకాశాలు కలిసి వస్తాయి. పెళ్లి ప్రయత్నాలు సఫలమవుతాయి. ఆదాయం బాగానే వృద్ది చెందుతుంది. జీవిత భాగస్వామితో అన్యోన్యత పెరుగుతుంది.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగంలో కాస్తంత పని భారం పెరుగుతుంది. అదనపు బాధ్యతలు నిర్వర్తించాల్సి వస్తుంది. వృత్తి, వ్యాపారాలు సంతృప్తికరంగా సాగిపోతాయి. పిల్లల చదువుల విషయంలో బాగా శ్రద్ధ పెడతారు. కొన్ని వ్యక్తిగత సమస్యల నుంచి విముక్తి లభిస్తుంది. ఆస్తి, ఆర్థిక వ్యవహారాలు సవ్యంగా సాగి పోతాయి. ఆహార, విహారాల్లో జాగ్రత్తగా ఉండడం మంచిది. కుటుంబంలో ఒకటి రెండు శుభ పరిణామాలు చోటు చేసుకుంటాయి. ఆదాయం పెరుగుతుంది కానీ, ఖర్చులు కూడా పెరుగుతాయి.
కర్కాటకం (పునర్వసు 4, పుష్యమి, ఆశ్లేష)
ఉద్యోగంలో అధికారుల నుంచి కొద్దిగా ఒత్తిడి ఉండే అవకాశం ఉంది. వృత్తి, వ్యాపారాల్లో లాభాలకు కొదవ ఉండదు. ఆర్థిక వ్యవహారాలన్నీ సానుకూలంగా సాగిపోతాయి. ఇతరుల వివాదాలకు వీలైనంత దూరంగా ఉండడం మంచిది. కుటుంబ పెద్దల నుంచి ఆశించిన సహాయ సహకారాలు లభిస్తాయి. ఆదాయానికి, ఆరోగ్యానికి ఇబ్బందేమీ ఉండదు. అనుకున్న పనులు అనుకున్నట్టు పూర్తవుతాయి. ఇంటా బయటా కొద్దిగా ఒత్తిడి ఉన్నప్పటికీ కొన్ని ముఖ్యమైన పనులు కొనసాగిస్తారు.
సింహం (మఖ, పుబ్బ, ఉత్తర 1)
వృత్తి, ఉద్యోగాల్లో అధికారులను పని తీరుతో ఆకట్టుకుంటారు. శ్రమాధిక్యత తప్పకపోవచ్చు. అద నపు ఆదాయ ప్రయత్నాలు అనుకూల ఫలితాలనిస్తాయి. కొందరు చిన్ననాటి మిత్రులను, బంధువులను కలుసుకుంటారు. ఒక శుభ కార్యంలో పాల్గొంటారు. మంచి పరిచయాలు కలుగుతాయి. జీవిత భాగస్వామితో కలిసి భారీగా వస్త్రాభరణాలు కొనుగోలు చేస్తారు. కుటుంబ సభ్యులతో కలిసి ఆలయాలకు వెళ్లే అవకాశం ఉంది. పెళ్లి, ఉద్యోగ ప్రయత్నాలు సఫలం అయ్యే అవకాశం ఉంది.
కన్య (ఉత్తర 2,3,4, హస్త, చిత్త 1,2)
ఉద్యోగంలో మీ సమర్థతకు అధికారుల నుంచి ప్రశంసలు లభిస్తాయి. వృత్తి, వ్యాపారాలు బాగా బిజీగా సాగిపోతాయి. అవసరానికి తగిన ధన సహాయం అందుతుంది. ఆరోగ్యం చాలావరకు కుదుటపడుతుంది. నిరుద్యోగుల ప్రయత్నాలు సఫలమవుతాయి. కుటుంబ పెద్దల నుంచి ఆశించిన సహాయ సహకారాలు లభిస్తాయి. ఇంటా బయటా కొద్దిగా ఒత్తిడి ఉండే అవకాశం ఉంది. పిల్లలు వృద్ధిలోకి వస్తారు. జీవిత భాగస్వామికి వృత్తి, ఉద్యోగాలలో ఆశించిన అనుకూలత ఏర్పడుతుంది.
తుల (చిత్త 3,4, స్వాతి, విశాఖ 1,2,3)
ఉద్యోగంలో బాధ్యతలను సమర్థవంతంగా నిర్వహిస్తారు. అధికారుల నుంచి ఆశించిన ప్రోత్సాహకాలు లభిస్తాయి. వృత్తి, వ్యాపారాల్లో ఇతరుల మీద ఆధారపడకపోవడం మంచిది. ఆర్థిక ప్రయత్నాలు చాలావరకు విజయవంతం అవుతాయి. అనేక మార్గాలలో ఆదాయం పెరిగే సూచనలున్నాయి. చేపట్టిన పనులు ఉత్సాహంగా ముందుకు సాగుతాయి. ఆరోగ్య సమస్యల నుంచి చాలా వరకు బయటపడతారు. ఒకటి రెండు వ్యక్తిగత సమస్యలు పరిష్కారమై మనశ్శాంతి కలుగుతుంది.
