US-Indian Arrest: యూఎస్ వర్జిన్ ఐలాండ్స్‌లో ముగ్గురు భారతీయుల అరెస్ట్.. ఎందుకోసమంటే..?

అగ్రరాజ్యం అమెరికాలో ముగ్గురు భారతీయులను బార్డర్ సెక్యూరిటీ అధికారులు అరెస్ట్ చేశారు. అక్రమంగా దేశంలోకి ప్రవేశించారన్న ఆరోపణలతో వారిని అదుపులోకి తీసుకున్నామని బార్డర్ సెక్యూరిటీ అధికారులు తెలిపారు.

US-Indian Arrest: యూఎస్ వర్జిన్ ఐలాండ్స్‌లో ముగ్గురు భారతీయుల అరెస్ట్.. ఎందుకోసమంటే..?
Arrest

US-Indian Arrest: అగ్రరాజ్యం అమెరికాలో ముగ్గురు భారతీయులను బార్డర్ సెక్యూరిటీ అధికారులు అరెస్ట్ చేశారు. అక్రమంగా దేశంలోకి ప్రవేశించారన్న ఆరోపణలతో వారిని అదుపులోకి తీసుకున్నామని బార్డర్ సెక్యూరిటీ అధికారులు తెలిపారు. క్రిష్ణబెన్ పటేల్(25), నికుంజ్ కుమార్ పటేల్(27), అశోక్ కుమార్ పటేల్(39) అనే ముగ్గురిని యూఎస్ వర్జిన్ ఐస్‌ల్యాండ్‌లోని సెయింట్ క్రోయిక్స్ విమానాశ్రయంలో నవంబర్ 24న అరెస్ట్ చేశారు. ఫ్లోరిడాలోని ఫోర్ట్ లాడర్డేల్‌కు వెళ్లేందుకు వచ్చిన వీరిని సెక్యూరిటీ తనిఖీల్లో భాగంగా సరియైన ధృవపత్రాలు లేకపోవడంతో అదుపులోకి తీసుకుని విచారించారు. ఆ సమయంలో ఈ ముగ్గురు అక్రమంగా దేశంలోకి ప్రవేశించినట్లు అధికారులు గుర్తించారు. అనంతరం ఈ నెల 2వ తేదీన వారిని ప్రాథమిక విచారణ నిమిత్తం సెయింట్ క్రోయిక్స్ మేజిస్ట్రేట్ కోర్టులో హాజరుపరిచారు.

యునైటెడ్ స్టేట్స్‌లోకి అక్రమంగా ప్రవేశించినందుకు అరెస్టయిన భారతీయుల సంఖ్య 2018లో ఇప్పటివరకు దాదాపు మూడు రెట్లు పెరిగిందని US కస్టమ్స్, బోర్డర్ ప్రొటెక్షన్ (CBP) తెలిపింది. ఒక వ్యక్తి జూన్ 12, 2018, USలోని శాన్ డియాగో, కాలిఫోర్నియా సమీపంలోని మెక్సికో నుండి USలోకి అక్రమంగా ప్రవేశించిన తర్వాత, గోట్ కాన్యన్‌లో సరిహద్దు పెట్రోలింగ్ ఏజెంట్‌కి దొరికిపోయాడు. అయితే పెద్ద సంఖ్యలో ఆర్థిక వలసదారులు మోసపూరిత పిటిషన్‌లతో వ్యవస్థను దెబ్బ తీస్తున్నారని సీబీపీ అధికారి ఒకరు తెలిపారు. కాగా, దీనిని వాషింగ్టన్‌లోని భారత రాయబార కార్యాలయం, శాన్ ఫ్రాన్సిస్కోలోని భారత కాన్సులేట్ ఎలాంటి ప్రకటన చేయలేదు.

ఇదిలావుంటే, అమెరికాలోకి అక్రమంగా ప్రవేశించినందుకు గతంలో భారత్‌కు బహిష్కరించబడిన ముగ్గురు భారతీయ పౌరులను అమెరికా వర్జిన్ ఐలాండ్స్‌లో మరోసారి అరెస్టు చేసినట్లు అమెరికన్ అటార్నీ తెలిపారు. నేరం రుజువైతే, డిపార్ట్‌మెంట్ ఆఫ్ జస్టిస్ ప్రకారం, వారు 10 సంవత్సరాల జైలుశిక్ష , తదుపరి బహిష్కరణను ఎదుర్కొంటారని తెలిపారు. వారు USలోకి అక్రమ ప్రవేశానికి ప్రయత్నించినందుకు సంబంధించిన నేరారోపణలపై ప్రాథమిక విచారణ కోసం సెయింట్ క్రోయిక్స్‌లోని మేజిస్ట్రేట్ కోర్టు న్యాయమూర్తి జార్జ్ W కానన్ ముందు డిసెంబర్ 2న హాజరయ్యారు.

Read Also…  NTA Announcement: జువాద్‌ తుఫా‌న్‌ ప్రభావంతో ఏపీ, ఒడిశా, బెంగాల్​లో పరీక్షలు వాయిదా.. మళ్లీ ఎప్పుడంటే! `

Click on your DTH Provider to Add TV9 Telugu