Putin in India: భారతదేశం గొప్ప శక్తి.. కాలపరీక్షకు నిలిచిన స్నేహితుడు.. రష్యా అధ్యక్షుడు వ్లాదిమిర్ పుతిన్ అద్భుత వ్యాఖ్యలు!

Putin in India: భారతదేశం గొప్ప శక్తి.. కాలపరీక్షకు నిలిచిన స్నేహితుడు.. రష్యా అధ్యక్షుడు వ్లాదిమిర్ పుతిన్ అద్భుత వ్యాఖ్యలు!
Putin In India

భారతదేశాన్ని గొప్ప శక్తిగా.. కాలపరీక్షకు నిలిచిన స్నేహితుడిగా భావిస్తున్నామని రష్యా అధ్యక్షుడు వ్లాదిమిర్ పుతిన్ అన్నారు. భారత్‌లో ఒకరోజు పర్యటన కోసం రష్యా ఢిల్లీ చేరుకున్న ఆయన మన దేశంపై తన అభిప్రాయాన్ని వివరించారు.

KVD Varma

|

Dec 06, 2021 | 9:44 PM

Putin in India: భారతదేశాన్ని గొప్ప శక్తిగా.. కాలపరీక్షకు నిలిచిన స్నేహితుడిగా భావిస్తున్నామని రష్యా అధ్యక్షుడు వ్లాదిమిర్ పుతిన్ అన్నారు. భారత్‌లో ఒకరోజు పర్యటన కోసం రష్యా ఢిల్లీ చేరుకున్న ఆయన మన దేశంపై తన అభిప్రాయాన్ని వివరించారు. తొలుత విమానాశ్రయం నుంచి పుతిన్ హైదరాబాద్ హౌస్ చేరుకున్న ఆయనకు ప్రధాని నరేంద్ర మోడీ స్వాగతం పలికారు. మీడియా సమక్షంలో పుతిన్, మోదీ తమ ప్రకటనలు ఇచ్చారు. మేక్ ఇన్ ఇండియా కార్యక్రమం కింద మన రక్షణ సహకారం మరింత బలపడుతుందని మోడీ అన్నారు. తరువాత మాట్లాడిన పుతిన్ రెండు దేశాలు రక్షణ మరియు ఆర్థిక రంగంలో ముఖ్యమైన మిత్రదేశాలు. కరోనాకు వ్యతిరేకంగా సహకారం కూడా ఉంది. ఆర్థిక రంగంలో కూడా మా సంబంధాన్ని ముందుకు తీసుకెళ్లేందుకు మేము పెద్ద దృష్టితో పని చేస్తున్నాము. మేము 2025 నాటికి 30 బిలియన్ డాలర్ల వాణిజ్యం, 50 బిలియన్ డాలర్ల పెట్టుబడిని లక్ష్యంగా పెట్టుకున్నాము. అంటూపేర్కొన్నారు.

పతనం తర్వాత..

పుతిన్ ఇంకా మాట్లాడుతూ.. భారత్‌లో పర్యటించడం చాలా సంతోషంగా ఉందన్నారు. గత సంవత్సరం, రెండు దేశాల మధ్య వాణిజ్యం 17% పడిపోయింది. అయితే, ఈ సంవత్సరం మొదటి తొమ్మిది నెలల్లో వాణిజ్యం 38% పెరిగింది. భారతదేశం, రష్యా మధ్య సంబంధాలను ప్రస్తావిస్తూ, పుతిన్ మాట్లాడుతూ- భారతదేశాన్ని గొప్ప శక్తిగా కాలపరీక్షకు నిలిచిన స్నేహితుడిగా తాము భావిస్తున్నామని చెప్పారు.

భవిష్యత్తులో ఇరు దేశాల మధ్య సంబంధాలు మరింత పటిష్టంగా ఉండేందుకు ఎదురుచూస్తున్నామని పుతిన్ అన్నారు. రెండు దేశాలు ఉగ్రవాదంతో సంబంధం ఉన్న ప్రతిదానిపై నిఘా ఉంచాయి. ఉగ్రవాదంపై పోరు అంటే డ్రగ్స్ స్మగ్లింగ్, వ్యవస్థీకృత నేరాలపై పోరాడటమే. ఆఫ్ఘనిస్తాన్‌లో పరిస్థితి గురించి మా ఇద్దరికీ ఆందోళన కలిగించడానికి ఇదే కారణం అని చెప్పారు. రెండేళ్ల క్రితం బ్రెసిలియాలో జరిగిన బ్రిక్స్ సదస్సు సందర్భంగా మోడీ, పుతిన్‌లు చివరిసారిగా కలుసుకున్నారు. అయితే ఈ మధ్య కాలంలో ఇద్దరు నేతల మధ్య 6 సార్లు టెలిఫోన్ సంభాషణలు జరిగాయి. మూడు సందర్భాల్లో వర్చువల్ సమావేశాలు కూడా జరిగాయి. పలు రంగాల్లో సాధ్యమైన ఒప్పందాలు

రష్యా మీడియా ప్రకారం, పుతిన్ ఒక రోజు పర్యటనలో, వాణిజ్యం, ఇంధనం, సంస్కృతి, రక్షణ, అంతరిక్షం మరియు సాంకేతిక రంగాలలో రెండు దేశాలు దాదాపు 10 ఒప్పందాలపై సంతకం చేయవచ్చు. ప్రపంచ దేశాల దృష్టి రక్షణ రంగంపై ఎక్కువగా ఉంటుంది. ఈ రెండు ఒప్పందాలపై అమెరికా ఇప్పటికే కొంత కలత చెందింది. ఇవి ఎస్-400 క్షిపణి రక్షణ వ్యవస్థ కాగా, రెండోది అమేథీలో ఏకే-203 రైఫిళ్ల ఉత్పత్తి. ఇక్కడ ఏడున్నర లక్షల ఏకే-203 రైఫిళ్లు తయారు చేయాల్సి ఉంది. ప్రపంచంలోనే తొలిసారిగా ఈ రైఫిళ్లను రష్యా వెలుపల తయారు చేయనున్నారు.

ఇవి కూడా చదవండి: Gaming Experience: స్మార్ట్‌ఫోన్‌లో గేమ్స్ ఆడటం సరదానా.. మంచి గేమింగ్ అనుభవం కోసం ఎటువంటి ఫీచర్లు ఉన్న ఫోన్ కొనాలంటే..

Post Paid Plans: ఎయిర్‌టెల్..వోడాఫోన్ ఐడియా పోస్ట్ పెయిడ్ యూజర్లకు షాక్.. పెరగనున్న ప్లాన్ టారిఫ్‌లు!

Rajnath Singh: రష్యా మంత్రులతో సమావేశంలో చైనా చొరబాట్ల అంశం.. సరిహద్దుల్లో ఆక్రమణలపై కఠినంగా మాట్లాడిన రక్షణ మంత్రి రాజ్‌నాథ్ సింగ్

Follow us on

Related Stories

Most Read Stories

Click on your DTH Provider to Add TV9 Telugu