‘యూనివర్సల్ వ్యాక్సిన్’ సృష్టికి శాస్త్రజ్ఞుల ముమ్మర పరిశోధనలు……భవిష్యత్తులో ఫలించేనా …?

కోవిద్-10 కొత్త వేరియంట్ .ప్రపంచ దేశాలను అప్పుడే హడలెత్తిస్తున్న తరుణంలో శాస్త్రజ్ఞులు, రీసెర్చర్లు వివిధ రకాల వైరస్ లను కట్టడి చేయగలిగే యూనివర్సల్ వ్యాక్సిన్ ని అభివృద్ధి పరచేందుకు అహర్నిశలు కృషి చేస్తున్నారు. ఇది తుది దశలో ఉన్నట్టు చెబుతున్నారు. ఈ వ్యాక్సిన్ సిద్ధమైన పక్షంలో భవిష్యత్తులో అన్ని రకాల హానికారక వైరస్ లను ఎదుర్కొనే శక్తిమంతమైన ‘ఆయుధం’ లభించగలదని భావిస్తున్నారు. తాము డెవలప్ చేస్తున్న టీకామందును ఎలుకలపై ప్రయోగించి చూడగా అవి తమ రోగ నిరోధక శక్తిని పెంచుకున్నాయని….కోవిద్-19 వైరస్ ను కూడా హరింప జేసుకున్నాయని వారు తెలిపారు. యూనివర్సిటీ ఆఫ్ నార్త్ కెరొలినాకు చెందిన రీసెర్చర్లు ఈ విషయాలను చెబుతూ……తమ ప్రయోగాలు ఫలించగలవని భావిస్తున్నట్టు చెప్పారు. ప్రస్తుతం దీన్ని హైబ్రిడ్ వ్యాక్సిన్ గా వ్యవహరిస్తున్నామని, అయితే ఆ తరువాత దీని పేరు మారవచ్చునని వారు పేర్కొన్నారు. ఎలుకలపైనే కాకుండా ఇతర జంతువులపై కూడా తాము ఈ టీకామందును పరీక్షించి చూస్తున్నట్టు ఈ యూనివర్సిటీ పరిశోధకులు చెప్పారు.

వచ్చే ఏడాది దీన్ని మనుషులపై క్లినికల్ ట్రయల్స్ నిర్వహించే సూచనలు ఉన్నాయని, కానీ తమ పరిశోధనలు ఇంకా పూర్తి కావడానికి మరి కొంత కాలం పడుతుందని డేవిడ్ మార్టినెజ్ అనే శాస్త్రజ్ఞుడు తెలిపారు. ఇప్పటివరకు మనం సార్స్-కొవ్-2 ని ఎదుర్కొనే వ్యాక్సిన్ ని మాత్రమే చూశామని కానీ తమ టీకామందును సార్స్-కొవ్-3 ని కూడా ఎదుర్కొనే మందుగా సైతం పేర్కొనవచ్చునని ఆయన అన్నారు. నిజంగా ఈ శాస్త్రజ్ఞుల రీసెర్చ్ ఫలించి ఈ యూనివర్సల్ వ్యాక్సిన్ అందుబాటులోకి వచ్చిన పక్షంలో ప్రపంచ మానవాళికి అంతకన్నా కావలసింది ఏముంటుంది…?

మరిన్ని ఎక్కడ చూడండి: Potina Venkata Mahesh : ‘ఈ డ్రామాలేంటి వెల్లంపల్లి శ్రీనివాస్ గారూ.. వాటిపై మీకు రాజకీయం తగునా?’ : జనసేన ప్రతినిధి పోతిన

Acharya: అంతుబట్టని ‘ఆచార్య’ మూమెంట్స్‌.. రిలీజ్ డేట్‌పై మెగాఫ్యాన్స్‌ని వెంటాడుతున్న సందేహాలు !