వృశ్చికం (విశాఖ 4, అనూరాధ, జ్యేష్ట)
ఉద్యోగంలో ప్రాధాన్యం పెరుగుతుంది. అనేక విషయాల్లో అధికారులు మీ మీద బాగా ఆధారపడ తారు. వృత్తి, వ్యాపారాలు నిలకడగా ముందుకు సాగుతాయి. స్థిరాస్తి, ఆర్థిక వ్యవహారాలు సజావుగా సాగిపోతాయి. ఆదాయం నిలకడగా సాగుతుంది. ఖర్చులు తగ్గించుకోవడం మంచిది. ఆరోగ్యం విషయంలో జాగ్రత్తగా ఉండాలి. బంధుమిత్రుల వల్ల కొన్ని కీలక పనులు పూర్తవుతాయి. కొత్త ప్రయత్నాలు సత్ఫలితాలనిస్తాయి. రావలసిన డబ్బు, బాకీలు, బకాయిలు చేతికి అందుతాయి.
ధనుస్సు (మూల, పూర్వాషాఢ, ఉత్తరాషాఢ 1)
వృత్తి, ఉద్యోగాల్లో ప్రాధాన్యం పెరుగుతుంది. వ్యాపారాలు ఆశాజనకంగా ముందుకు సాగుతాయి. ఆదాయ మార్గాలు పెరిగే అవకాశం ఉంది. షేర్లు, స్పెక్యులేషన్లలో ధైర్యంగా నిర్ణయాలు తీసుకుని బాగా లాభపడతారు. వస్త్రాభరణాలు కొనుగోలు చేస్తారు. కొత్త ప్రయత్నాలకు అవరోధాలు తొలగుతాయి. బంధువుల నుంచి శుభ కార్యాలకు ఆహ్వానాలు అందుతాయి. పెళ్లి సంబంధం కుదురుతుంది. ఉద్యోగ ప్రయత్నాలకు సరైన స్పందన లభిస్తుంది. కుటుంబ జీవితం ప్రశాంతంగా సాగిపోతుంది.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఆదాయంలో ఆశించిన పెరుగుదల ఉంటుంది. కుటుంబ సభ్యుల మీద ఖర్చులు బాగా పెరుగుతాయి. కొందరు బంధుమిత్రులకు ఆర్థికంగా సహాయం చేయడం జరుగుతుంది. వృత్తి జీవితంలో డిమాండ్ పెరిగి తీరిక లేని పరిస్థితి ఏర్పడుతుంది. వ్యాపారాల్లో కొత్త ఆలోచనలు అమలు చేసి, మంచి ఫలితాలు సాధిస్తారు. ఉద్యోగంలో అధికారుల నుంచి ఆదరణ ఉంటుంది కానీ, పని భారం బాగా పెరిగే అవకాశం ఉంది. ముఖ్యమైన వ్యవహారాల్లో కొందరు మిత్రుల సహకారం లభిస్తుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
వృత్తి, ఉద్యోగాల్లో బరువు బాధ్యతలు బాగా పెరుగుతాయి. మానసిక ఒత్తిడికి గురవుతారు. వ్యాపా రాలు నిలకడగా సాగిపోతాయి. మంచి పరిచయాలు ఏర్పడతాయి. ఇంటా బయటా గౌరవ మర్యాదలు పెరుగుతాయి. మీ సలహాలు, సూచనలకు విలువ ఏర్పడుతుంది. ఆదాయం నిలకడగా సాగిపోతుంది. నిరుద్యోగులకు ఆశించిన ఆఫర్లు అందుతాయి. విందు, వినోదాల్లో పాల్గొంటారు. నిరుద్యోగులకు ఆశించిన సమాచారం అందుతుంది. మంచి పెళ్లి సంబంధం కుదిరే అవకాశం ఉంది.
మీనం (పూర్వాభాద్ర 4, ఉత్తరాభాద్ర, రేవతి)
రోజంతా సానుకూలంగా, సంతృప్తికతరంగా సాగిపోతుంది. ఉద్యోగంలో ప్రాధాన్యం కొనసాగుతుంది. వృత్తి, వ్యాపారాల్లో డిమాండ్ బాగా పెరుగుతుంది. అనుకున్న పనులు అనుకున్నట్టు పూర్తవుతాయి. వ్యక్తిగత సమస్యలకు పరిష్కారం లభిస్తుంది. ఆర్థిక వ్యవహారాలు అనుకూలంగా పురోగమిస్తాయి. ఆదాయం నిలకడగా ఉంటుంది కానీ, మిత్రుల మీద ఎక్కువగా ఖర్చు చేస్తారు. ఇంటా బయటా అనుకూలతలుంటాయి. పిల్లల చదువుల మీద బాగా శ్రద్ధ పెట్టడం జరుగుతుంది.
