పుతిన్‌ త్వరలో చనిపోతాడు.. ఉక్రెయిన్‌ అధ్యక్షుడు జెలెన్‌స్కీ సంచలన వ్యాఖ్యలు

రష్యా అధ్యక్షుడు పుతిన్‌ను ఉద్దేశిస్తూ.. ఉక్రెయిన్‌ అధ్యక్షుడు జెలెన్‌స్కీ సంచలన వ్యాఖ్యలు చేశారు. పుతిన్‌ త్వరలో చనిపోతాడని ఆయన పేర్కొన్నారు. ఫ్రాన్స్ అధ్యక్షుడు ఇమ్మాన్యుయేల్ మెక్రాన్‌తో సమావేశం అనంతరం నిర్వహించిన విలేకరుల సమావేశంలో జెలెన్‌స్కీ ఈ వ్యాఖ్యలు చేశారు. ‘‘పుతిన్‌ త్వరలో చనిపోతాడు.. అది వాస్తవం.. దీంతో ఇరుదేశాల మధ్య జరుగుతున్న యుద్ధం ముగిసిపోతోంది. ఈ యుద్ధం కొనసాగాలని రష్యా కోరుకుంటోంది. ఇది ముగిసేలా ఆ దేశంపై ఒత్తిడి తీసుకురావాలి’’ అని జెలెన్‌స్కీ పేర్కొన్నారు. సడెన్‌గా జెలెన్‌స్కీ ఈ మాటలు అనడం వెనుక అసలు కారణాలు ఏంటో తెలుసుకుందాం.

రష్యా అధ్యక్షుడు పుతిన్‌ ఆరోగ్యం గురించి నిరంతర పుకార్లు వస్తున్న నేపథ్యంలో, మార్చి 26న పారిస్‌లో యూరోపియన్ జర్నలిస్టులకు ఇచ్చిన ఇంటర్వ్యూలో జెలెన్‌స్కీ ఈ వ్యాఖ్యలు చేశారు. ప్రపంచ నాయకుల ఆరోగ్యం చుట్టూ ఉన్న కొనసాగుతున్న సంఘర్షణ, సున్నితత్వాన్ని దృష్టిలో ఉంచుకుని ఈ ప్రకటన సంచలనంగా మారింది. నల్ల సముద్రంలో ఇంధన మౌలిక సదుపాయాల దాడులు, శత్రుత్వాలపై అమెరికా మధ్యవర్తిత్వంలో పాక్షిక కాల్పుల విరమణను అమలు చేయడానికి రష్యా – ఉక్రెయిన్ అంగీకరించిన ఒక రోజు తర్వాత జెలెన్‌స్కీ ఈ వ్యాఖ్యలు చేయడం గమనార్హం. దీనికి బదులుగా, ప్రపంచ మార్కెట్లలో రష్యా ప్రాప్యతను విస్తరించడానికి యునైటెడ్ స్టేట్స్ అంగీకరించింది.

‘‘ఈ ప్రపంచ ఒంటరితనం నుండి బయటపడటానికి పుతిన్‌కు అమెరికా సహాయం చేయకపోవడం చాలా ముఖ్యం” అని పారిస్ పర్యటన సందర్భంగా జెలెన్‌స్కీ చెప్పారని ది కైవ్ ఇండిపెండెంట్ పేర్కొంది. “ఇది ప్రమాదకరమని, ఇది అత్యంత ప్రమాదకరమైన క్షణాలలో ఒకటి. పుతిన్ తన మరణం వరకు అధికారంలో ఉండాలని ఆశిస్తున్నానని, ఆయన ఆశయాలు ఉక్రెయిన్‌కు మాత్రమే పరిమితం కాకుండా పశ్చిమ దేశాలతో ప్రత్యక్ష ఘర్షణకు” దారితీయవచ్చని’’ జెలెన్‌స్కీ అన్నారు. పుతిన్‌పై ఒత్తిడి తీసుకురావడంలో అమెరికా, యూరప్ ఐక్యంగా ఉండాలని ఆయన కోరారు. రష్యన్ నాయకుడు యూరోపియన్-అమెరికన్ కూటమికి భయపడుతున్నారని, దానిని విభజించాలని ఆశిస్తున్నారని జెలెన్‌స్కీ అన్నారు. యుద్ధంలో అమెరికా సహాయానికి జెలెన్‌స్కీ కృతజ్ఞతలు తెలిపారు. అయితే రష్యా సంఘర్షణ కథనాల ద్వారా వాషింగ్టన్ ప్రభావితమైందని అన్నారు.

ఇదిలావుంటే, పుతిన్‌ వణుకుతూ కనిపించిన వీడియోలు.. 2022 నాటివని సమాచారం. ఇక గతంలోనూ పుతిన్‌ ఆరోగ్య పరిస్థితులపై అనేక కథనాలు వెలువడ్డాయి. ఆయన డూప్‌ని సైతం ఉపయోగిస్తున్నారంటూ ఆరోపణలు వినిపించాయి. పుతిన్‌ అప్పుడే వీటిని ఖండించారు. రష్యా అధ్యక్షుడి అనారోగ్య పరిస్థితులపై మీడియాలో వస్తున్న కథనాలను క్రెమ్లిన్‌ ఎప్పటికప్పుడూ ఖండిస్తూ వచ్చింది. అయితే తాజాగా జెలెన్‌స్కీ చేసిన వ్యాఖ్యలపై…రష్యా నుంచి ఇప్పటివరకు ఎవరూ ఎలాంటి ప్రకటన చేయలేదు. అదే ఇప్పుడు అనుమానాలు రేకెత్తిస్తోంది.

మరిన్ని అంతర్జాతీయం వార్తల కోసం ఇక్కడ క్లిక్ చేయండి..