Viral Video: కారుతో యువతి ప్రమాదకర స్టంట్స్.. బోల్తాకొట్టడంతో కారు కిందపడి నలిగిపోయిన ఐదుగురు
కొంతమంది బైక్లు, కార్లను వేగంగా నడుపుతూ ప్రమాదకర రీతిలో స్టంట్లు చేస్తుంటారు. ఆ తర్వాత వాటిని రికార్డు చేసి సోషల్ మీడియాలో పోస్టు చేయడం, అవి వైరల్ అవడం జరుగుతుంటుంది. ఇలాంటి ఘటనలకు సంబంధించిన వీడియోలు తరచూ సోషల్ మీడియాలో మనకు దర్శనమిస్తునే ఉంటాయి. అలాంటి మరో షాకింగ్ వీడియో ప్రస్తుతం నెట్టింట చక్కర్లు కొడుతోంది. ఆ వీడియోలో అమెరికాకు చెందిన ఓ యువతి కారును స్పీడ్గా నడిపి..
Updated on: Dec 20, 2023 | 7:42 AM
అమెరికా, డిసెంబర్ 20: కొంతమంది బైక్లు, కార్లను వేగంగా నడుపుతూ ప్రమాదకర రీతిలో స్టంట్లు చేస్తుంటారు. ఆ తర్వాత వాటిని రికార్డు చేసి సోషల్ మీడియాలో పోస్టు చేయడం, అవి వైరల్ అవడం జరుగుతుంటుంది. ఇలాంటి ఘటనలకు సంబంధించిన వీడియోలు తరచూ సోషల్ మీడియాలో మనకు దర్శనమిస్తునే ఉంటాయి. అలాంటి మరో షాకింగ్ వీడియో ప్రస్తుతం నెట్టింట చక్కర్లు కొడుతోంది. ఆ వీడియోలో అమెరికాకు చెందిన ఓ యువతి కారును స్పీడ్గా నడిపి తనతోపాటు తన స్నేహితుల ప్రాణాలను కూడా ప్రమాదంలోకి నెట్టింది. ఆ వీడియో ప్రస్తుతం సామాజిక మాధ్యమాల్లో వైరల్ అవుతోంది.
కొలరాడో స్ప్రింగ్స్లోని ఓ మాల్ ఎదుట ఉన్న పార్కింగ్ ప్రాంతంలో శనివారం రాత్రి ఓ యువతి ఎస్యూవీ కారును ప్రమాదకరంగా నడపడంతో అది బోల్తా పడింది. ఆమె స్నేహితులు ఐదుగురు ఆ కారు డోర్లపై వేలాడుతూ ఉండగా, ఆమె కారును వేగంగా వెనక్కి తిప్పింది. ఈ క్రమంలో అది పల్టీకొట్టింది. దీంతో కారు డోర్లపై నిల్చుని వేలాడుతున్న వారు కారు కింద పడి నలిగిపోయారు. ఈ స్టంట్ను వీడియో తీస్తున్న వారితోపాటు చుట్టుపక్కల వారు పరుగు పరుగున వచ్చి కారు కింద పడిపోయిన వారిని రక్షించే ప్రయత్నం చేశారు.
A Colorado Springs “street takeover” ends about as well as you would expect. pic.twitter.com/jXVdnNU8bk
— Ian Miles Cheong (@stillgray) December 18, 2023
అయితే ఈ ప్రమాదంలో డ్రైవింగ్ చేసిన యువతికి స్వల్ప గాయాలయ్యాయి. కారు కింద పడ్డవాళ్లకి తీవ్రగాయాలు కాగా వారిని చికిత్స నిమిత్తం ఆసుపత్రికి తరలించారు. ఘటన జరిగిన వెంటనే మాల్ దగ్గర ఉన్నవారు స్పందించి సకాలంలో ఆస్పత్రికి తరలించడంతో ప్రాణాపాయం తప్పింది. ఈ ఘటనపై కొలరాడో స్పింగ్స్ పోలీసులు చర్యలకు ఉపక్రమించారు. ప్రమాదానికి కారణమైన సదరు యువతిని అరెస్టు చేశామని తెలిపారు. కారును నిర్లక్ష్యపూరితంగా డ్రైవ్ చేసి ప్రమాదానికి కారణం అయినందుకు కేసు నమోదు చేసినట్లు తెలిపారు. ఈ ఘటనలో అరెస్టైన యువతి బాండ్ మీద బయటికి వచ్చింది. పోలీసులు తదుపరి విచారణ చేపట్టారు.
మరిన్ని అంతర్జాతీయ వార్తల కోసం క్లిక్ చేయండి.
