కరోనాను ‘దాచిపెట్టినందుకు’ చైనాపై అదనపు సుంకాలు… ట్రంప్

కరోనాను 'దాచిపెట్టినందుకు' చైనాపై అదనపు సుంకాలు... ట్రంప్

కరోనా వైరస్ విషయంలో ప్రపంచ దేశాలకు సమాచారం ఇవ్వకుండా దాచిపెట్టినందుకు ఆ దేశంపై అదనపు సుంకాలు విధిస్తామని అమెరికా అధ్యక్షుడు ట్రంప్ హెచ్చరించారు. ఆ దేశానికి శిక్షగా ఇదే తగిన పరిష్కారమన్నారు. అయితే.....

Umakanth Rao

| Edited By: Anil kumar poka

May 02, 2020 | 12:30 PM

కరోనా వైరస్ విషయంలో ప్రపంచ దేశాలకు సమాచారం ఇవ్వకుండా దాచిపెట్టినందుకు ఆ దేశంపై అదనపు సుంకాలు విధిస్తామని అమెరికా అధ్యక్షుడు ట్రంప్ హెచ్చరించారు. ఆ దేశానికి శిక్షగా ఇదే తగిన పరిష్కారమన్నారు. అయితే పెంచిన సుంకాలను ఎప్పటినుంచి  విధిస్తామన్నవిషయాన్ని ఆయన వివరించలేదు. ఏం జరుగుతుందో చూద్దాం.. చైనాకు సంబంధించి జరుగుతున్న పరిణామాలు చాలా అసంతృప్తిని కలిగిస్తున్నాయి. అని ఆయన వ్యాఖ్యానించారు. 182 దేశాలు ఈ కల్లోలాన్ని ఎదుర్కొంటున్నాయని, అన్ని దేశాలూ నరకాన్ని చవి చూస్తున్నాయని ఆయన ఇటీవల పేర్కొన్న సంగతి విదితమే.. అటు అమెరికా విదేశాంగ మంత్రి మైక్ పాంపియో కూడా.. చైనా తీరును మళ్ళీ తప్పు పట్టారు. కరోనా విషయంలో ఆ దేశం పారదర్శకంగా వ్యవహరించడం లేదని, ఏమీ ఎరగని నంగనాచిలా నటిస్తోందని ఆయన దుయ్యబట్టారు. ఆ దేశంలో ఎవరైనా దీనిపై మాట్లాడబోతే వారిని అందుకు అనుమతించడం లేదన్నారు. చైనాలో చాలా ల్యాబ్స్ ఉన్నాయని, వాటిలో ఏం జరుగుతోందో ఎవరికీ తెలియడంలేదన్నారు. ఆ ల్యాబ్స్ నుంచి అప్పుడప్పుడు కొంత సమాచారం లీక్ అవుతూ ఉంటుందని, దాన్నే విశ్వసించాల్సి వస్తోందని మైక్ పాంపియో పేర్కొన్నారు.

Follow us on

Related Stories

Most Read Stories

Click on your DTH Provider to Add TV9 Telugu