USA vs North Korea: కిమ్తో కయ్యానికి కాలుదువ్వుతోన్న అమెరికా.. దక్షిణ కొరియాతో కలిసి..
కిమ్తో కయ్యానికి కాలుదువ్వుతోంది అగ్రరాజ్యం అమెరికా. దక్షిణ కొరియాతో కలిసి జాయింట్ మిలిటరీ డ్రిల్స్ నిర్వహిస్తోంది. వందల కొద్దీ యుద్ధవిమానాలు
Updated on: Oct 31, 2022 | 10:53 PM
కిమ్తో కయ్యానికి కాలుదువ్వుతోంది అగ్రరాజ్యం అమెరికా. దక్షిణ కొరియాతో కలిసి జాయింట్ మిలిటరీ డ్రిల్స్ నిర్వహిస్తోంది. వందల కొద్దీ యుద్ధవిమానాలు ఈ విన్యాసాల్లో పాల్గొన్నాయి. కొంత కాలంగా ఈస్ట్ ఏసియా మీద ఫోకస్ పెంచింది అమెరికా. ఇందులో భాగంగా సౌత్ కొరియాతో కలిసి సంయుక్తంగా సైనిక విన్యాసాలు చేపట్టింది. అమెరికా-దక్షిణ కొరియా వాయు సేనలు సోమవారం అతి పెద్ద సంయుక్త యుద్ధ విన్యాసాలను మొదలు పెట్టాయి. విజిలెంట్ స్ట్రామ్ పేరిట శుక్రవారం వరకు జరిగే ఈ విన్యాసాల్లో 240 యుద్ధ విమానాలు 16వందల సార్టీలు నిర్వహిస్తున్నాయి. ఈ వార్షిక కార్యక్రమంలో ఇన్ని సార్టీలు నిర్వహించడం ఇదే తొలిసారి. ఈ యుద్ద విన్యాసాల కోసం అమెరికా 35, దక్షిణ కొరియా 140 యుద్ద విమానాలను రంగంలోకి దింపుతున్నాయి. అయితే ఈ యుద్ధ విన్యాసాలను ఉత్తర కొరియా ఖండించింది. ఇవి తమ దేశంపై దాడికి సన్నాహాలుగా పేర్కొంది.
వాషింగ్టన్, సియోల్ అనుసరిస్తున్న దుందుడుకు విధానాలను ఇది తెలియజేస్తోందని మండిపడింది. అయితే ఇటీవలే జపాన్తో కలిసి విన్యాసాలు నిర్వహించింది అమెరికా. దీనికి ప్రతిగా ఉత్తర కొరియా కూడా క్షిపణీ పరీక్షలను నిర్వహిస్తోంది. అసలు తగ్గేదేలే అంటూ ఈ ఏడాది అక్టోబరు వరకు 40కి పైగా క్షిపణి పరీక్షలు జరిపింది. కొద్ది రోజుల క్రితం ఒక క్షిపణిని కొరియా ద్వీపకల్పానికి, జపాన్కు మధ్యనున్న సముద్ర జలాల్లోకి ప్రయోగించింది. ఆపైన సముద్రంలోకి ఫిరంగి గుళ్లను పేల్చింది. దక్షిణ కొరియా సరిహద్దుల సమీపంలోకి యుద్ధ విమానాలనూ పంపింది. ఉత్తర, దక్షిణ కొరియాల మధ్య సముద్ర, భూ సరిహద్దుల వెంబడి విమానాలు ఎగరకూడదంటూ గతంలో కుదిరిన ఒప్పందాన్ని ఉత్తర కొరియా యథేచ్ఛగా ఉల్లంఘించింది. దీంతో కిమ్తో కయ్యానికి కాలుదువ్వుతోంది అమెరికా. గట్టి జవాబు ఇచ్చేందుకు దక్షిణ కొరియాతో కలిసి జాయింట్ మిలిటరీ డ్రిల్స్ చేపట్టింది.
మరిన్ని అంతర్జాతీయ వార్తల కోసం ఈ లింక్ క్లిక్ చేయండి..
